B : 14
- ورُغم صَلابتي، لِنت لَك
.
.
- تسريع للأحداث -
عرف طارق الي بين ابوه وابو دانيا عرفو البنات بزواج طارق من ريما وانتشر الخبر وعزمو الناس على عرسهم قال طارق لدانيا الي سواه ابوه وانهارت وحاول يهديها وعزمها على عرسه بطلب منها لأجل تقهر ريما
.
.
قبل زواج طارق بيومين يوم عقد قران هاشم ووعد
جلس طارق وشاف ريما تنتظره : مين سمح لك تدخلين غرفتي
ريما : طارق متى تنسى دانيا خلاص انا زوجتك المفروض نكون مع بعض بنفس الغرفه
قام طارق من السرير وقال : انتِ اكثر وحده تعرف اني احبها وسامعتني وانا اكلمها في المخيم محد طقك على يدك وقالك تزوجي واحد يحب
ريما بضجر : ي ليل كل يوم نفس الأسطونه
سحب المنشفه وقال : تجهزي بتروش وبنروح الشاليه
.
.
في بيت عبد العزيز متجمعين البنات في غرفه
وعد : تصدقون ي بنات احس اني استعجلت
عقدت جوري حجاجها وقالت : ليه
وعد : لسه ماتخرجت صحيح انها اخر سنه بس برضو لا وصارت سالفة عمي طارق واحس مرا لا
نجوى : تتوقعون تجي دانيا
روان : احس بتجي اعرف حركات دندونه
جوري : كيف يعني مافهمت
امجاد : روان تقصد ان دندونه بتجي وهي بكامل كشختها عشان تقهر جدتي وعماتي وخصوصا ريما
وعد : الصراحه يعجبني تفكيرها مراا بتخليهم يشبون
قاطع حديثهم دخول حنان : يلا لبسو عباياتكم عشان نروح الشاليه بعد شوي بتجي الميكب ارتست
.
.
وصلو الشاليه مع وصول طارق دخل سيارته الشاليه وقفل السياره بعد مانزلت ريما من المقعد الخلفي حست ريما بالنقص لما شافوها البنات لفت اماني تبي ترقع
وقالت : ي عيني على العرسان شكلك خايف عليها من الشمس تحرقها
ضحك طارق بسخريه : اي من البياض الزايد ماتجلس جنبي الا دانيا
دلال : وبعدين مع هالطاري ! ابوها مايبيك تاخذها خلاص انسى صرت متزوج
طارق بكل جرائه : على ورق وبعدين اهم شي هي تبيني
حنان : بالله كيف بتتزوجها وابوها رافض
لف طارق لريما وقال : خايف عليها ومعززها ومكرمها مو يفرضها على واحد مايبيها
شمقت له ريما وقالت : وش تقصد
طارق وهو يساعد البنات ويرتب الأغراض في الغرفه : محد جاب اسمك لهادرجه تتحسسين
مسكت جوري معاهم في السالفه وقالت : يقولون الي على راسه بطحه يتحسسها ويزين عزة النفس
ابتسم طارق وقال : وانتِ صادقه ي زين عزة النفس
وعد بأنزعاج : يووه خلاص كأنكم اطفال بليزز لاتخربون يومي في نقاشاتكم التافهه
جوري بقصد انها تستفز ريما : الا اقول طارق
طارق : قولي ي بعد عين طارق
جوري وهي تلعب بشعرها : دندونه بتجي؟
تنهد طارق بشكل مسموع وقال : ايي وبتلبس أسود
ريما بقهر : وين عزة النفس وهي تكلم واحد متزوج
شمق لها طارق وقال : ي شيخه احسن من الي تتزوج واحد مايبيها
جوري : افف اسود اجل بتقفل على الكل
ريما : اذا على الاسود حتى انا بلبس اسود ماله دخل
طارق بدون مايناظرها : عاد في فرق ب الأصلي والتقليد
ضربت ريما قدمها بالأرض : يووه مالت عليك انت وهي انا وشوله اجلس معكم واحرق دمي
جوري بضحك : روحي اجلسي مع العجايز
راحت عنهم وضحكو طارق وجوري مع بعض
وقفت وعد وضربت يدينها في بعض : مو طبيعين
امجاد : منجد وهاذي كيف شبكت معهم على طول
رفع طارق يده وبعثر شعر جوري وقال : هاذا الفزعه الحلوه
رفرفت جوري رموشها : اضبطك ماني رخمه نفسهم
نجوى : هي من دخلت الجامعه وهي مو صاحيه
تخصرت جوري وقالت : وش قصدك
وعد : ماتقصد شي خلاص وترتوني اسكتوا شوي
وقف طارق وقال : يلا عن اذنكم تبون اجيب لكم شي
شادن : اذنك معك سلامتك ي بعد حيي
تمددت جوري وقالت : تحمست اشوف دانيا
نجوى : تتوقعون ابوها يزوجها بعد ماعرف السالفه
عدلت جوري جلستها وتربعت وقالت : سلامات ! ماتاخذ غير اخوي
امجاد : انتِ لما كنتي في ثانوي ما تهايطين وش جاك احين وين راح الثقل
وعد : كبرت ودبرت
وقفت جوري وقالت : مالت عليكم بروح احارش ريما احسن من الجلسه معاكم
بعد ماملكت وعد وصارت زوجة هاشم رسمي تجهزو البنات والكل منتظر طلة دانيا الي كالعاده دايم مميزه وفارقه عن جميع الحضور وصلت دانيا والبنات يرحبون فيها ترحيب حار والكل يسمي ويذكر الرحمان بسبب جمالها الطاغي شعرها منسدل بشكل منظم على ظهرها فستانها الاسود الطويل مع فتحه توصل الي نص فخذها وفتحه صغرها من عند الصدر كانت ملفته تناسق الميك اب مع الفستان ومع الاكسسوارت وهاذا غير روجها الأحمر الي كان من اختيار طارق بدت ترقص مع البنات بشكل محترف وكان في وحده من الحريم من اول مادخلت دانيا وهي عينها عليها وكانت تناظرها بشكل مفرط لفت على ريما وقالت لها : الا اقولك ي بنتي
لفت ريما وقالت : ايوا سمي
بدت العجوز تأشر على دانيا وقالت : هاذي من بنته
شمقت ريما وقالت : هاذي دانيا تصير صديقة وعد بنت هيله ومحمد ال **
العجوز : والنعم منهم شكرا ي بنتي تسلمين
ابتسمت ريما بتسليك وانتظرت العجوز تخلص الاغنيه وبس خلصت راحت لدانيا وقالت لها بطريقه ماتحسسها انها جايه تخطب : السلام عليكم
لفت عليها دانيا وابتسمت : وعليكم السلام
العجوز : ابي أسألك امك هيله ؟ تشبهينها مرهه
دانيا : اييي امي كيف تعرفينا
العجوز بكذب : يوه عاد اذكرها كانت معي في دورة تحفيظ للقرآن الكريم
دانيا وهي مصدقه : صدق !
العجوز : ايي صدق عاد من زمان ادور رقمها عطيني رقمها اذا ممكن
جوري وهي فاهمه قصد العجوز بدت تسوي حركات بوجهها لأجل تمنع دانيا من انها تعطيها الرقم مافمتها دانيا وقالت : سجليه عندك سجلته العجوز
وقالت : يعطيك العافيه ي بنتي ماقصرتي
دانيا بفضول : طيب عادي اعرف مين انتِ
العجوز : معك ام فيصل
دانيا : ونعم حياك الله مشت العجوز وجات جوري وهي تصارخ بسبب صوت السماعه العالي : ليه تعطينها
دانيا بنفس الصراخ : وش مااسمع
قربت جوري ورفعت صوتها زياده : ليه عطيتيها الرقم
دانيا بفهوه وصراخ : اي رقمم
سحبت جوري دانيا برا القاعه وقالت لها بصراخ : ليه عطيتها رقم امكك
دانيا بأنزعاج : خلاص ترا طلعنا ليه كل هالصراخ
حكت جوري شعرها وقالت : ماادري
دانيا : ماادري هي تقول انها تعرف امي
جوري : هاذي واضح تبي تخطبك بس جات من باب ثاني تخصرت جوري وكملت كلامها وانتِ ي ويلك تتزوجين واحد غير اخوي بتهاوش معك ترا
تنهدت دانيا : اخخ وانا اقدر تخصرت دانيا وكملت كلامها وبعدين ليه هو يتزوج وانا لا !
جوري : ي شيخه !
دانيا : وانا صادقه كانت بترد جوري لاكن سمعو الاغنيه الي يحبونها اشتغلت ودخلو القاعه وهم يرقصون
.
.
هز راسه طارق بأبتسامه : مو صاحين
جا سعود وقال : مين
طارق : جوري ودانيا يهاوشون ولما اشتغلت الاغنيه صارو يرقصون مع بعض
رفع سعود حجاجه : وكيف شفتهم
طارق : شفتهم وخلاص
سعود : وش سويت على ريما
تنهد طارق وقال : مااطيق اشوف وجهها حتى
ربت سعود على كتف طارق وقال : معوض خير
طارق : المهم انت ارجع واذا احتاجوا شي انا موجود
وقف سعود وقال : تمام
سحب بكت الزقاره من جيبه وبدء يستوعب حديث جوري ودانيا واستوعب ان دانيا ممكن ابوها يزوجها غصب نفس ماابوه زوجه غصب سحب زقاره من البكت وبدء الدخان ينتثر في وجهه بسبب الهوا
.
.
امجاد : دانيا وين بتروحين
دانيا : بروح الغرفه اعدل روجي وبجي
فتحت باب الغرفه طلعت روجها ولفت نظرها الدخان الي بجانب الغرفه لفت وشافت طارق يدخن اخذت عبايتها بدون شعور وطلعت له على اساس انها ناسيه حاجه في السياره
.
.
بدء يسمع رنة الكعب لف وشاف هيئة دانيا فز قلبه وقربت دانيا لجهته قالت : ليه تدخن اتفقنا انك تتركه ! ماامداها تكمل كلامها الا وجا هوا قوي وطارت الشيله وانفتحت العبايه وقف طارق وسحب دانيا من يدها وتوجه لقسم الرجال الفارغ وقال : ليه تطلعين كذا
دانيا : ماادري
عقد حجاجه وقال : كيف ماتدرين
دانيا : كنت رايحه اعدل روجي وشفتك ولبست العبايه بشكل عشوائي وجيتك
ابتسم طارق وتكى على الجدار : ماالوم العجوز لما اخذت رقم امك
دانيا بفهاوه : كيف يعني
طفى الزقاره وقرب من دانيا : شكلك ملفة
دانيا بثقه : طبعا كالعاده مو شي جديد
قرب طارق زياده وارتكز نظره على ثغر دانيا الي كان اللون الأحمر طاغي عليه وقال : دانيا ابيك
رفعت يدينها وحاوطت رقبته وهمست قريب
من اذنه : اول شي نتزوج
مسكها من معصمها وقال : تعالي احين نتزوج
ابتسمت دانيا وقالت : وابوي وابوك وأهلي وأهلك وكملت كلامها بترقب لملامح طارق : وزوجتك
فك معصمها بضجر : لاتجيبين لي طاريها يكفي اهلي
دانيا : طيب بس هي صدق زوجتك
طارق بصوت شبه عالي : على ورق
دانيا بقهر : اي واضح وهي من دخلت تترزرز قدامي وكل ماجات وحده قالت انا حرم طارق ولد عبد الع..
قاطع كلامها قبله عميقه طبعها طارق على ثغرها رفعت يدينها وحاوطت رقبته وبادلته القبله وحاوط طارق خصرها النحيل بكفينه و همس وهو مثبت جبينه على جبينها : احبك ووعد مااجيب عيال من غيرك
همست دانيا بنفس الهمس : وعد ماأحب رجال غيرك
قرب ثغره وقبلها للمره الثانيه والثالثه والرابعه
.
.
- وقُبلة قُبلتان ثلاث قُبل ثم يضيع العَد ونضيع معَه
