.
.
.
مشاهده ممتعه لاتنسون التصويت
.
اجواء مريحه وهوى يرد الروح ويَ شروق الشمس جو خيالي رفعت ايدي على وجهي منزعجه من اجه ضوه الشمس بعيوني
فتحت عيوني ؏ البطيئ استنشق الهوى بأرتياح فركت عيوني وگمت شفت الشباچ مفتوح نزلت تشيرتي ورحت وگفت گدام الشباچ
رفرف شعري من الهوى وغمضت عيوني استنشق واجر شهيق مبتسمه واني أتذكر كلامه البارحه وخرت شعري ورى اذني وفتحت الباب باوعت ماكو احد
طلعت اتلفت بالبيت ادور للحمام وصلت المطبخ وشفتهم گاعدين يتريگون ويحچون بالشغل عبرت بسرعه بدون لايشوفوني وركضت للحمام
لارا ايي اييي اخيراً اتحقق حلمچ اللي من انتِ صغيره تنتضري احد يحققه اخيراًاً اخيراً
اجيت اغسل وجهي وگفت گدام المرايه شفت شفايفي كلها كدمات وچرت وخشمي هم ربطت شعري وخليت صابون على وجهي حسيت حركه بالحمام او بالأحرى أحد دخل للحمام
بقيت مغمضه عيوني من الصابون ميلت راسي ؏ الباب بدون لا افتح وصحت
-لارا: منو؟ منو هنا
ما اجاني صوت تعوذت من الشيطان ورجعت غسلت وجهي ونشفته رفعت عيني ؏ المرآة من شفته واگف ومنتچي ؏ الحايط ومچتف ايدينه
شهگت بصوت عالي وحچيت
-لارا: يمممممه خرعتنيييي
-صُهيب: ءءوي انسه اتفضلي احسلچ مالي واهسچ من الصباحيات
-لارا: لحظه لحظه لك انته مااتستحي تدخل وياااي ؏ الحمام ولا فوگاها ماخذ راحتك
-صُهيب: والله لو تحلفين بألف واحد ما اصدگچ انتِ بس تريدين الفرصه وتشردين
گلبت عيوني منزعجه منه مشيت للباب وحچيت
-لارا: چا انصحك ابقى راقبني ترى ماتعرفون بأي لحظه واشرد منكم
فتحت الباب وتجاهلته وطلعت ابتسمت ابتسامه شريره وحچيت بداخلي
-لارا: شوفو شراح اسوي بيكم بعد لارا المسكينه خلص دورها هه
گعدت وياهم ؏ الطاوله وهمه يباوعولي مصدومين رجعت ضهري ؏ الكرسي وسحبت خصله من شعري وحچيت
-لارا: صبولي اكل
صارو ادهم وامير واحد يباوع للثاني وابو العون ابتسم فرحان عباله أثر بيه كلامه البارحه
-ابو الـ عون: امير گوم صبلها
-أمير: نعععمممم
-ابو الـعون: أمير گوم صبلها
رمى الكوب ؏ الطاوله أمير من بعد ما خزره ابو العون وتحمحم أمير وگام سحب گلاصي وصبلي چاي وخلالي جبن وخبز
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
