قُـتـام

البارت الـ32_⚜️

وبعَد مابية حيل أبچي
أحاچي الصورة من أشتاگ
بس الصورة ما تحچي .
.
.

نمت بهذيچ الليله اسوء نومه واني اشاهگ وابچي مثل الجهال والباب ضل يندگ ماجاوبت ولا فتحته خلوني بلكت اموت قبل لايزوجونه والله احرگ روحي هالمره اذا صار زواجه صحيح!! وهالمره انا ما اچذب احرگ روحي گدامهم وخلها تسوالهم هيچ احرگ روحي من وره كلامهم اللي مثل السم بگلبي ..

گعدت الصبح ماطلعت من الغرفه اباوع لروحي بالمرايه عيوني حمر وخشمي احمر من البچي باوعت للساعه واخذت ملابس وفتحت الباب بهدوء وطلعت ماكو احد دخلت للحمام سبحت وطلعت هم ماكو احد عاد رجعت لغرفتي فتحت الباب واشوف بيبي گاعده على چربايتي

سديت الباب ودخلت گالبه وجهي بدون لا احچي

-نوريه: يبعد امي شبيچ

ماجاوبتها گعدت گدام المرايه انشف بشعري

-نوريه: وچ شبيچ مسودنه تعالي يمي

هم ماجاوبتها كملت شعري ورفعته بماسكه وخليت مرطب لوجهي وگلت

-لارا: ليش اجيتي تردين تكسرين گلبي مو

-نوريه: بس تعالي وچ تعالي لاتشلعين گلبي

حچيت واني اخلي مرطب لجسمي

-لارا: الله يشلع گلوبكم مثل ماشلعتو گلبي

فتحت حضنها اليه ماتحملت ركضت گعدت بحضنها ابچي خلت ايدها تمسح على شعري

-لارا: ليش هيچ تحچون گدامي ها

-نوريه: اوف اوف

-لارا: ان شاء الله تطلع قهرتي بيكم بجاه محمد وآل محمد

-نوريه: لاتدعين لاتدعين دعاچ يصوب الگلب

سكتت حاضنتها وابچي وايدينها الدافيه على ضهري

-لارا: اكرهكم كلكم اكرهكم

-نوريه: بطلي هالعناد ووافقي تريحين گلبچ بدال ما هسه مشلوعة گلب

-لارا: مأ مأ شو عوفوني بحاالي لحد يتدخل

سكتت وگمت من حضنها وجريت شالي وگلت

-لارا:،لحد يحاچيني بهذا الموضوع

لبست الشال ونزلت جوه اريد اتنفس مخنوگه گعدت ؏ القنفه وحضنت رجليني اشاهگ احاول اسكت روحي

عمتي بالمطبخ دا تسوي غده والبقيه بغرفهم

حولت انضاري ؏ الباب من دخل صُهيب بملابس الشغل وجنطته بچتفه هذا وين چان مو على اساس البارحه نزل سكتت اباوع بعيونه بس هوه يباوع ببرود كانو ماكو احد گدامه طلعت عمتي واجت اخذت الجنطه منه وگالت

-سهام: يمه سوده عليه حتى بوقت نزولك يبزعوك شوكت ترتاح

سكت يباوعلي وگال