مثل أم الشهيد الحزن بيه أشكال
تصرخ بالخبر من يوصل تهلهل
عبدالله حسن
.
.
تعليق ؏ الفقرات!!
بداية البارت
صحيت على صوت جهاز القلب فتحت عيوني ببطئ على صوت عمتي نزلت دمعه من عيوني واني اشوفه گدامي
-صُهيب: يمه وروح ابوي بس اشوفها گلبي طاگ عليها وچ يمه لاتڪسريني وعيونچ بس اعاينلها واطلع
-سهام: ياصُهيب روح لاتخليني اغضب عليك ليوم الدين
كور ايده حييل يباوعلها وعيونه بيها هوايه كلام كأنو يعاتبها
طلع وسدت الباب وراه واجت گعدت يمي شافتني مفتحه عيوني گامت تبچي
نزلت دموعي رفعت ايدي مشكليلي جهاز الضغط تلمست وجهي مخليلي اوكسجين بقيت ابچي بدون صوت
ليش هيچ خلاني اتعلق بي ليش خلاني احبه
والله لا اندمه والله واني عايشه يتزوج نهران؟!!
اي چا خل اموت ولا اشوفهم سويه الله ياخذ روحي
ولا اشوفها بغرفته وتحضنه گدامي
تحضنه؟!! والله اموتها هوه انا من الكوشه اغار انوب تجي هيه والله اموتهم گدام عيوني
مديت ايدي بسرعه وخرت جهاز الاوكسجين مني واصوات الاجهزه بسرعه صارت عاليه رفعت راسها عمتي فاتحه عيونها بصدمه گامت تعيط حسيت ماعاد اڪدر اتنفس والدكاتره دخلو وبعد ما حسيت بشيء ..
فتحت عيوني ببطئ على بوسات بأيدي وايد خشنه لازمه ايدي گدرت اعرفها ايد عمو لان اضل لازمه ايده
شافني فتحت وگام بسرعه صاح للدكاتره شويه ودخل الدكتور يركض ميلت راسي ودمعتي على خدي ما اريد اشوف كلشي اريد الله يموتني
اجه الدكتور يحضر بالابره ويحچي ويه عمو چان چبير بالعمر تقريبا بگد عمو
- ليش بابا ليش تبچين هيان خلصنه ماشاء الله عبرتي مرحلة الخطر
ماجاوبته عمو جاوبه وهوه ضرب الابره بالمغذي وراح
گعد عمو يمي ولزم ايدي الي مابيها كانوله وگال
-لهيب: عَش ابوي هالدموع المن تبچين باوعيلي
درت راسي باوعتله مسح دموعي بچف ايده وگلت
-لارا: ر راح يتزوج
بلع ريگ وذب حسره يباوعلي وگال
-لهيب: وانتِ على هايه زعلانه
صرت اهز براسي وابچي بهستيريا
-لارا: ن نهران الحيه تتزوجه ليش لييش
-لهيب: اشش موزين عليچ القهر ولچ لاتشلعين گلبي
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
