وانت تدري
تدري كل ليله
بغيابك ينهدم ثلثين عمري
كاظم عبد الجبار
تعليق ؏ الفقرات فضلا !!!
بداية البارت ... بناتات عدلت ؏ البارت لان السرد جان مستعجل واحداث انحذفت هساع شفتها ورجعتها 🔴🔴🔴🔴
دخلت للمحل اباوع فضيحه ملابس داخليه معلگه جرتني عمتي تختار تشيل وتخلي بالسله واني ايدي على عيوني من الفشله احس العالم كلها تباوع
رجعنه للبيت من بعد تعب ركضت وفتحت باب غرفتي وشمرت روحي ؏ الچربايه ميته واسمع سوالفهن جوه وهنه يشوفن الغراض
مَرت ايام عدهم فرحانين واني جاي يزيد خوفي وبيبي وعمتي ميخلن صُهيب يجي للبيت الا بيوم العرس وصارلي اربع ايام مشايفته
لبين ما اجه اليوم الي ينتضره الكل چنت واگفه بفستاني الأبيض المُرصع بكرستال من طراز الطبقه المخمليه لفيت اباوع لروحي ملكه ولابسه تاج تقربت مبتسمه اشوف مكياجي وشعري
- حلو حلو
- اللهم صلِ على محمد وال محمد كلللليش
ضحكت بخفه اباوع گمت ارجف من عمتي گامت تخابر بصُهيب مادري ليش هيچ ارجف والله اصلا حتى مو بردانه
اجن البنات علگنها هلاهل وامهن تخزر بيهن فضحنه بالصالون وهنه يركصن ..
- يوم منو يجيناا
- امير امير هسه يجي ياخذنه
- تجنين ياعروس تجنييين
- دعوفي البنت شتكرصين بيها
- يوم دباعي دباعيي
-لارا: ياا مروه عمه باعي گرصتني
-سِهام: اللهم صل على محمد وال محمد عوفي البنت عوفيها
- الله عريسنه جكليته حامض حلو بباكيته
غمضت عيوني بخوف وتوتر من سمعت صوت هورن السياره جابت عمتي الچادر ولبستنياه
صعدوني بالسياره وچنت ما اشوف كلشي من الچادر
-امير: هاااا عروووس
ضحكت على نبرة صوته واردفت
-لارا: خير
-امير: اثاري كلشي مابيچ طلعتي تردين رجل
لارا: حتى على رجلي لاحگني
-امير: امم امم طلعتي حاطه عينچ على چبيرنا وچ انا اعرف سوالف النسوان اعرف
گامن يضحكن هنه شغل اغاني وگامن يرگصن بالسياره واني ارجف اتمنيت الطريق اطول بس صار قصير وبسرعه وصلنه البيت
دخلوني بالهلاهل بس لبيت نورس اباوع الدنيا مگلوبه الناس كلها عدهم والهلاهل عالگه من غير صياح الزلم بره والفشگ وبيكيسيات عبالك جايين على معركه مو عرس
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
