What's wrong? ( Completed )

Ep - 7

ဝမ် အိမ်တော်ရဲ့ အခန်း တစ်ခန်းထဲတွင် ချမ်းသာတဲ့ အိမ်လို့ မပြောရဘူး၊ အိပ်ခန်း တစ်ခန်း က လူ တစ်ချို့ ငှါးစားတဲ့ တိုက်ခန်း တစ်ခန်းစာလောက် ရှိနေတယ်။

ဒါပေမယ့် ဘယ်အိပ်ခန်း မဆို ကုတင်ကတော့ တစ်လုံးပဲ ထားတာ သဘာဝ ပါ။

ယွီ့ကျင်း ကုတင်ပေါ် ပက်လက် လှန်ပြီး လှဲနေတဲ့ ရှောင်း ရဲ့ အနားကို သွားပြီး အောက်ကို တွဲလောင်းကျနေတဲ့ ရှောင်း ရဲ့ ခြေထောက်ကို သူ့ ခြေထောက်နဲ့ သွားတို့လိုက်သည်။

' ဟဲ့ ...။'

' ဘာလဲကွာ ...။'

' ဘာကို ဘာလဲ ဆိုတာ သိချင်ရင် ထ လိုက်။'

ရှောင်းကျန့် အိပ်ချင် မူးတူးနဲ့ ထ လာတော့ ခုထိ ရေမချိုးသေးပဲ မနက်က အဝတ် အစားပဲ ဖြစ်နေသေးတဲ့ ယွီ့ကျင်း ကို တွေ့လိုက်ရသည်။

' ဝါး ...။'

ရှောင်းကျန့် တစ်ချက် သမ်းဝေလိုက်ပြီး ...

' မင်း က ရေမချိုးပဲ အိပ်မလို့လား။'

' ငါလည်း အဲ့ဒါပဲ ပြောမလို့။ နင် က ငါ့ကို နင် နဲ့ အခန်း အတူ လာနေခိုင်းပြီး အိစက်တဲ့ မွေ့ရာပေါ် တစ်ယောက်တည်း ဆန့်ဆန့်ကြီး အိပ်နေတာ ဖြစ်သင့်သလား။'

အဲ့တော့မှ ရှောင်းကျန့် နောက်က မွေ့ရာကို ကြည့်ရင်း လက်ပုတ်လိုက်ပြီး ...

' မွေ့ရာ ပေါ် အိပ်ချင်တာများ လာအိပ်လေ။ မင်း ပဲ ငါ့ကို မ ဇာတ်သွင်းထားတာ မလား။ ပြီးတော့ ငါ မင်း ကို ရင်မခုန်ဘူး။'

' အမယ် ...။ ငါကလည်း နင့်လို ပိန်ညောင်ညောင် ကို ရင်မခုန်ဘူး။'

' ဘာလဲ ... ဝမ်ရိပေါ် လို တောင့်တောင့် ဖြောင့်ဖြောင့် ကိုပဲ ရင်ခုန်တာလား ...။ မီ သေးတယ်နော်။ နေရာချင်း ပြန်လဲချင်ရင် ...။'

' သူ့လိုလည်း ရင်မခုန်ဘူး။ ငါက ကိုရီးယား လို ပုံစံကိုပဲ ကြွေချင်တာ ...။ တရုတ်ကောင် တွေ ငယ်ငယ်ကတည်းက မြင်ဖူးလာတော့ ရိုး အီ နေပြီ။'

ရှောင်းကျန့် ယွီ့ကျင်းရဲ့ စကားကြောင့် မဲ့ လိုက်ပြီး ...

' ကဲ ... အခု က ဘာလုပ်မှာလဲ။ လာအိပ်မယ်ဆိုလည်း ရေချိုးပြီးရင် လာအိပ်တော့။ ငါက ပင်ပန်းလို့ အိပ်တော့မယ်။'