بقلمي انا 乙乇刀ﾑ almajeb 🤍🦋
.
.
لهنا وكلشي خلص،
كلمن يحب روحه
وخليني مثل الضوة
ينشاف
بس من تحن ماتكدر
تلوحه.!
.
.
بداية البارت 🔥
.
.
گمت من حظن بيبي الدمعه بطرف عيني نزعت الچادر وديته لغرفتي وطلعت بره الجو دفئ شويه طلعت شمس والجو يجنن چان اكو كرسي مال حديد ويمه بواري وشياش رحت هناكه گعدت واخذت العود وگمت ارسم ؏ الگاع
موبيدي انا مشتاگه لابوي وأمي اللي ماشفتهم غير بالصور اريد اروحلهم واعاتبهم ليش يعوفوني ؟ اني بنتهم ليش يخلوني وحدي وماياخذوني وياهم ؟ مرات من اگعد وحدي اگوم اتخيل احنه اني واهلي گاعدين نضحك ولمه حلوه وشعور حلو لو انا عندي خوات او اخوان
ياترى ليش ماصار مثل ماردت اني ليش كل البنات عدهم اهل الا انا؟ اريد يكون عندي اخوات واخوان اريد اهلي انا گلبي ممرود شگد احاول انسي نفسي واگول كافي الى متى ابقى هيچ گلبي راح يخلص؟ بس انا مثل يوميه اضحك واحچي بس بداخلي غضب ومن اگعد وحدي ولو لثانيه اتخبل واگوم اتخايل من عندي !
ذبيت نفس بوجع گلب گاعده وحاظنه رجليني وشعري يرفرف بالهوى انداريت على صوت بقيت اباوع وانا گاعده اشوف رُسل وصُهيب واگفين هيه تحچي وتضحك وكل ساع مخليه ايدها على چتفه يدل على تأثرها بكلامه وضحكها
بقيت اباوعلهم ماشافوني اشوف صُهيب ملامحه بهتت وتحولت لغضب قبل شويه چان يضحك! بقو واگفين وهوه ساكت وطابگ حواجبه تفاجأت وكممت حلگي بيدي امنع شهگتي من رفعت روحها على طرف اصابعها وطبعت بوسه بطرف شفته !!
عصرت ايدي حييل اباوع وفاتحه عيوني بصدمه ابتعد هوه بسرعه وفرك وجهه بصدمه يفتر مدري شگاللها وطلعت بسرعه مسح شفته ودفر الكرسي وگال _
-صُهيب: اناااا ناقصني برابيگ
بلعت ريگ بعدم اهتمام اجه يتمشى ؏ الحديقه يدردم بصوت عالي حتى ويه روحه يتعارك راد يگعد شافني مسح راسه حييل واستغفر وگعد واني گمت من مكاني مخنوگه والعبره واصله حدها من احد بحچي وياي اطگ عبرت من يمه چان اكو شياش منبتينها بالگاع خفت لا اوگع هالمره دايره بالي حيل امشي شويه شويه جرني من ايدي وگال
-صُهيب: وييين ؟!
سحبت ايدي منه بنتر واردفت بضوجه
-لارا: ااااخ وجعتنيي معليك
ردت امشي كمشني اقوه واردف بعصبيه
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
