What's wrong? ( Completed )

Ep - 27

အိမ် တစ်အိမ်ထဲတွင် လူ ၆ ယောက် ရှိသည့်အနက် ဧည့်ခန်းမှာ ၄ ယောက် ရှိပြီး၊ ကျန် နှစ်ယောက်ကတော့ ထမင်းစားခန်းထဲမှာ ဖြစ်သည်။

ထမင်းစားခန်းထဲမှာက မုလုံ နဲ့ သူ့တပည့် မာလု။ မုလုံ ထမင်းစားခန်းမှာ နေရတဲ့ အကြောင်းရင်းက ဝမ်ရိပေါ် ရဲ့ စိတ်တိုနေတဲ့ စက်ကွင်းထဲ မငြိချင်လို့ပါ။

အိမ်ရှေ့ ဧည့်ခန်းတွင်တော့ ဟော်ရှင်း နဲ့ ဟုန်လုံ ခေါင်းငုံ့ပြီး နေ နေကြသည်။

ရိပေါ် ခေါင်းငုံ့နေကြတဲ့ နှစ်ယောက်ဘက်ကို ကြည့်လိုက်ပြီး ...

' လုပ်ချင်တာ လုပ်တုန်းက လုပ်ထားကြပြီး၊ အခုတော့ ကြောက်နေကြတယ် ဟုတ်လား?
ဟော်ရှင်း မင်း လည်း ကျောင်းကနေ အတူ ပြန်စရာ ရှားလို့ မင်းကို ရန်စတဲ့ ကောင်နဲ့ အတူပြန်ရလား? မင်းကို ဟုန်လုံ လာမကြိုနိုင်ရင်လည်း မင်း ငါ့ကို ဖုန်းမဆက်တတ်ဘူးလား။'

' လေးလေး ကို ဆက်တာ ကိုင်မှ မကိုင်တာ ...။'

ရိပေါ် သူ့ တူ ပက်ခနဲ ပြန်ပြောလာတော့လည်း သူ က တကယ် မကိုင်ခဲ့တာကြောင့် သူခိုး လူမိတဲ့ မျက်နှာ ဖြစ်သွားပြီးမှ ချက်ချင်း ပြန်ပြင်လိုက်ကာ ...

' မကိုင်လည်း အရေးကြီး ကိစ္စ ရှိနေရင် မက်ဆေ့ ပို့ထားလို့ ရတာပဲ။
အခု မင်းက မင်းကို ရန်စ ထားတဲ့ ကောင်နဲ့ ခေါ်ပြောရုံ မက သူ့ကို ငါ့အိမ် သိရအောင်ပါ ခေါ်လာတယ်။ မင်းရဲ့ နောက်ကြောင်းကို သူတို့ စုံစမ်းမှာ မကြောက်ဘူးလား။'

ဟော်ရှင်း လေးလေး ရိပေါ် ဆူနေတာက လေးလေး ရှောင်း ကို စိတ်ပူနေတာမှန်း မသိပဲ၊ သူ့ အကြောင်း တစ်ခြား လူ သိသွားစိုးလို့ ဆိုပြီး King ရဲ့ အိမ်မှာ တုန်းက King ရဲ့ အစ်ကို ပြောတဲ့ " ငါး တစ်ပိုင်း လူသား တစ်ပိုင်း ရဲ့ ရိုးတွင်းခြင်ဆီ ကို လိုအပ်တယ်" ဆိုတဲ့ စကားကို ပြန်ကြားယောင်လာသည်။

' မဖြစ်ဘူး။ မနက်ဖြန် တရုတ် ပြန်မယ်။'

' ဟင် !!!!!.'

ရိပေါ် ရှောင်း ဆီက အာမေဋိတ်သံ ပါ ကြားရရုံမက သူ့ကို မော့ကြည့်လာတဲ့ ဟော်ရှင်း နဲ့ ဟုန်လုံ ကိုပါ တစ်ယောက်ချင်းစီ ကြည့်လိုက်ပြီး ...