انه الغنيت لجل انساك اثاري الشوگ زاداني
درت روحي وشفت گلبك واشم اسم عدواني
انا تأذيت وتبديت وصرت الليل مانامه
صرت چن واحد بدو امس مبيوگه خرفانه
.
.
تصويت + تعليق ؏ الفقرات
طلع وقفل الباب زفرت نفس بضيق ورجعت شعري لميته كبه كبر شلون حض حض المطي
سكتت اباوع بضيجه وضوجه شفت ماكو قنفات بس بساط جريت مخده وخليتها ؏ الفراش بالگاع وتسطحت عليها كاتلني التعب والله حتى اني ما اعرف شنو اريد
صحيت على صوت نغزات بچتفي فتحت عيوني بأنزعاج وشفت ورد تگعد بيه بخفوت وخرت شعري عن عيوني وگلت
-لارا: شگد الساعه
-ورد: گومي يمعوده بيبي تدور عليچ گلتلها ويه غفران گومي
گمت بأنزعاج ورحت يم المرايه اباوع حمرتي ممسوحه بس انا ما مسحتها !
-لارا: جيبيلي ملابسي ابدل واطلع
هزت راسها تباوعلي وراحت گعدت وفتحت رجليني ورچيت راسي على ايدي انتضر بيها شويه واجت شايله ملابسي اخذتهن منها ونزعت فستاني وهيه گالت
-ورد: ها رايح المستحى
ماجاوبتها بس اني كلش ضايجه ومالي خلگ كلشي بدلت گدامها وعدلت شالي يم المرايه وطلعت وياها شفت العالم رايحه وبيبي دا تصلي گاعدات هيه وسهام ومرت حكيم وبناتها ووياهن بنيه بگدي شويه اكبر
رحت گعدت يم سِهام سوتلي مكان وابتسمتلي گعدت وحضنت رجليني وگلت
-لارا: ايمته نروح
-سهام: هسه يمه بس يجي عمچ
-لارا: وين راح
-سِهام: راح يوصل الحجيه خديجه هسه يجي
هزيت راسي بملل وسكتت وهنه ضلن يسولفن وفعلا نص ساعه ودخل عمو علينه گمنه كلمن لمت غراضها وطلعنه اباوع بره متروس زلم وهذا اكثر شي اضوج منه طلعنه وره عمو وصعدنه بالسياره رچيت راسي ؏ الجام بهدوء اشوف صُهيب صعد بسيارته غمضت عيوني وذبيت نفس
وصلنه البيت ونزلنه اني صعدت ركض لغرفتي اصلا ولا تونست هناك سديت بابي ونزعت ملابسي واخذت ملابس ودخلت للحمام
طلعت انشف بشعري گدام المرايه واسمع بيبي يم الباب تگول
-نوريه: موزين السبح المغرب يبنيه موزين
ماجاوبتها اخذت سيروم وخليت لشعري نشفته وجففته كله ورفعته بقراصه جريت المرطب خليت لجسمي رفعت رجلي خليتها ؏ الطبله والثانيه بالگاع وگمت افرك برجلي
اندگ الباب رفعت راسي شفت صُهيب طنشته ورجعت اخلي مرطب دخل وسد الباب وگال
-صُهيب: تعدلي عاد دگيت الباب گعدي عدل
أنت تقرأ
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
