Part -15
အိပ်ရာနိုးတဲ့အချိန် တစ်ယောက်ယောက်က စောင့်ကြည့်နေတယ်လို့ခံစားရတာကြောင့် မျက်လုံးဖွင့်ပြီးကြည့်လိုက်မိသည်။ ထိုအချိန်တွင် ရဲရင့်က ကိုယ့်ခေါင်းကို သူ့ရင်ဘက်ပေါ်တင် ထားပြီး သေသေချာချာကိုကြည့်နေတာကြောင့် အိပ်ရာမှထဖို့ပြင်လိုက်မိသည်။ ဒါပေမဲ့ ရဲရင်ကပြန်ဆွဲထားတာကြောင့်
" ဘာတွေကို အဲလောက်ကြည့်နေတာလဲ "
မေးလိုက်သည့်စကားကြောင့် ရဲရင့် ပြုံးလိုက်ရင်း
" ကိုကို အိပ်နေပုံလေး ချစ်စရာကောင်းလို့လေ "
" ဖြန်း!! "
" အား ! ရိုက်ပြန်ပြီကိုကိုရာ နာတယ်ဗျ ။ သူ့အသားမဟုတ်တိုင်း မညှာမတာ။ ဘယ်သူမှ လေနဲ့တောင် မမှုတ်ရဲတဲ့ ကျွန်တော့်ကို ကိုကိုပဲအားတိုင်းရိုက်နေ။ ချစ်လွန်းလို့ သည်းခံနေတာနော် "
" ဘာလို့ပေါက်ကရတွေပြောသေးလဲ "
" ကျွန်တော်ဘာပြောပြော ပေါက်ကရပြောတယ်ပဲထင်နေတာလား။ တစ်ခါတလေ ယုံကြည်ပေးလိုက်တော့ ဘာဖြစ်မှာမို့လဲ "
" မသိဘူး အဲလိုတွေကြားရရင် ငါနေရခက်တယ် "
" နေရကလဲ အမြဲခက်နေတာပဲ "
" ဘာပြောတယ်! "
" ဘာမှမဟုတ်ဘူး ချစ်တယ်လို့ "
" အပိုတွေ "
" ပြောပြန်ပြီ အဲလိုမျိုးတွေ "
" မင်းက ယုံရတာမဟုတ်ဘူး "
" မယုံဘဲနဲ့ ဘာလို့ အတူတူနေပေးသေးလဲ "
" ------------- "
" ဖြေလေ အဲဒါကြပါးစပ်ပိတ်နေတယ်။ မနက်စောစောစီးစီး ကြည်နူးနေတဲ့စိတ်လေးတောင်ပျောက်သွားပြီ ။ ကိုကိုကလေ ကျွန်တော်စိတ်မကောင်းဖြစ်အောင် သိပ်ပြောတာပဲ "
ရဲရင့်ပုံစံက တကယ်ကိုစိတ်မကောင်းဖြစ်သွားတဲ့ပုံစံမို့
" ငါက အဲလိုသဘောမျိုးပြောတာမဟုတ်ပါဘူး ။ မင်းဒီကိုစရောက်တုန်းက သူရဆိုပြီး မှားခေါ်ဖူးတယ်လေ။ ငါစိုးရိမ်နေတာမှားလား "
ΔΙΑΒΑΖΕΙΣ
တွယ်ငြိခဲ့လေသော ( တြယ္ၿငိခဲ့ေလေသာ ) Uni+Zaw
Fanfictionစစ်မှန်တဲ့ ချစ်ခြင်းမေတ္တာတိုင်းကအဖိုးတန်ပါတယ်။ လိင်သတ်မှတ်ချက်ဆိုတာ အပေါ်ယံဆုံးဖြတ်မှုတွေပါ။ စစ္မွန္တဲ့ ခ်စ္ျခင္းေမတၱာတိုင္းကအဖိုးတန္ပါတယ္။ လိင္သတ္မွတ္ခ်က္ဆိုတာ အေပၚယံဆုံးျဖတ္မႈေတြပါ။
