.
.
.
|||Π|||
طلعت وياريتني ماطلعت وگفت مصدومه من اللي دا اسمعه يبست اطرافي خليت ايدي على گلبي مثل ماتوقعت طلعوو عصابه
بقيت واگفه واتسمع لحچيهم واني خايفه شحيصير بيه اكيد راح يبيعوني
-ابو العون: صُهيب اني اثق بيك لتخليهم يشكون بأي شي انتَ تدري بيه مخليك عيوني لو اني اغيب انته تحل مكاني
-صُهيب: تأمر ريس
ابتسم ابو العون وطبطب على چتف صهيب وگال
-ابو الـ عون: سباعي ادري بيك گد كلمتك
تنهد صهيب ورجع ؏ القنفه وگال
-صُهيب: زين ريس وهالبلوه هاي شلون؟
-ابو الـ عون: هالبلوه اغلى ما املك واخر ماتبقالي من ريحة الغالي ديرو بالكم تأذوها تره اسوي شي مايخطر على بالكم
-صُهيب: لا يابه اسفين بس يعني لسانها بطولي محد يگدرلها
تنهد ابو العون ونفض هثل الجگاره وگام بدون مايحچي شي طلع وما انتبه لوجودي
عض شفته صُهيب كأنو دا يفكر مد ايده اخذ تفاحه من السله الي ؏ الطالوله ومادري شلون اجت عيونه بعيوني
فتح عيونه ورفع حواجبه بأستهزاء وياكل تفاح واني جمدت بمكاني شافنيييي شسوي هسه وين اروح
خله التفاحه ؏ الميز وگام بأتجاهي متت من الخوف دخلت ؏ الغرفه بسرعه وسديت الباب گعدت وراه ومخليه ايدي على گلبي
شيريد هذا مني؟ يممممه يمه شسوي اني وشنو معنى كلامهم چان؟ ريحة الغالي!!!! منو الغالي معقوله اكو شي واني ما ادري بي
رجعت گعدت ؏ الچربايه حاظنه رجليني مصدومه احس كل الديصير وياي مو حقيقي مرت ساعات طويله وانفتح الباب بهدوء انمدت ايد شغلت الضوه انفتح الباب كله وبلعت ريگي بخوف ضاغطه على ملابسي من شفته ابو الـ عون
بقه شويه واگف بالباب ومخلي ايدينه بجيوبه ويباوعلي وعيونه حمر كأنو باچي هز راسه ماعرف شنو معنى هالحركه ودخل وسد الباب جر الكرسي خلاه گبالي وگعد بدون مايحچي شي
عدلت گعدتي ووخرت شعري وره اذاني مسحت دموعي وتنهد بقوه و اردف
-ابو العون: لارا
ماجاوبته يباوع لملامحي كأنه يتذكر شي تحمحم وبعد الكرسي شويه من شافني متضايقه
اردفت بصوتي المعتاد بكل مره ارجف
-لارا: لتتقرب حـ حباب و والله شوف اني مو مثل ماگالت هيه والله اني شريفه والله ا.....
قاطع كلامي من قدم الكرسي ولزم ايديني
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
