B : 20 the last
- ولنا فِي الخيَال حياةٌ
.
.
في السياره وقفو عند القاعه حطت يدها على كتفه وهي تناظر عيونه الحمراء عروق وجهه ويده البارزه شعره المبعثر على جبينه بعشوائيه شكله المرعب من العصبيه
وقالت : طارق انتبه لنفسك تكفى مالي غيرك
ابتسم طارق وشياطين الأنس والجن قدامه : ابوك متزوج ثلاث حريم عندنا قبيله بالبيت لو رحت انا مابيفرق كثير
جوري : طارق بس انت غير
امجاد : انت وش بتسوي بالضبط انا قلت لك اقدر اسوق الا انك اصريت علي وانا غبيه لما صدقتك
طارق : بلا حكي زايد نزلو وانا رجال اعرف وش اسوي
جوري : بس .. قاطعها بصوت عالي : قلت انزلو !
نزلو من السياره بترقب وقالت شادن : مستحيل هاذا طارق حقنا !
نجوى : خرج عن صمته بيقلب الدنيا
امجاد : نحمد الله اذا خلص اليوم وهو ماقتل احد
جوري بخوف على طارق : أعوذ بالله من كلامكم بسرعه تعالو ندخل لاننقتل احنا
.
.
ناظرهم إلى أن دخلو مسك الزقاره شغلها وثبتها على ثغره حرك القير وتوجه لقسم الرجال بسرعه شديده نزل من السياره رمى الزقاره بالأرض وطفاها بشوزه فتح باب قسم الرجال ودخل وهو ناويها شر شاف ابو دانيا من بعيد ومعه شخص غريب عليه عرف انه فيصل شاف الدبله بيده احترق من الغيره كيف في شخص شافها غيره ! صار يركض وكأنه عيونه معميه مسك فيصل من ياقته وضرب انف فيصل بجبينه طاح فيصل ومسك أنفه الي بدء ينزف فتح عيونه محمد على وسعها
وقال : طارق ! نعم ليه جاي
التفت طارق لمحمد وقال بصوت عالي : جاي اخذ حقي عندك مانع
محمد بغضب : احترم نفسك واعرف مع منو تتكلم
انا محمد بو ياسر الكل يهابني على اخر عمري انت ولد عبد العزيز تصارخ علي
بعد شعره عن جبينه وقال : ليه زوجتها هالوح
فيصل بغضب : احترم نفسك لو سمحت هي احين زوجت.. ماكمل كلامه الا وهو حاس بيد طارق على خده
طارق : تخسي والله ماتلمسها وانا موجود
فيصل : انسان همجي كيف دانيا حبتك !
طارق : مالك دخل ي دلوع الماما اسكت اذا الكبار تكلمو الصغار يسكتون
محمد بحذر : طارق احترم نفسك انت موجود عندنا قول لي وش تبي اسوي لك وتطلع وتخلي اليوم يعدي على خير
بلل شفايفه بريقه وقال : دانيا
عقد حجاجه محمد وقال : كيف تبيها وضح أكثر
طارق : طلقها من هالوح وانا اتزوجها ولا والله ماتعدي
مد محمد عكازه على كتف طارق وقال بصوت عالي
محمد : تخسي وتعقب اذلف برا ماتنعطى وجه
كان طارق بيرد بس استوقفه دخول هاشم وسعود طلعوه غصب عنه بعد محولات كثيره : حمير انتو ليه سويتو كذا
سعود : اصحى ! بضيع نفسك
هاشم : مستحيل جاي ونيتك طيبه واضح من وجهك
طارق بصراخ : وش دخلكم ضيعة نفسي ولا لا مين الحماره من البنات الي قالت لكم اني جاي هنا
سعود : جوري دقت علينا لما طلعتو واحنا كنا وراك
طلع زقاره من البكت شغلها جلس وقال بنفس الصراخ والعصبيه : وخرو عني ماني بزر تسحبوني قدام اللوح
هاشم بهدوء : طارق اصحى شوي الموضوع مستحيل بينحل كذا هد أعصابك شوف شكلك الشيب بدا يطلع ملابسك مبهدله في عمري من واحنا صغار ماشفتك لابس ثوب والأزرار مفتوحه اكمامك مرفوعه شعرك مبعثر طارق لازم ترضا بالي كتبه ربي لك
وقف بغضب ورمى الزقاره وقال : مالكم دخل ويلا كل واحد يركب سيارته وذلفو عن وجهي
سعود : حتى لسانك صار وصخ تغيرت كثير
طارق وهو يشمر بكمومه : والله اذا ماحركتو الي كنت بسويه في اللوح الي داخل بسويه فيكم
صار هاشم يمشي لورا وقال : طارق اصحى احنا عيال اخوك واختك وأصحابك تعوذ من الشيطان
سعود : بنمشي بس بشرط تجي معانا
طارق : تبيني ارجع البيت واشوف الوجيه الي تسد النفس تحلم مستحيل
هاشم : نروح وين ماتبي بس تعال معانا
مشى لسيارته وقال : تمام بجي بشرط محد يهذر فوق راسي
سعود : ابشر اهم شي تجي معانا
ركب هاشم مع طارق لأجل مايرجع لفيصل وركب سعود سيارته حرك ودق على جوري يطمنها ومشو متوجهين لأحد الشقق الفاضي الي يمتلكها عبد العزيز
