Part - 1
ညဆယ့်နှစ်နာရီကျော်မှ အိမ်ရှေ့မှာရပ်လိုက်သည့်ကားသံကြောင့် ဦးမြတ်မင်း ခန္ဓာကိုယ်ကိုမတ်မတ်ပြန်ထိုင်လိုက်သည် ။ ဘေးနားမှာဖုန်းသုံးရင်းထိုင်နေသည့်ဇနီးသည်ကတော့ ဦးမြတ်မင်းဘက်ကို တစ်ချက်ငဲ့ကြည့်လာရင်း
" အစ်ကို့သား ဒီနေ့ပြန်လာတာစောသားပဲ ။ခါတိုင်းဆို
မိုးလင်းခါနီးရင်နီး မနီးရင်မိုးလင်းပေါက်ပဲ "
ဇနီးဖြစ်သူ၏စကားကြောင့် ဦးမြတ်မင်းသက်ပြင်းချလိုက်ရင်း သားအိမ်ထဲဝင်လာမှာကို စောင့်နေလိုက်သည်။ ခဏကြာတော့ လေလေးတချွန်ချွန်နှင့် ကားသော့ကိုလက်ထဲမှာလှည့်ပတ်ဆော့ရင်း အိမ်ထဲဝင်လာသည့် သားတော်မောင် ။ ဧည့်ခန်းထဲမှာထိုင်နေသည့် အဖေလုပ်သူကိုတွေ့တယ်ဆိုရင်ပဲ အံ့သြသွားပုံနှင့် မျက်ခုံးတစ်ချက်ပင့်လိုက်ကာ အပေါ်ထပ်ကိုတက်ဖို့ ခြေလှမ်းပြင်နေသည် ။
" ရဲရင့်သွေး "
ဦးမြတ်မင်းက ခေါ်လိုက်ပေမည့် တစ်ချက်တောင်လှည့်မကြည့်ချေ။
" ဟေ့ကောင် ရဲရင့်သွေး! မင်းအဖေ ငါခေါ်နေတယ်လေ နားမပါဘူးလား "
အော်ခေါ်သံအဆုံးတွင် လှေကားပေါ်ကနေ နောက်ပြန်လှည့်ကြည့်ရင်း သူ့ကိုယ်သူ လက်ညှိုးနဲ့ပြန်ထိုးပြလာ၏။
" ကျွန်တော့်ကို ခေါ်နေတာလား "
" ဟာ! ဒီကောင်တော့ ရဲရင့်သွေးဆိုတာ မင်းနာမည်မဟုတ်ဘူးလား ။ မင်းကိုမခေါ်လို့ ငါက ဘယ်သူ့ကိုခေါ်ရမှာလဲ "
" အော်! ! မသိဘူးလေ အဖေနဲ့ကျွန်တော်က တစ်နှစ်လုံးကြာမှ တစ်ခါလောက်မျက်နှာချင်းဆိုင်ဖြစ်တော့ အခုလဲ ကျွန်တော့်ကိုခေါ်တာလို့မထင်လိုက်လို့ပါ ။ကျွန်တော့်ကိုခေါ်တယ်ဆိုတော့လဲ ဟုတ်ကဲ့ ပြောပါခင်ဗျာ "
" မင်းအိမ်ပြန်လာတာ ဘယ်အချိန်ရှိနေပြီလဲ "
"အချိန်မေးဖို့များ ကျွန်တော့်ကိုစောင့်နေစရာလား ။ အိပ်ရေးပျက်လို့ ။ အိမ်မှာနာရီတွေရှိနေတယ်လေ ။ကိုယ့်ဘာသာကြည့်လိုက်ပေါ့ "
YOU ARE READING
တွယ်ငြိခဲ့လေသော ( တြယ္ၿငိခဲ့ေလေသာ ) Uni+Zaw
Fanfictionစစ်မှန်တဲ့ ချစ်ခြင်းမေတ္တာတိုင်းကအဖိုးတန်ပါတယ်။ လိင်သတ်မှတ်ချက်ဆိုတာ အပေါ်ယံဆုံးဖြတ်မှုတွေပါ။ စစ္မွန္တဲ့ ခ်စ္ျခင္းေမတၱာတိုင္းကအဖိုးတန္ပါတယ္။ လိင္သတ္မွတ္ခ်က္ဆိုတာ အေပၚယံဆုံးျဖတ္မႈေတြပါ။
