B : 1
- أرق من قوام .. قصيدة عذبة
.
.
الساعه 3:38 العصر
كانت جالسه وماسكه الجوال لفت وقالت للميكب ارتست : ابي نفس هاذا بالضبط ناعم ويناسب ملامحي هزت راسها " تمام " وبدت الميكب ارتست تمكيج دانيا بعد دقايق مدت لها المرايا وقالت : ما شاء الله تبارك الرحمن ايه من الجمال ابتسمت دانيا ورجعت لها الذكريات وضلت تردد الجمله في بالها " ايه من الجمال " قطع حبل أفكارها الاتصال ردت بدون ماتنطق اي كلمه
: دانيا
: هم
: اسف على كل الي صار و
قاطعته وهي فيها غصه
: طارق على شنو تعتذر بضبط !
: دانيا افهمني كل الي صار مو بيدي وصدقي
ماكمل كلامه الا وهي قاطعه الخط تنهد ونزل راسه بحزن دخلت عليه ريما وهي بكامل كشختها واناقتها لابسه روب كحلي وشعرها القصير كان منسدل على كتوفها وخاتمه اطلالتها بروج احمر قربت منه وحطت يدها على كتفه نطقت ريما بكل حُب وحنيه : شفيك حبيبي وجهك مايطمن
بعد يدها عن كتفه وقال : ريما لاتنسين انو زواجنا على ورق ولاتحاولين تتقربين مني ابدا انا قلت لك من بداية زوجنا اني ماابغاك وقلبي مو معك ريما افهمي خلاص
نزلت راسها بحزن من علاقتها مع زوجها
ريما : طيب خلاص اسفه اخر مره اسأل عنك
طارق : يكون أفضل لو ماتسألين مره وحده
.
.
لبست فستانها وكان شكلها يفتن وقفت قدام المرايا وهي تتأمل نفسها وكانت لابسه فستان وردي طويل توب ساده ومن عند الخصر يبدء ينفش بسبب البطانه ويبدء الورد والكرستال وينزل الي اخر الفستان ضربت امها الباب وقالت
: دانيا خلصتي ولا اساعدك
: تعالي مو عارفه اربط خيوط الفستان
دخلت هيله وهي الأرض مو شايلتها من السعاده شافت بنتها اخر العنقود بكامل اناقتها اجتاحة الدموع عيون هيله وبدت تزغرط بفرح : مبروك يابنتي وواخيرا بشوفك عروس !
ابتسمت دانيا : ي روحي ي امي لاتبكين ترا ببكي معك
هيله : لا لا يمه لاتبكين يخرب الميك اب ما شاء الله عليك طالعه قمر تاخذين العقل " ايه من الجمال "
ابتسمت دانيا وبانت غمازاتها وقالت : يلا يمه قبل يجي المأذون اربطي لي الخيوط حقت الفستان تقدمت هيله تربط خيوط الفستان وهي تسمي على بنتها وتحصنها دخلت عليهم خوله وهي تصفر : اويلي على حماتي الحلوه قمر قمر بسم الله عليك صبر لاتتحركين !
صارت خوله تنادي : ليلى ، نور ، تعالو بسرعه ماهي إلا ثواني ودخلو البنات الغرفه وصار يمدحون دانيا وكيف انها طالعه مزه وياحظ فيصل فيها ! وبدت خوله تغني والبنات وهيله كانو يصفقون ويرقصون وفرحانين في البنت الوحيده في عيلتهم
دق جوال خوله : ثواني بنات بس ارد على فهد
: اهلين
: انتِ هلي وكل كل ناسي مانحتاج الاهلين
ابتسمت خوله بخجل : شفيك أمرني
: مايأمر عليك ظالم ي روحي بس وصل المأذون خلكم جاهزين ثواني وانا جاي عشان دانيا توقع
: تمام لاتنسى التصوير
: طيب كم خوله عندي انا
: وحده
: الله يخليها لي ولا يحرمني منها
: امينن
سكرت وهي هيمانه في فهد : دانيا يقول فهد وصل المأذون ارتجف كل عضو في دانيا ورجع لها شعور الحزن وهي تتذكر انو خلاص بينربط اسمها في اسم فيصل ومابتغرب الشمس الا وهي صايره حرم فيصل رسمياً !
.
.
في نفس البيت كانو جالسين الرجال ويسمعون المأذون وش يقول وكان هدوء وفهد كان مثبت الجوال ويصور لف المأذون على فيصل وقال على كتاب الله وسنة رسوله وعلى المهر المعلوم بينكما فهل قبلت التزويج نطق فيصل وهو متردد : نعم قبلت واعتلا صوت التبريكات في جميع أركان الغرفه تقدم فهد وهو يمسك الكتاب وياخذه معه صعد غرفة دانيا وضرب الباب فتحت هيله أخذت الكتاب وتوجهت لبنتها وأخذت دانيا القلم ووقعت واعتلا صوت زوجات اخوانها وهم يزغرطون لها وهم فرحانين فيها اخذ فهد الكتاب ونزل وبعد التبريكات والسوالف قال محمد : يلا ي ولدي قوم معي الغرفه الثانيه عشان تشوف عروستك قبل نتوجه للقاعه
قام فيصل وهو مافي شي في باله غير البنت الي شافها في البر وخطفت قلبه بغنجها !!
دخل المجلس ومحمد على يمينه : استريح واعتبر البيت بيتك احين انت صرت واحد من عيالي انا صاعد انادي دانيا وارجع لك قرب محمد من غرفة بنته وهو يسمع اصوات زوجته هيله و زوجات عياله فتح الباب ودخل حضن بنته وباس راسها : مااصدق دلوعة ابوها صارت عروس
ليلى : السنين تمضي ي عم الله يوفقها ونشوف عيالها بأذن الله
: الله يسمع منك ي بنتي ويلا ي دانيا الولد ينتظر تحت واحنا ماسوينا شوفه شرعيه تعالي خل يشوفك الرجال قبل نمشي للقاعة
نور : دقايق عمي وننزلها لكم بس نبيها بكلمة راس
محمد : يلا اجل انا سابقك يابنتي وبنتظرك جنب باب المجلس طلع محمد ولفت نور على دانيا
: يويلك تدخلين وانتِ مكشره ابتسمي لعبي بشعرك اي شي
نور : ايي عادي سوي اي شي الا انك تبوزين في وجه الرجال كأن احنا غاصبينك عليه
دانيا : طيب انتو صدق غاصبيني عليه
خوله : المهم عاد سوي حركة الشعر الي علمتك انا سويتها وشوفي فهد حبيبي كيف يحبني
ليلى : خلاص ي بنات لاتوترونها معليك منهم بدون ماتسوي شي حلوه
هيله : اعقلو عن بنتي يلا يمه نزلي ابوك ينتظرك تحت واحنا بنتجهز لأجل نروح القاعه اكيد ام فيصل تنتظرنا
دانيا : تمام انا ماراح أطول ثواني وانا عندكم
خوله : نعمم وش ثواني ! حتى حركة الشعر مايمديك تسوينها
دانيا : يوه عاد خوله لاتستعجلين يعني وش بسوي بس بيشوفني وبجي
نور : استغفر الله كيفك كيفك سوي الي تبين خسارت الدروس الي كل يوم نعلمك عشان اذا شافك يخق
خوله : شافت انها حلوه وصدقت نفسها لازم تتكلمين تسوين شي مو بس جالسه
دانيا : ي ربي وش فيكم علي بسوي الي ابي طلعت وسكرت الباب
ليلى : معليه ي بنات يمكن متوتره ترا اول مره تتزوج
لفو البنات على بعض وانفجرو ضحك ومن بينهم ليلى
وقالت خوله : وش الي اول مره تتزوج ترا كلنا اول مره نتزوج
ليلى : يوه لاتدققون علي الوحام مو مخلي فيني عقل
هيله : يلا ي بنات لبسو عشان مانتأخر
.
.
فتحت الباب ودخلت وهي بكامل اناقتها رفع عيونه عليها وانصدم فيصل انها نفسها هي البنت الي في البر جلست دانيا بعيد عنه بكنبتين وهي تحط رجل على رجل : لو تحسب اني مغفله وماأدري عن شي تراك غلطان ي فيصل ي زوجي !
.
"نجمه وكومنت"
