Black
အိမ်ထဲကိုလှမ်းဝင်လာတဲ့ကျွန်မရဲ့ဟန်နီကြီးက အနက်ရောင်ဝတ်စုံနဲ့သိပ်ကြည့်ကောင်းနေခဲ့တာ။သူမရဲ့ဖြူဝင်းတဲ့အသားအရည်ပေါ်မှာ အနက်ရောင်ရှပ်အင်္ကျီက သိပ်လိုက်ဖက်လွန်းနေခဲ့တာပေါ့။
အနက်ရောင်ကိုကျွန်မသဘောကျတယ်။အနက်ရောင်ဝတ်စုံတွေကို အမြဲဝတ်ဆင်တတ်တဲ့သူမကိုတော့ ပိုပြီးသဘောကျမိတယ်။
“ဟန်နီကြီးပြန်လာပြီ....လွမ်းနေတာသိလား....ဟန်နီ.....ဟန်နီရေ....”
အိမ်ထဲဝင်လာတဲ့ချစ်ရသူကို အပြေးအလွှားဆီးကြိုရင်း ကျွန်မစကားတွေများနေမိတယ်။
သူအလုပ်ပြန်လာတာ နွမ်းလျပုံပေါက်နေတာကိုမြင်ပေမယ့် အရမ်းလွမ်းနေတာမို့ သူ့အနားကပ်တွယ်ဖို့ကြိုးစားနေမိပြန်တယ်လေ။ပြဿနာက အဲ့ဒီအချိန်မှာစတင်တာပါ။
သူကကျွန်မရဲ့ခန္ဓာကိုယ်လေးကိုတွန်းဖယ်ပစ်လိုက်တယ်။ဧည့်ခန်းထဲက ဆိုဖာပေါ်လှဲချလိုက်ရင်း မျက်လုံးမှိတ်ငြိမ်သက်နေလေရဲ့။သူမငြိမ်သက်နေရင် စိုးရိမ်တတ်တဲ့ကျွန်မက သူ့ကိုဆက်တိုက်ခေါ်မိတယ်။
“ဟန်နီ.... ဟန်နီရေ.....ဟန်နီ....ဟန်နီကြီး... ဟန်နီလို့.....”
“ဟာ.....နားငြီးလိုက်တာ....တိတ်တိတ်နေစမ်းပါကွာ”
ကျွန်မကိုလေသံမာမာနဲ့အော်လိုက်တာမို့ အံ့အားသင့်ပြီးငြိမ်သက်သွားမိတယ်။ပြီးတော့ မျက်ရည်ပေါက်တွေကျဆင်းလာတော့တာပေါ့။
“ဘာလဲ....ပြော....ဘာပြောမလို့လဲ”
မျက်လုံးမှိတ်ထားလျှက်သူစကားဆိုတယ်။
“ဟင့်အင်း.....”
“မင်း.....မင်း....ငိုနေပြန်ပြီလား”
ကျွန်မသူ့ကိုပြန်မဖြေမိဘူး။စကားလုံးတွေအစား ရှိုက်သံသဲ့သဲ့သာထွက်လာခဲ့တယ်လေ။
“ဟား.....ငိုပြန်ပြီ....ပြောစမ်းပါ....ငိုနေလို့မင်းဘာရလဲ....ဟင်...”
“ဟန်နီ...."
“ငါမေးတာဖြေစမ်းပါ။ငိုတော့ မင်းဘာရသလဲလို့”
“မအော်ပါနဲ့”
“မအော်ဘူးလေ....ဒီလောက်လေးတောင် မင်းကိုပြောလို့မရဘူးလား....တကယ်ပါပဲ....ဆက်ပြောနေရင်လည်း ပိုပြီးငိုနေတော့မှာမလား...ဖယ်တော့”
ВИ ЧИТАЄТЕ
To My Girlfriend
Romanceဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...
