Shirt
"အာ.....လွှတ်ဦးလေ ဟန်နီကြီးရာ"
"မလွှတ်ဘူး ကလေးမ"
"ဟာကွာ....ရှင်ကြီးရဲ့ရှပ်အင်္ကျီသွားယူမလို့ပါဆို.....ကလေးကိုလွှတ်ပေးလို့"
"မသွားပါနဲ့ မိန်းမရယ်။ကိုယ့်ကလေးလေးကို ကိုယ်နဲ့ဝေးရာကိုမသွားစေချင်လို့ပါကွာ"
"ဟမ်....ရှင်ရူးနေလား Honey....။ကျွန်မသွားမယ့်နေရာက ဟိုနားလေးကအဝတ်ဘီဒိုဆီကိုနော်။တစ်ခြားကမ္ဘာကို ခရီးထွက်မယ်လို့များ ထင်နေတာလားဟင်။ရှင့်အင်္ကျီယူရုံလေးပဲကို.....အခုပြန်လာမှာ....လွှတ်....."
"မလွှတ်ဘူးလို့....လွှတ်ဘူး....လွှတ်ဘူး...မလွှတ်ပေးနိုင်ဘူး မိန်းမ"
သူမကကျွန်မရဲ့ခန္ဓာကိုယ်သေးသေးလေးကို ရင်ခွင်ထဲနစ်ဝင်နေအောင်ဖက်ထားတာလေ။ကျွန်မကိုဖက်ပြီး ချွဲပျစ်နေတာ။ကျွန်မကို သိပ်ချစ်တယ်လို့တဖွဖွ ပြောရင်း ဒီနေ့ ကျွန်မကိုသူမ လွမ်းဆွတ်တမ်းတနေကြောင်း ပြောဆိုဂျီကျနေခဲ့တာ။
အဲ့လိုလွမ်းတယ်ပြောလို့ မသိတဲ့သူတွေထင်ကောင်းထင်ကြဦးမယ်။နှစ်ဦးသား ခွဲခွါနေကြရလို့လွမ်းနေတာလားဆိုပြီးလေ...အဲ့လိုမထင်လိုက်ပါနဲ့။ကျွန်မတို့ နှစ်ဦးသား တစ်စက္ကန့်လေးတောင်ခွဲမနေကြရပါဘူး။
အခုလည်း တစ်နေကုန်သူမရဲ့ပေါင်ပေါ်ထိုင်ရင်း စာရေးလိုက်၊သီချင်းနားထောင်လိုက်၊social mediaသုံးလိုက်နဲ့ ဇိမ်ကျနေသောကျွန်မရယ်ပါ။
သူက ကျွန်မကိုပေါင်ပေါ်ထိုင်ခိုင်းထားပြီး ကွန်ပျူတာတစ်လုံးနဲ့သူ့အလုပ်တွေကိုလုပ်နေခဲ့တာလေ။ကျွန်မတို့နှစ်ဦးသား တစ်စက္ကန့်လေးတောင်မခွဲရသေးပါဘူးကွယ်။
အဲ့ဒါကို ဟန်နီကြီးက အဖြစ်သည်းလွန်းနေရင်း တမ်းတနေပါတယ်တဖွဖွပြောနေတော့ ကလေးလေး ဘယ်လို့နှစ်သိမ့်ပေးရမလဲတောင် မသိတော့ဘူးရယ်။
ကျွန်မရဲ့အချစ်ကလေးကို စကားဆိုမိတယ်။
"ကလေးလေးက ဟန်နီကြီးရဲ့ အင်္ကျီယူဝတ်ချင်တယ်လေလို့....အခု နားထောင်နေတဲ့သီချင်းက ရှင်ကြီးရဲ့ရှပ်အင်္ကျီယူဝတ်ရင်း နားထောင်မှပိုခံစားလို့ကောင်းတာမလား။ဟိုနားလေးကို ခဏပဲသွားမှာလေ.....နော်....ဟန်နီကြီး...."
![](https://img.wattpad.com/cover/347824774-288-k904506.jpg)
YOU ARE READING
To My Girlfriend
Romanceဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...