B : 6
- يَا سَاحِر البَسمَة !
.
.
دق طارق اكثر من مره على امجاد الي ما كانت ترد بسبب ضجيج الاغاني وصوت السماعه العالي وغير اصوات البنات الي كانو منقسمين إلى ثلاث أقسام قسم يغنون وقسم يرقصون وقسم يشجع الي كانو يرقصون جرب يدق على البنات والنتيجه كانت نفسها كان واقف ويحاول ما يناظر للنافذه ماشاف في حل عنده إلا أنه يدخل البيت ويضرب باب المجلس الي هم فيه دخل البيت وتوجه للمجلس وضرب الباب ولف نص جسمه
وماهي إلا ثواني وفتحت امجاد الباب وهي مستغربه بسبب عدم وجود احد معاهم في البيت شافت طارق واطمئنت طلعت له وسكرت الباب وقالت : يووه ي خالي خوفتني كان دقيت
لف طارق لجهتها وقال : وانا باقي رقم عندي لكم ما دقيت عليه
امجاد : قلت لهم يقصرون على الصوت بس لاحياه لمن تنادي
طارق : المهم الطلب حقكم جبته وقصرو على الصوت لايجيكم جني
امجاد : أعوذ بالله اطلع بس اطلع
طارق : وين فديتك قايل انا كل هالكلام مصالح
امجاد وهي تمسح على كتفه : معليه معليه هاذا الي عنده بنات خوات
طلع طارق وهو يقول : لي الله
طلع واخذ مفاتيحه من الأرض وقفل سيارته وتوجه لبيت ابوه إلى ملاصق لبيت اخته فاطمه جلس على عتبة الباب وطلع بكت الدخان من جيبه وباله مو معه كل تفكيره مع دانيا مع الي سرقت قلبه ومشهد رقصها ينعاد في ذهنه كأنها قدامه هاذي مو اول مره يشوفها ومن اول مره شافها عرف انها صديقة امجاد بسبب خالد الي كان يترجاها ماترجعه لأمه ماينكر انها حتى في المره الأولى جميله وتطير العقل لكن هالمره غيرر كانت عفويه في حركاتها وغمازاتها باينه تعلن عن سعادتها
.
عند البنات دخلت امجاد وهي تطفي السماعه
وعد وهي مندمجه وتردد مع كلمات الاغنيه : ي حيوانه ليه
امجاد : خالي كسر الجوالات يدق واحنا ماانتبهنا
جوري : يعني طارق الي كان عند الباب
امجاد : اي
شادن : اكيد الاكل صار بارد بروح اسخنه وبجيكم
امجاد وهي ترمي الريموت على دانيا : شغلي لنا فلم حلو على ذوقك وانا بجيب السفره مع جوري
دانيا : تمام تحتاجون مساعده
وعد : لا مايحتاجون انا وانتِ أميرات بس بنختار الفلم
دانيا وهي تغمز : خليه علي
وعد : نشوف ذوقك
تجمعو البنات وقالت دانيا : وعد طفي النور
جوري : لايكون رعب
دانيا : اي تغير
جوري : اذا هاذا التغير انا ماابيه
امجاد : دام رعب صبر نخلص الاكل ونسوي فشار
خلصو الاكل وجلسو على الكنب وبدء الفلم وجوري كانت حاضنه وعد وامجاد ودانيا جنب بعض وبينهم شادن والانوار طافيه وتذكرت امجاد كلام طارق
" لايجيكم جني " وتمسكت في شادن أكثر وفي وسط اندماجهم رن جوال دانيا وانفجعو البنات وصرخو بصوت واحد وتطاير الفشار بينهم
امجاد : يمهه اكيد جني
دانيا : وش جنيه امي الي تتصل ثواني اكلمها واجيكم
خرجت دانيا من المجلس ورفعت جوالها وقالت : هلا امريني بغيتي شي
هيله : مايامر عليك ظالم بس تأخر الوقت ارجعي قبل تظلم الدنيا
دانيا : والله نسيت نفسي البنات باقي عندك ولا كل وحده صعدت شفتها
هيله : كلهم صعدو عشان عيالهم المهم لا تتأخرين اكثر
دانيا : يلا جايه
هيله : انتبهي للطريق
دانيا: تمام باي سكرت ودخلت وهي تشغل الانوار ورفعت صبعها السبابه بتهديد : يويلكم تكملون الفلم بدوني
جوري : يووه عاد تحمست
دانيا : مالي دخل انا احين بمشي
وعد : وين تونا
دانيا : قريب تصير الساعه 2 وين تونا
شادن : عاد لازم نشوفك ثانيه بس مو عشانك عشان الفلم
دانيا وهي تضحك : خلاص نشوف يوم ثاني يلا باي
طلعت وركبت سيارتها حاولت تشغلها كذا مره ولا اشتغلت نزلت وهي منزعجه وقالت : ي ربي مو وقتك
.
عند طارق الي قطع حبل أفكارها خروج دانيا وبدء يراقبها والزقاره في يده شافها طلعت من السياره
طفى الزقاره وتوجه لها
وقال : تحتاجين مساعده اختي ؟
دانيا وهي مو متذكره طارق : سيارتي مو راضيه تشتغل
طارق : تمام بشوفها لك
طلع طارق وهو مبتسم بعد ماشغل السياره
دانيا : شكراا
طارق وهو يدخل يدينه بجيوبه : ولو
ابتسمت دانيا وركبت السياره كانت بتمشي بس جا سؤال في بالها ونزلت القزازه وقالت : احس اني شايفك من قبل بس مدري وين
ابتسم طارق وقال : تصير يمكن لامحتني في مكان
قالت دانيا وهي ترفع القزازه : يمكن وشكرا مره ثانيه
أشر لها طارق ومشت وشغلت اغنيه ليوسف المطرف وصارت تدندن مع الاغنيه بهدوء وصلت البيت نزلت وقفلت سيارتها فتحت الباب وكان شبه ظلام و هدوء والاغلب نايم صعدت غرفتها وهي تنزل عبايتها والإكسسوارات دخلت دورة المياه "يكرم القارئ " اخذت لها شور سريع وطلعت وتمددت على السرير وهي تفكر وين شافت الولد الي ساعدها ومع الأفكار والمواقف الي تجي في بالها تذكرت سالفة خالد قالت في نفسها اكيد هو وبدت تربط الأحداث وشهقت وهي تقول : طارق !
.
عند طارق الي كانت الأرض مو شايلته حتى لو ماتكلم معاها كثير يكفيه شوفت عيونها يكفيه انو يتحاور معاها ولو حِيوار بسيط دخل عند العيال وهو يفكر ويهوجس فيها لف سعود للباب
وقال : وين رحت طولت .. لف لهاشم وهو يأشر على طارق : شفيه ذا مايرد
هاشم وهو مركز في الشاشه : يهوجس ماعليك منه كمل كمل
.
عند البنات
جوري : شرايكم تنامون عندي بعد الفلم خايفه انام لوحدي
روان : انتِ بذات مستحيل انام عندك هاذي آخر مره
امجاد : ليه شسوت لك وش صار امس بدوني
بدو شادن وروان يسردون لها الي صار وقالت
جوري : خلاص اخر مرا
روان : مستحيل أشرت على وعد وقالت : وهاذي ولا كأنها في الدنيا ولا حست
وعد : الصدق اني تو ادري بالي صار
روان وهي تلف لأمجاد : قلت لك
ضحكت امجاد وقالت : خلاص نامو معي احين امي ونوف بيجون
وعد : يلا اجل قومو نغسل المواعين ونضبط الوضع قبلو يجون
جوري : بليزز بنات لاتحطوني جنب نوف لو عرفت اني شايفه فلم رعب بتسوي لي حركاتها الخايسه
روان وهي تبتسمت بمكر : مافي مكان لك الا جنبها
جوري : ي ليل خلاص بنام مع حنان
.
عند العيال بعد ماخلصو القيم رما هاشم اليد على طارق وقال : خلاص كفايه هواجيس اصحى
طارق : الواحد مايفكر معاكم
غمز هاشم وقال : ومين تفكر
طارق بأستهزاء : افكر فيك ي حبيبي
هاشم وهو يرفرف برموشه : ماكنت ادري انك تحبني لهالدرجة بس ماالومك مين يعرفني ومايحبني
سعود : انا
طارق وهو يضحك : خف علينا لايطيح السقف
هاشم وهو يشمق : وانا صادق
لف سعود على هاشم : وترا انا مانسيت العشا
هاشم : تم ماابي اضيع الأجر
طارق : ماادري شالسالفه بس اكسب فيني أجر انا بعد
هاشم : يلا بطلب وانتو جهزو الورق
طارق : تم
وزع طارق الورق وصارو ينتظرون الطلب يوصل وماهي الا دقايق ووصل الطلب وبدو ياكلون ويلعبون وكان لعبهم كله غش في غش
.
ادعموني ب نجمه وكومنت
