تصويتاتكم 💗 ...
-ارتاحيتي؟
دفعت ايده اباوع لايدي مجروحه وتنزف دَم .. غمضت عيوني قوي ما اعرف شلون اخفف الالم
-لارا: لا تلومني
سكت وذب حسره واگف ومچتف ايدينه ويباوعلي عاگد حواجبه
-صُهيب: ايدچ لاتلتهب امشي
-لارا: ما امشي ما امشي عوفني و .. وروح
-صُهيب: ايدچ دا تجوجعچ راح تلتهب گومي بابا گومي
-لارا: امانه خليني بس خليني ؏ الاقل اشوف گبورهم .. يعني انحرمت منهم وهمه عايشين وهسه انحرم وهمه ميتين؟
بلع ريگ يباوعلي ساكت رفعت ايدي السليمه امسح دموعي ومديتها حاوطت گبر بابا وابچي
چان بداخلي هوايه كلام بس ما چانت الي القابليه احچي چنت بس ابچي بصوت عالي وگلبي يتگطع من داخل و مخنوگةةة
احس الهوى مادا يدخل بريتي .. شكثر بچيت وبچيت واعاتبهم بداخلي ليش يعوفوني مالي احد من بعدهم .. من بعد بابا چنت صغيرةة من راح اتمنيت اموت وراه بس ماتحققت امنيتي
وسوسلي الشيطان وحاولت انتحر مره وبآخر لحظه تراجعت .. شگد حاولت اصير قويه بس الحزن يتغلب على كلشي بيه ...
فزيت على ايد تسحبني من زندي بهدوء شفته صُهيب گاعد وشايل بطل مي
-صُهيب: كافي شسويتي بروحچ .. هاچ شربي مي علمود نمشي
-لارا: ما اريد ما اريد
سند ظهري بأيده وفتح البطل وخله شويه مي بايده وغسل وجهي .. اخذ ايدي المجروحه وهم غسلها وشمر البطل
-لارا: ايدي توجعني
-صُهيب: اي اي هسه تطيب
گام ساندني وگمت نفضت نفسي ووخرت ايده انفض بملابسي
-لارا: عندك ضماد؟
-صُهيب: بالبيت عندي .. كلو من عنادچ وراسچ اليابس .. ما ارتاحيتي اله سويتي البراسچ
-لارا: تره مالي خلگ
-صُهيب: دصعدي اصعدي
زفرت نفس بعصبيه وصعدت وسديت الباب حيل وهوه صعد وراساً شغل السياره
استمرينه بالطريق ومحد حچى شي فقط اباوع من الجام ؏ الناس .. سعيده وحزينه
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
