အခန်း (၃၃) လမ်းဓားပြ
"ဟားဟား..... ငါတို့ကို ဘယ်သူတွေလဲတဲ့"
အနောက်မှ လူတစ်ယောက်ထွက်လာပြီး "ငါတို့က မြို့အရှင့်ရဲ့ အစောင့်တပ်ဖွဲ့၀င်တွေပဲ"
"ဒီတော့ မြို့အရှင်ရဲ့ အစောင့်တပ်ဖွဲ့၀င်တွေက ဘာလိုချင်လို့ ကျုပ်ကို ရှာနေတာလဲ"
လင်းချီက ထူးမခြားနားစွာ မေးလိုက်သည်။
"မင်း ဟိုးရက်တွေတုန်းက တရားမ၀င် ဆိုင်ဖွင့်စားနေတယ်လို့ သတင်းကြားမိတယ် အဲ့အတွက် မင်းကို အပြစ်ပေး အရေးယူဖို့ လာဖမ်းတာပဲ"
"ဘာ..."
လင်းချီ ရယ်စရာကောင်းသည်ဟု ခံစားရကာ ခေါင်းခါရမ်းလိုက်ပြီး "မဟုတ်သေးပါဘူး..ကျုပ်ကအခု ဒီမှာ ခေါက်ဆွဲထိုင်စားနေတာကို ခင်များတို့က ဟိုးရက်တွေတုန်းက အကြောင်းကို လာပြောနေတာပဲ"
"ဒါအမှန်တရားပဲ ဒါကြောင့် ကျုပ်တို့နဲ့ ပူးပေါင်းဆောင်ရွက်ပေးပါ"
လင်းချီ ခေါင်းရမ်းလိုက်ပြီး "မပူးပေါင်းပေးနိုင်ဘူး .. ပြီးတော့ ကျုပ်က ဒီဒေသခံမဟုတ်တဲ့အပြင် စမ်းသပ်ပွဲမှာ ပါဝင်တဲ့ ယှဥ်ပြိုင်သူလည်းဖြစ်တယ် ..ခင်များတို့မှာ ကျုပ်ကို ဖမ်းခွင့် မရှိဘူး"
သိရမှာက လင်းချီမှာ လေနက်ခံတပ်သို့ ရောက်လာကတည်းက ဤနေရာ၏ စည်းမျဉ်းစည်းကမ်း ဥပဒေများကို လေ့လာပြီး ဖြစ်သည်။
ဤနယ်မြေအတွင်း တိုက်ခိုက်ရန် ခွင့်မပြုထားသည်မှာ သိသာသော်လည်း ထိုအရာက မျိုးရိုးမြင့်မိသားစုများနှင့် အစောင့်တပ်သားများ၏ အခွင့်အာဏာကို ကျစ်လျစ်ခိုင်မာလာစေရန်ဖြစ်သည်။
နောက်တစ်နည်းပြောရလျင် သူတို့မှာ သာမန်လူများကိုသာ ရိုက်နှက်နိုင်ကြသည်။
သူတို့က သာမန်ပြည်သူများကို အနိုင်ကျင့်နေရုံသပ်သပ်သာ။
"မလိုအပ်တဲ့ ခုခံမှုတွေ လုပ်မနေဘဲ ကျုပ်တို့နဲ့ အေးဆေးလိုက်ခဲ့လိုက်"
"ဘယ်ကိုလဲ..မှော်အစည်းအရုံးကိုလား....ဒါမှမဟုတ် သိုလှောင်အိတ်ကိုပဲ မင်းတို့ဆီ ပေးလိုက်ရမှာလား"
လင်းချီ၏ စကားလုံးများက အနှီအုပ်စုကို အံ့အားသင့်သွားစေသည်။
'ဒီကောင်က ဘာလို့ကြောက်မနေတာလဲ ပြီးတော့ ငါတို့ရဲ့ ရည်ရွယ်ချက်ကိုတောင် ရိပ်မိလိုက်သေးတယ်'
လင်းချီ မတ်တပ်ရပ်၍ အသက်ပြင်းပြင်းရှူလိုက်ပြီး
"ခင်များတို့ မြို့အရှင်ရဲ့ အစောင့်တွေလို့ ပြောမယ်ဆိုလည်း အနည်းဆုံးတော့ ကောင်းကောင်း သရုပ်ဆောင်သင့်တာပေါ့...အခု ခင်များတို့က ဓားအစည်းအရုံးက ဓားသမားတွေဆိုတာ ဒီလောက်သိသာနေတာ"
"ဒါက"
YOU ARE READING
မှော်ကုန်းမြေမှအစားအစာထောက်ပံ့သူစနစ်
FantasyAuthor: The Might Of Leaving Blank Genre: Eastern, Fantasy Status: 95 [Completed]
