အခန်း(၁၈) စွမ်းအားတိုး သကြားလုံးလေး
လင်းချီနှင့် ယွီမုန့်တို့ လူး၀စ်ကို ချုပ်နှောင်ထားသော လှောင်အိမ်ရှိရာသို့ ရောက်သည့်တိုင်အောင် ကျောနှင့် နံရံကိုကပ်၍ တိတ်ဆိတ်စွာ ထွက်ပြေးလာခဲ့ကြသည်။
သို့သော်ငြား လှောင်အိမ်တံခါးအား ဖွင့်ရန် သော့လိုအပ်သည်။ ထိုသော့မှာလည်း ဓားပြဗိုလ်၏ ခါးတွင် ချိတ်ဆွဲထားသည်။
"ဘယ်လိုလုပ်ကြမလဲ"
လင်းချီ အသက်ပြင်းပြင်းရှူလိုက်ပြီး ရုတ်တရက် စနစ်ရှိ စားကောင်းသောက်ဖွယ်များကို အမှတ်ရသွားကာ ရုတ်ခြည်းဆိုသလို အကြံဉာဏ် ပေါ်ထွက်လာသည်။
သူသည် ဓားပြများ အနားယူနေသော မီးလင်းဖိုဆီသို့ ခပ်တည်တည် လျှောက်သွားလိုက်ပြီး သူ့အရှေ့၌ရှိသော ဒယ်အိုးကြီးအား ကိုင်ကာ ဓားပြများ၏ စားဖိုမှူးအဖြစ် ဟန်ဆောင်လိုက်သည်။ အမှန်အားဖြင့် သူသည် စနစ်ထဲမှ အရိုးထွင်ပြီးသား ကြက်သားများကို ထုတ်၍ မီးတောက်ကြက်ကင်ကို ပြင်ဆင်နေခြင်းဖြစ်သည်။ ထိုဟင်းပွဲမှာ မီးတောက်နေသကဲ့သို့ ပူစပ်လှပြီး စားပြီးသောအခါ ကိုယ်တွင်းရှိ စွမ်းအားများပေါက်ကွဲထွက်လာမည်။ မှန်ပါသည်၊ ယခုစားသုံးမည်ဆိုပါက သေချာပေါက် အသုံးမ၀င်နိုင်ပေ။ အဘယ်ကြောင့်ဆိုသော် တိုက်ခိုက်ရန် ပြိုင်ဘက်မရှိသောကြောင့်ပင်။
ထို့ကြောင့် စားသုံးသူကို စွမ်းအားများသာ ကုန်ခမ်းသွားစေလိမ့်မည်။ချက်ချင်းဆိုသလိုပင် နှစ်လိုဖွယ်ကောင်းသော ရနံ့တစ်မျိုးသည် ဓားပြများ၏ နှာခေါင်းတွင်းသို့ စီးနင်း၀င်ရောက်လာသည်။ ဓားပြအားလုံး အပြေးအလွှားရောက်လာကြပြီး လင်းချီအား မေးမြန်းလိုက်သည်။ "ဟိတ်..စားတော်ကဲကြီး ဒါဘာဟင်းပွဲတုန်း"
"ကြက်အစပ်ကင်"
လင်းချီ ကြက်ကင်များထည့်ထားသော ပန်းကန်ပြားများကို ကမ်းပေးလိုက်သည်။ ၎င်းမှာ အငွေ့များတထောင်းထောင်းထနေကာ မွှေးကြိုင်သော ရနံ့များဖြင့် သူတို့၏ နှာခေါင်းကို ပြင်းပြင်းထန်ထန် တိုက်ခိုက်နေသည်။ ဓားပြအားလုံး ချက်ချင်းပင် သွားရည်ယိုလာကြသည်။
YOU ARE READING
မှော်ကုန်းမြေမှအစားအစာထောက်ပံ့သူစနစ်
FantasyAuthor: The Might Of Leaving Blank Genre: Eastern, Fantasy Status: 95 [Completed]