علقو ؏ الفقرات+تصويت
.
.☠️☠️☠️☠️.
.
.
2:22 فجراً
حاطه راسي ؏ المخده والغرفه ضلمه والتغكير ياكل براسي اكل شلون راح اگدر انام من بعد اللي صار!
گلبي يوجعني حييل واني اشوف ام تبچي على ابنها و گطعت روحها من بعد فراگه عنها
ياترى؟ ايمته يجي العوض! ايمته ربي يعوضها .. استغفرالله الدنيا حتصير صبح واني بعدني افكر
غمضت عيوني وحضنت روحي وغطيت راسي ونمت من بعد تفكير طوييل
.
گعدت الصبح على صوت بچي بخفوت شديصير! منو هذا اليبچي؟! نزلت الغطى من راسي بهدووء واشوف ورد گاعده بالزاويه وحاظنه صوره وتبچي وجهها احمرر
گمت من مكاني ورحت گعدت بسدها وحضنت رجليني وهيه انتبهتلي واردفت بهدوء
-لارا: صباح الخير .. ليش تبچين؟ شنو هاي الصوره
ابتسمت من بين دموعها ورفعت الصوره باستها ودارتها عليه واردفت بصوتها المبحوح
-ورد: هذا .. ريـ ريان ~
اخذت الصوره منها اباوعله چان جميل .. الله يرحمه
وخرت خصلات شعري ورى اذني واردف واني اباوعلها
-لارا: تحبي؟
هزت راسها عاضه شفايفها وتبچي بدون صوت رجعت مسحت دموعها وصفنت ؏ الحايط واردفت
-ورد: احبه
تنهدت ولزمت ايدها ارد اواسيها گلبي مكسوز عليها بس ما اعرف شأحچي .. اكو كلام بداخلي بس ما اعرف شلون احچي اني انسانه حتى بالتعبير فاشله!
جرتني وحضنتني قوي وتبچي بصوت عالي شگ گلبي عليها يابعد عيوني ورده .. مسحت على شعرها ووخرت من حضني بقيت اباوع لعيونها اللي چانن يخبلون صايرات حمر والانف احمر وجهها متغير 180 درجه .. اردفت وهيه ترفع شعرها
-ورد: لارا عادي تخليني وحدي؟
هزيت راسي وتنهدت وگمت طلعت بره الغرفه وخليتها ادري بيها راح تضل تبچي طول العمر اتجهت ؏ الحمام غسلت وجهي وطلعت صليت وبقيت بثوب الصلاة وكامشه السبحه بأيدي وادعي بگلبي
فجأة سمعت صوت شي طاح وراي گمت من مكاني بسرعه والخوف متملكني باوعت ؏ الارض رأساً وشفت الگزاز متطشر ؏ الارض خليت ايدي على حلگي ورفعت عيوني شفتها اخت الولد المات!
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
