.
.
تعليق ؏ الفقرات+تصويت
.
.
درت الچاي وگعدت وياهن وكلامها أثر بيه حيل وگلبي ينچخني من وراها معقوله اني هيچ بنضر العالم؟
گعدت بسد بيبي وصافنه ؏ الارض طردت الافكار من راسي الشيطان يوسوسلي تعوذت من الشيطان واجت ورد حالتها حاله الجوه عيونها اسود سوده عليه شصاير بيها گعدت بالزاويه ويانه تتسمع على حديث عمتي ام ريان وكلنه گعدنه نتسمع الها وخاصتاً اني رحت بغير عالم من بدت تحچي
- چانت الدنيا ليل قبل لا يتوفى ريان بيوم .. اجه عليه ونام بحضني يبوس بيه استغربت من وضعه بس گلت يجوز عاوز حنان
خليت ايدي بعثرت شعره وبست راسه
-ريان: يمه
-سعاد: عيون امي
-ريان: يمه ديري بالچ على روحچ اخاف يصير شي بـ....
خليت ايدي على حلگه ماخليته يكمل حضنته حيل واردفت
-سعاد: اشش شنو هالكلام .. صاير شيء؟ بيك شي!!
ماجاوبني تنهد وفرك صدره حيل وطبگ حواجبه واردف وهوه ضاغط على گلبه
-ريان: مخنووگ يايمه احس روحي ماجاي اگدر اتنفس گلبي حيل يوجعني
-سعاد: يمه اسم الله گوم گوم لطبيب
-ريان: حبيبه گعدي بارده عليچ انه مابيه شي
-سعاد: لا والله تره ازعل عليك اذا ما رحت والله!
گام من حضني بدون ليحچي جر الشفقه ولبسها وباوع للساعه واحسه بي شي راد يطلع وماخليته وگفت عند الباب مانعته
-سعاد: ياا امي انتَ مصصخن وين تريد هسه يصيرلك شي واكتل روحي وراك وداعة امي
فرك عيونه قوي ورجع خطوتين ليوره وباوع للساعه واردف
-ريان: يووم برروح امچ خليني اطلع تره تاخرت
-سعاد: ابني
-ريان: يمه فدوه اروحلچ تاخرت والله
اجه جرني من ايدي بهدوء وخرني عن الباب وباس راسي وحضني حيل وخرت اباوع بعيونه شبي ابني؟ عيونه حمر معقوله صاير شي .. تذكرت ابوه هم چان يجي عيونه حمر ويجي سكران خاف ريان صاحب اصحاب السوء وعلموه ؏ الشغلات المو حلوه
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
