ع المصلاية اذكرك ... وانه اصلي
وبديت اسجد واكبر ... وانه اصلي
حرت بيمن افكر ... وانه اصلي
افكر بالله لو بالخان بيه ؟
بناتات عدلت ؏ الباارت لان چثير احداث ناقصه حييل وسردي چننت مستعجلله 🔴🔴🔴🔴
تعليق ؏ الفقرات
گمت من مكاني وطلعت اتمشى بكسل دخلت للحمام غسلت وجهي وعدلت شالي وطلعت هم ماكو احد عاد دخلت لغرفة البنات وتأكدت انو كل واحد بغرفته رجعت لغرفتي هستوني دا افتح بابي وسمعت صوته لو انشل جسمي!
- ممكن نحچي
رجفت شفايفي وقررت انطي وجهي الثاني منا ورايح لان كافي والله گلبي شيتحمل بعد؟!
انداريت وگلت بهدوء واني عاقچه حواجبي
-لارا: لا مو ممكن .. لاعاد تحچي وياي يا .. اخي
اباوعله يباوعلي ويتقدم ويفر بشواربه گلبت عيوني وركضت فتحت الباب من صار قريب وقفلته وگعدت وراه
-صُهيب: حچايه زغيره بس اطلعي
-لارا: ماا ماا اطلع وخر عاد ما احبك اكرهك
سكت ثواني ماينسمع غير صوت نفسي عبالك چنت اركض هاي لأن حچيت وياه يمكن
-صُهيب: انتِ عليمن زعلانه والله حيرتيني
-لارا: مو زعلانه اصلا اكرهك حيل وانا ما ازعل بس من الأحبهم
-صُهيب: اووف ، ليش؟
-لارا: رووح كافي شتريد مني
سمعته گال مدري شنو بخفوت وبعدين اختفى صوته بس تسطحت على بطني وباوعت من جوه الباب ماكو وگمت بسرعه بسيطه اذا ما اخبلك يا صُهيب
رجعت لمكاني وشمرت روحي ؏ الچربايه افكر شلون اعاقبه شلون؟ واخيراً من بعد تفكير طويل لگيت فكره جهنميه ! ...
انتضرت لليل وگمت طلعت گعدت وياهم بالصاله وهوه ماكو مو غريبه اكيد يم سليم تعشينه وگمت كملت شغلي وعمو راح عنده طلعه والشباب كلمن شرد مايرجعون لوجه الصبح
گعدت اكرز حَب ويا البنات ونباوع للبلازمه وبيبي وسهام گاعدات يمنه هم يباوعن ويانه لان چنه نباوع لمسلسل حُب للايجار چان اله 6 سنوات من نازل بس احنه نحب نباوعله
-نوريه: غدي غدي غدي شمخزاها هاي البنت كفشتها صفره چنها شبثه
-سِهام: يا ياا شوفو شلون شسوت
-نوريه: الساقطه الماتستحي ام الزلم شكو داخله لبيت الرجال
-مروه: تؤ صدگ چذب تره هوه مسلسل شبيچن عمي
-ورد: والعباس كلشي ما سمعت من وره بيبي وامي يابه تره تمثيل
-نوريه: اي اي يل ماتستحن شوفن مسلسلاتچن مشلتحات ويا الزلم
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
