كُونِي بقربِي ان الفُؤاد بقربكِي يستمتِعُ

B : 10

B : 10
- وإِنَّ الثباتَ أمامَ عيناكِ جِهادٌ

.
.

بعد اسبوعين من بعد سالفة الخاتم وطارق ودانيا يتكلمون مع بعض بشكل شبه يومي وعلاقتهم قوية وكل يوم طارق يسمع تفاصيل يوم دانيا بكُل حُب وحتى لو انه يسمع صوتها بس هالشي يكفيه وطاحو في شباك الحُب

.

في بيت عبد العزيز
اماني : شادن روحي المطبخ جيبي الملح
شادن : طيب
دلال بتهديد : ياويلك ي جوري لو اخذتي دباب كل مره تسوين لنا سالفه واحين محترقه خلاص يكفي
جوري وهي متمدده على الكنب : بس مره وحده
دلال  : خلاص قلت لا لفت لوعد وقالت : وعد اخذي الشنط ووديهم الحوش
وعد وهي تعدل نقابها : طيب بس اخذ الشنط ؟
دلال : اي هاذا الي جهزو
تقدمت وعد وأخذت الشنط طلعتهم للحوش وسمعت صوت من ورا : ماهقيت ان البراقع يفتني
لفت وقالت : وانت وين مااروح اشوفك
ابتسم هاشم وقال : سبحان الله مكتوبين لبعض
وعد : وع اخر عمري اخذك
أشر على نفسه وصار يرفرف رموشه وقال : انا يتمنون نظره مني بس اشر عليها وقال وانتِ مسويه نفسك ثقيله
كتفة يدينها وعد وقالت : مايلوق ترا
حك هاشم دقنه وقال : مرا يعني
وعد : مرا
هاشم : وش هالثقل عاد خفي علي
تجاهلته وعد ودخلت البيت

.

دانيا : يمه تكفين تعالي معيي
هيله : خلاص دانيا كم مره اقول لك معزومه انا وابوك
دانيا : بس هالمره لاتروحين امجاد قالت لي انا وانتِ  استحي ادخل لحالي معاهم أهلهم
هيله : معليه كبرتي لازم تتعودين
دانيا : مااعرف
دخل محمد وقال : مين زعل دندونتي
دانيا بزعل : تخيل امي مو راضيه تجي معي وهي معزومه معي مااعرف ادخل لحالي
ابتسم محمد : عادي ي بابا مو لازم امك معاك عندك نجلاء وانوار بنات خلاتك او حريم اخوانك
تكتفت دانيا : كلهم مشغولين انوار ونجلاء بيروحون بيت اهل ابوهم وحريم اخواني بيت اهاليهم
مد محمد يدينه لكتف دانيا وقال : عادي ي روح محمد مره مرتين وتتعلمين بس لازم تجربين
باست خد امها وابوها وصعدت تبدل ملابسها وتتجهز

.

دخل عبد العزيز وناظر البنات وقال : الطريق طويل ولا وحده تجي بسيارتها أماني وحنان ودلال مع طارق البنات مع غيث وجوري ونجوى ووعد مع هاشم  وامجاد وروان وشادن مع سعود والاغراض بتتوزع في السيارات انتهى حديثه وطلع بدت وعد تتحلطم : ليه انا مع هاشم ماابي !
جوري : والله ي اني بستلمك طقطقه طول الطريق
مسكت وعد المخده ورمتها على جوري وقالت : ورا ماتسكتين ! هرجك زايد هاليومين
امجاد : بيصير عندكم فعاليه احنا بنرقد في السياره
جوري : والله سعود يونس بس ماعنده سوالف مع البنات
روان : احسه في عالم ثاني مع ربعه وفي مكتبه بس
وعد : ازين من هاشم بدلو معي تكفوون
جوري : اقعدي مكانك بلا هذره
وعد : الله يصبرني على الطريق
نجوى : مو لهالدرجه اخوي سيء
وعد : يعني هو زين بس انا مااتقبله
امجاد وهي تغمز : في احد في بالك
وعد : لا وين بس ... ولا اقول خلاص خلاص مافي شي
جوري : سلامات شنو يعني نخمن السالفه
روان : لاتحمسينه على الفاضي قولي
وعد : قبل واحنا صغار كنت احبه وعرفت انه يحب سجى بنت جيرانا الي قبل وكنت مرسال الحب بينهم
جوري : طيب احين مايبيها وتزوجت من زمان
نجوى : حب طفوله عادي
وعد : خلاص صرت اكرهه يرسل لها قلوب ونجوم سلامات
ضحكت روان وقالت : هاذي غيره يعني ولا ايش
وعد بمزح : فعاليه
رفعت حنان صوتها وقالت : يلا بنمشي لبسو