قُـتـام

الـ بارت الـ 1_⚜️

بدايه جديده ❤️‍🩹
.
.
تصويتاتكم حياتاتي
.
.
♣️__________♠️__________♣️

في غرفه سوداء قاتمه مثلجه ظلام دامس مخليه راسي ؏ الحايط ما اعرف شسوي ايديني مربطات بسلاسل كبار ابچي بصمت وارجف نزلت دموعي وجمدت على خدي من البرد

رفعت السلاسل لعل وعسى اگدر اوخرهن رجعت الحديده الچبيره وگعت ؏ اصبع رجلي وصار صوتها قوي واحس اصبعي تكسر

صرخت بأعلى صوت عندي طارت روحي فرفحت بس اريد اشوف اصبعي شصاار بي

- اااااااخخخخ يااايمه

بقيت ابچي بصوت عالي لبين ما اندفر الباب غمصت عيوني من شفت الضوه لأول مره من بعد اشهر
شفتها اجت عليه والأبتسامه الشريره شاگه حلگها

- طلعيني منا الله يخليچ والله كلشي ممسويتلچ

ثنت وگعدت ؏ ركبتها ورفعت ايدها واني درت وجهي عبالي مثل كل مره حتظربني بس صدمتني من خلت ايدها تمسح ؏ شعري

:- مو كتلچ اسكتي ماريد صوت ليش ماتسمعين كلامي

- بردانه حبابه طلعيني

:- تؤ

سكتت مباوعتلها وجسمي يرجف من البرد وهيه ولا همها گامت ودارت ضهرها ومشت وگفت يم الباب ومدت ايدها اخذت جهاز السبلت ورجعت باوعتلي وگالت

:- راح اطفي مو لأن انكسر گلبي عليچ لأن انتِ أمانه عندي

طفت السبلت وطلعت وقفلت الباب ورجعت للظلام مافهمت شي من كلامها شنو قصدها امانه؟ هيه ماخلت شي وما سوته بيه

گمت اتخايل اشياء حولي واني بالظلام مابيه حيل اصرخ گلبي يأذيني وبلاعيمي يأذوني حيل خليت راسي بين رجليني وحضنت رجليني مغمضه عيوني واردد بداخلي وبين كل كلمه شهگه

- يا علي يا علي يا الله نجيني منها .. ما اخاف اني الله وياي وراح يعاقبهم .. انتي قويه .. انتي قويه لارا

بقيت احچي بصوت مبحوح خافت ودموعي ينزلن عشره بـ عشره ورجفتي زادت حضنت نفسي اقوى وغمضت عيوني اقره آيات واتعوذ

مر ساعات طويله واني على هالحاله ما اگدر اتحرك حتى الم اصبعي مو مهتمتله من كثر ما أذتني

سمعت صوت المفتاح رفعت راسي بسرعه وانفتح الباب واجه الضوه بعيني رأساً دمعت حاولت انهض نفسي لكن ماگدرت رفعت نضري ابچي من صار گدامي شخص ..

چان لابس لبس رسمي رفعت عيني لملامحه شعره بي شيب وويباوعلي ببرود مادققت بي اكثر لأن چان كل همي احد يساعدني