دفنوني والـ دفان ما ضل عقل بي
التفت لهلي وكال ميتكم شبي ؟
.
.
صُ . ل
. تعليق ؏ الفقرات !!!
.
منو يحضني بعد؟ منو يبوسني ها؟
غمضت عيوني بوجع ورجعت ضهري
؏ المرجوحه صافنه ؏ الحشيش ودموعي
تجري
وما چنت عارفه شنو ضامتلي الايام الجايه من بعد ما افتقدت صُهيب
گمت من مكاني امشي بهدوء دخلت للبيت صعدت لغرفته دخلت وسديت الباب اباوع لكل شبر بيها لهسه بيها عطره
فتحت الكنتور ولفح بوجهي عطره حضنت ملابسه ابچي عبالك حاضنته لان بيها عطره شميتها حييل
- وين اروح انا هسه؟ منو بقالي؟
مسحت دموعي وگمت من مكاني اجت عيني ؏ المراة اباوع لوجهي غمضت عيوني حيل ما اريد اشوف نفسي اكره روحي
انداريت اريد اطلع شفته واگف ويباوعلي وگع قميصه مني ونزلت دموعي فرح اريد احچي ارتبط الساني
-لارا: ص صُهيب؟
مشيت بهدوء اتلمس اختفى غمضت عيوني بوجع وصرخت بصوت عالي
-لارا: لييش ترروح لييش مو داا احچي ويااك مشتاقتلك
شمرت ملابسه وگمت ابچي بصوت عالي انفتح الباب دخل عمو لزمني يگومني وهوه يستغفر
-لهيب: بنتي ليش هيچ تسوين بروحچ
-لارا: عووفني دا احچي ويااه عوفني
-لهيب: ياهو يابويه ياهو ما كو احد بنتي گومي يابعد روحي گومي نصلي امشي
-لارا: هذااااك واگف هذااك يباوعليي خل يجي لايروح
وگف عمو يباوعلي ويرجع يباوع للمكان هز راسه بأسف لزم ايدي وخله الثانيه وره ضهري يمشيني
-لهيب: امشي وياي اخذچ لمكان
-لارا: مكان؟
-لهيب: اي مكان حلو يوخر الوجع من الگلب
مسحت دموعي امشي بهدوء وهوه يمشيني نزلنه جوه وگف وگال
-لهيب: شال ؟
-لارا: مااا ارريد كااففي
-لهيب: حرام يابنتي والله حرام هاچ
دفعت الشال وگعدت ابچي بقهر
-لارا: لاااتجبررني ما اريد لاتقهرني
سكت بنتهيده اخذني من الگاع گوه و مشينه للسياره صعدت ودرت وجهي ؏ الجام اباوع ودموعي تجري شغل السياره يتنهد اخذ علاجه وگضينه الطريق هدوء
چانت هاي اول طلعه اللي من بعد الخبر الصاعقه اللي سمعته .. احس روحي مسويه ذنب لان طلعت! اني ليش طلعت وهوه ما موجود!
وگف السياره بشارع نزل ونزلت وياه سديت الباب ورفعت راسي اباوع مكتوب دكتوره نفسيه
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
