Coincidence
တိုက်ဆိုင်တူညီခြင်းတွေက ကမ္ဘာကြီးရဲ့နေရာအနှံ့အပြားမှာဖြစ်နေကျပါပဲ။လူတိုင်းလည်းသိတယ်။လက်ခံထားကြတယ်။တစ်နေရာရာမှာတော့ တိုက်ဆိုင်တူညီခြင်းတွေဟာရှိနေတတ်တာပဲမဟုတ်လား။အဲ့ဒီဖြစ်စဥ်တွေဟာ မထူးဆန်းခဲ့ပါဘူး။ဒီစကြာဝဠာကြီးထဲမှာ တစ်ခုမဟုတ်တစ်ခုကတော့ တစ်နေရာရာမှာတိုက်ဆိုင်တူညီနေမှာပါပဲ။
ပျော်ရွှင်စရာတိုက်ဆိုင်တူညီခြင်းတွေရှိတယ်။ကြေကွဲစရာတိုက်ဆိုင်တူညီခြင်းတွေရှိတယ်။စိတ်လှုပ်ရှားဖွယ်တိုက်ဆိုင်တူညီမှုတွေရှိတယ်။တိုက်ဆိုင်တူညီမှုတွေက ပုံစံအမျိုးမျိုးနဲ့ရှိနေတတ်တာ။တစ်ခါတစ်လေ ခေါင်းစဉ်တပ်လို့မရတဲ့ တိုက်ဆိုင်တူညီမှုတွေပါရှိနေတတ်တာလေ။
အခုရှာဖွေတွေ့ရှိလိုက်တဲ့တိုက်ဆိုင်တူညီမှုလေးက နာမည်တပ်လို့မရတဲ့ခံစားချက်အမျိုးမျိုးနဲ့တိုက်ဆိုင်တူညီနေခဲ့တာ။
တစ်ချို့သော တိုက်ဆိုင်တူညီခြင်းတွေက မြတ်နိုးဖွယ်ကောင်းလွန်းတယ်။အဲ့ဒီအရာကို မြင်တွေ့လိုက်ရတဲ့အချိန်မှာ နှလုံးသားရဲ့ပြီးပြည့်စုံခြင်းကိုရှာဖွေတွေ့ရှိသွားသလို ခံစားရတယ်။
အရာရာက ပြီးပြည့်စုံပြီး နူးညံ့လွန်းတယ်။ရင်ခုန်ဖွယ်အတိပြီးနေခဲ့တယ်။
ကလေးဘဝထဲက အကြိမ်ကြိမ်တွေးတောခဲ့တဲ့အကြောင်းအရာတစ်ခုကို ကျွန်မအတွက်တန်ဖိုးကြီးလွန်းတဲ့ပုဂ္ဂိုလ်လေးတစ်ဦးဆီမှာရှာဖွေတွေ့ရှိခဲ့တယ်။အဲ့ဒါက အံ့ဖွယ်ပါလားဆိုပြီး အာမေဋိတ်ပြုမိတဲ့အထိ ထူးခြားစွာတိုက်ဆိုင်တူညီနေခဲ့တာ။မပြောပဲမနေနိုင်လောက်အောင် ကျွန်မကိုအံ့အားသင့်စေခဲ့တာ။
ကျွန်မအတွက်အမျိုးအမည်ဖော်လို့မရတဲ့ခံစားချက်တွေအများကြီးနဲ့မြင်တွေ့ခဲ့ရတဲ့တိုက်ဆိုင်တူညီခြင်းလေးက ကျွန်မရဲ့ခံစားချက်တွေကိုဂန္ဓဝင်မြောက်စေခဲ့တယ်။
ကိုယ့်အတွက်တန်ဖိုးကြီးတဲ့တစ်ယောက်ယောက်ဆီမှာ ကိုယ့်နှလုံးသားထဲကခံစားချက်ကိုရှာဖွေတွေ့ရှိတဲ့အခါ အဲ့ဒီအရာကဂန္ဓဝင်မြောက်ခံစားချက်တစ်ခုအဖြစ်မှတ်မှတ်ထင်ထင်ဖြစ်စေခဲ့တယ်။
ကျွန်မဆီမှာနည်းနည်းထူးဆန်းတဲ့အတွေးတွေရှိတတ်တယ်။တစ်ချို့အတွေးတွေဆိုလက်မခံနိုင်လောက်တဲ့အထိကို ထူးထူးဆန်းဆန်းတွေတွေးတတ်လွန်းလို့ ဘယ်သူ့ကိုမှမပြောနိုင်ခဲ့တဲ့အထိဖြစ်ခဲ့တာမျိုးပါ။အဲ့ဒီလိုအကြောင်းအရာတွေ ကျွန်မဘဝမှာအများကြီးရှိခဲ့တယ်။
အခုအတွေးလေးကလည်းထူးဆန်းတာမို့လို့ ဒီကမ္ဘာပေါ်မှာ ကျွန်မတစ်ယောက်ထဲရှိလိမ့်မယ်ဆိုပြီးတွေးထားမိခဲ့တာ။ကျွန်မရဲ့အတွေးလေးအထီးကျန်နေခဲ့တာ ကာလတစ်ချို့ကြာခဲ့တယ်ဆိုပါတော့။
ဒါပေမယ့် ကျွန်မပုံဖော်စိတ်ကူးကြည့်ဖူးတဲ့အရာကိုတစ်ယောက်ယောက်ဆီမှာရှာတွေ့လိုက်တယ်။အဲ့ဒီတစ်စုံတစ်ယောက်ကလည်း ကျွန်မအတွက်အရေးပါတဲ့သူဖြစ်နေခဲ့တယ်။
အဲ့ဒါက ကျွန်မရဲ့အတွေးလေးကိုအထီးကျန်ခြင်းတွေဆီက ကယ်တင်ပေးနိုင်ခဲ့တယ်။အဲ့ဒီအခိုက်အတန့်ကို မြတ်နိုးလိုက်တာ။
ရှင့်ကိုကျွန်မ မြတ်မြတ်နိုးနိုးနဲ့တန်ဖိုးထားပြီးချစ်တယ်သိရဲ့လား။
Avery Yint Han
YOU ARE READING
To My Girlfriend
Romanceဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...