كُونِي بقربِي ان الفُؤاد بقربكِي يستمتِعُ

B : 4

B : 4

- إنَّ المُحبْ إذَا رأىْ مْحبُوبهِ .. يُمسِي قريرِ العْين والوّجدَان

.
.

~ يوم الأربعاء ~

كان الكل متجمع في بيت عبد العزيز الي مجمع عياله واحفاد بمناسبة وصول ولده هزاع وحفيده غيث
عند البنات الي متجمعين في غرفة جوري
امجاد : متى بيجون الباقي
جوري : ماادري تعالي نكلمهم في القروب
' في القروب '
جوري : هلا بنات متى بتجون احنا متفقين نتجهز مع بعض
امجاد : مو لان بيوتنا جنب بعض تتأخرون
روان : يلا يلا بجيكم بس مضيعه السراميك حقي
جوري : تعالي احنا عندنا
شادن : بنات بليزز ابي كعب اسود
وعد : عندي عندي ي رب ماانسى اجيبه معي
نجوى : ليت هند معانا فقدتها مرهه
امجاد : لها مكان
هند : تحسبون لاني مسافره مابشوف بتدقون علي وبتسون لي بث مباشر وبتصورون لي كل شي بالتفصيل
جوري : تم تم نخلي نجوى هي الي تمسك البث هي الي مشتاقه لك
نجوى : وانا كم هند عندي
هند : وحده
نجوى : احلا هند شافتها عيني
روان وهي داخله غرفة جوري وماسكه الأغراض وماسكه الجوال تكتب : خلصونا من الرومانسيه مو جاي عليكم انا وصلت تعالو سريع
شادن : وعد ي ويلك تنسين الكعب
وعد : مابنسى وهاذا انا في الطريق تعالي بسرعه
شادن : يلا يلا ثواني
في الغرفه قفلت جوري جوالها لما شافت شكل روان وقالت : وش مسويه بنفسك
روان : جايبه فستاني والميك اب والإكسسوارات والكعب و جايبه الحلا وجايبه بعد قاطعتها امجاد : خلاص خلاص تعالي اساعدك شالو معاها الأغراض
وبعد مااجتمعو البنات
جوري : ناقصنا قهوه من الكوفي **
روان : ايي مشتهيه مره
شادن : طيب مين بيجيب
لفو كلهم على امجاد الي كانت رافعه شعرها بربطه وتوها بتبدء بالميك اب لفت عليهم وقالت : خير كلكم تناظروني مابروح مكان
وعد بترجي : تكفيننن عشاني
امجاد : ومنو قال انو عندي شان لك
وعد : شدعوه امجاديي
روان : بليزز
امجاد : ليه تترجوني بكلم خالي طارق وبيجيب لكم اكيد
جوري : يوه عاد اخوي مسكين ابوي مشغله ومشغل العيال عشان الرجال الي بيجون
روان : معليه معليه امجاد كلميه
امجاد : تمام بكلمه احين
جوري : دقي وخليه سبيكر

.

عند الاولاد كان طارق واقف ورافع هاشم على كتفه لأجل يركب الاضواء : هاشم بسرعه لاتحسب نفسك صغير تراك عجل
هاشم : انت بس لاتتحرك وانا بضبطها
عبد المحسن " ابو روان " : ليه تعذبون نفسكم خذو السلم
هاشم : والله ي عمي جدي الكريم امس أعطاه الجيران
طاح هاشم وقال : احح وجع وجع طحت
باسم : نشوف انك طحن ماله داعي توضح لنا
طارق وهو يضحك : اكيد بطيح لي ساعه رافعك
هاشم : ايو اضحك اضحك انت وش عليك انا الي تكسرت
باسم : لا ي رجال وش تكسرت خفيفه خفيفه
طارق : ودي اواسيك بس جوالي يدق صبر
طارق : هلا امجاد
امجاد : ي هلا وي مرحبا
طارق : اكيد تبين شي
امجاد : أرحب فيك شفيك ماتعرف علوم الرجاجيل
طارق وهو يبتسم : العب ي علوم الرجاجيل
امجاد : المهم خالي بلييزز نيي قهوه من **
طارق : عندنا شغل ابوي عازم القبيله كلها
روان : عمي تكفى
شادن : يعني ترضاها نطلع هالحزه نجيب قهوه
طارق : اي ارضاها
وعد : افا افا ماهقيتها منك
امجاد : وانا اقول خالي طارق زين الرجاجيل
طارق : ي المصالحح طيب موافق بشرط
جوري : يلا نجهز الطلب
وعد : عنده شرط صبري
طارق : ارسلو الي تبون واتس وخلو الشرط على جنب
جوري : عاااش وربي احبكك
طارق : ومين يعرفني ومايحبني
وعد : الثقه عند الشخص الصح
طارق : بسرعه رسلو قبل اكنسل
شادن : لا لا خلاص احين نرسل يلا باي
طارق وهو يلف على هاشم ويحط يده على كتفه
وقال : قوم قوم نباشر عليك بقهوه بدال التكسر
هاشم وهو يمثل الألم : اي والله اني متكسر
طارق : قوم قوم ها ياعيال في احد يجي معانا
باسم وماجد : معاكم معاكم
طارق : يلا نروح بسيارتي
باسم : انا قدام
باسل : ي شيخ انا قدام
هاشم : من يصدق انو هذول عندهم عيال
طارق : آباء بالاسم
هاشم : سعود قوم معانا
سعود : يلا جاي جاي