سولفلي ليش اتغيـرت..
شنهو اليغث بحچايتي
وانتَ الوحـيد البگـلب..
من دون اهـل ولايتـي
حسين الناصري
.
.
بداية البارت
.
.
رفعت راسي من سمعت صوت صُهيب شفته اجه وسلم على خالته وهيه بقت تحچي وياه واني احس كلساع داير عينه عليه لزمت ايدي حييل من الوجع اللي بداخلي لبين ما گالت سعاد
-سعاد: والله يايمه اجينه نمشي على هالحليوه لارا
اختفت ابتسامته وباوع بصدمه فاتح عيونه بقه يباوعلي بصدمه وعيونه كانها تعاتبني وخالته تحچي وياه وهوه عيونه عليه نزلت راسي حييل ما اريد اباوعله وابچي ...
رفعت راسي باوعتله والدمعه على خدي بلع ريگ وطبگ حواجبه وگال كلمتين صارن سچاچين بگلبي
-صُهيب: بيها الخير
بلعت ريگ بغصه العب باصابعي وگالت سعاد
-سعاد: الله ينورلك دربك وتاخذلك بنية حلال
-صُهيب: عن قريب ان شاء الله
كمشت ايديني حييل اكتم اللي بداخلي ما اريد اسمع ليش گال هيچ ليش معقوله راح يتزوج؟ خاف يتزوج نهران والله اكتل روحي ولا تلمس شاربه والله اكتلها واشرب دمها الحقيره تريد تاخذه مني
بس فات الاوان اني دمرت حياتي بيدي وانطيت الموافقه!
لا مو انا اللي دمرت حياتي
نهران دمرت حياتي ومستقبلي ومسحت احلامي
وحتى حبي اله راح ينمحي
بس مستحيل اني احبه هوايه وما دا اگدر اتخلى مرات حتى لو هوه الغلطان ابقى احبه
جابن ماي وچاي وهاي تحمد بابنها وكل ساع ماطگتني ادري ماشايفين؟
رغم هيه مسكينه بس اني مو مرتاحتلها
سمعنه صوت عياط بالديوان عمي يسولف بعلوة صوته گمنه كلنه واني گمت ايدي على گلبي خاف هايه الحقيره نشرت الصور
شويه ودخل جاهل عمره 7 سنوات يركض اجه ووجهه مخطوف وگال لـ سعاد
- بيبي عمو لهيب ضرب عمو حسن
لطمن على صدورهن واني ارجف
وبالگوه واگفه ياربي كله بسببي صار هيچ!
شويه ودخل عمو معصب وگف گدامنه وگال
-لهيب: ام حسن جيتكم على عيني وراسي بنتي ما انطيها الكم ماكو نصيب
دگ گلبي بخوف وفرح ومشاعر مختلطه والرجفه البجسمي زادت تلاسنو بيناتهن وسعاد زعلت وراحن ونهران باوعتلي بحقد وهزت راسها بمعنى صبريلي فزيت من عمو لزم زندي حيل وگال
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
