وبعَد مابية حيل أبچي
أحاچي الصورة من أشتاگ
بس الصورة ما تحچي .
تعليق ؏ الفقرات + تصويت 🦋
.
.
گعدت الصبح باوعت الساعه تسعه فركت عيوني وگمت بكسل غسلت وجهي واسناني ولبست ملابس طوال لان ورد انطتني من ملابسها ولبست شيله وصليت وطلعت نزلت من الدرج وشفت بس بيبي ومحمد وعمتي صبحت عليهم وگعدت وياهم اكل
-محمد: هاي شنو صايره مره
-لارا: بيبي حاچيه تره مالي خلگه والعباس روحي طافره
-نوريه: دعوفها
-محمد: ممحاچيها
-نوريه: عوفها ماتشوفها مخبله
-محمد: دباع باع لگمتها كفت الصحن كله
لزمت راسي بنفاذ صبر وغمضت عيوني وگلت
-لارا: معليك معليييك خبلتوني تره عوفوني بحالي
ضحك ومد ايده غطه شعري وگال
-محمد: عود مُحجبه شعرچ طالع
-لارا: ايي مادري بي هسه شتريد
گال وهوه حاصرته الضحكه ويتعمد يستفزني
-محمد: سلامتچ يابه
-لارا: بيبيييي دباااعي
-سِهام: شبيچ ولچ دا يشاقيچ
-لارا: يباوعلي ويضحك
-نوريه: ديله عاد عوفها انتَ مو نرتاح من امير تجينا وانت اسكتي لاتضلين تنعوصين الولد نايمين تعبانين
درت راسي عاقچه حواجبي واللگمه بحلگي باوعتله ورفعلي حواجبه كانو لازم عليه شي حصرتني الضحكه وضحكت وهمه يباوعولي عبالهم مخبله
گمت من بعدما شبعت وطلعت مسحت الطرمه وصعدت اريد اغير ملابسي بس اجت عيني على باب غرفة صُهيب هيچ گلبي گام يرجف
هستوني دا ادير راسي وانفتح باب غرفتهم بقيت واگفه بمكاني وطلعت نهران تعدل بشالها والخاولي على چتفها !
چان شكلها ملخبط يعني فهمتو قصدي!
بلعت ريگ احاول اغبئ روحي واسوي روحي مو مصدگه بس انصدمت اكثر من طلع هوه وراها يلبس بالفالينه وعاگد حواجبه غورگت عيوني وشفايفي گامن والدمعه بطرف عيني
سوتها الحيه وصالحته يعني ها هيه انتهينا
طلع يضحك عليه! ليش يسوي بيه هيچ
شنو ذنبي؟ والله لكفته ولكفت چذبه وبعد ما
اصدگه لو مدري شيسوي ولك اني بتيمه!
اذا ادعي دعوه عليك هسه اكسر گلبك بيها
توصل لباب السما ولك يتيمه ماتخاف مني
خاف من ربك لايعاقبك وانت تضحك عليه!!
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
