كُونِي بقربِي ان الفُؤاد بقربكِي يستمتِعُ

B : 5

B : 5
- هلْ يشعَر مَن حّولك بنعمةُ الصبَاح بِكَ ؟

.
.

صباح يوم جديد بغرفة جوري صحت وهي متكسره من نومت الأرض لفت على البنات وقالت : ايوا انتو نامو وانا اتكسر دخلت دورة المياه " يكرم القارئ " اخذت شور سريع نزلت وهي تدندن شافت طارق جالس جلست جنبه : صباح الخير
طارق : صباح النور
جوري وهي تطل على المطبخ لفت لطارق وهي مبتسمه وقالت : تعرف وش في بالي
طارق وهو مبتسم : قدام
دخلو المطبخ وشافو حريم ابوهم يجهزون الغداء قالت جوري وهي تغمز لطارق : ي صباح الفُل
طارق وهو يتسحب : صباحهم بالخير
حنان : صباح النور محد جالس غيركم ؟
جوري : اي البنات في سابع نومه
تقدم طارق وهو ماسك القدر وجوري جنبه ماسكه صحن ومعلقه جوري وهي تخبي المواعين ورا ظهره : يلا اجل نخليكم ونروح نصحيهم
دلال : الله يحفظكم
طلعو من المطبخ وتقدمو للمجلس فتح طارق الباب وقال : جاهزه
جوري : جاهزه
جوري وطارق بدو يغنون بصوت واحد
تقلب هاشم بأنزعاج وقال : وجع اطلعو برااا
جوري وطارق طنشو وكملو
قام هاشم وهو منزعج منهم وصار يركض
قال طارق : جوري اركضي اركضي
صارو كلهم يركضون وجا سعود وهو مايدري شسالفه ماسك جواله ويمشي وفجأه جات جوري وطاحت وهو طاح وقفو طارق وهاشم وصارو يضحكون
جوري : خيرر مااتفقنا وانت ناظر قدام
سعود : وانا وش دريني انتِ الي جيتي مسرعه
جوري : خلاص وقفو ضحك مايضحك ترا
هاشم : ي شيخه والي سويتوه فيني يضحك يعني
جوري : نمزح لاتصير بزر
هاشم وهو مستمر في الضحك : شكلك كان حفله
جوري : خلااص قلت لك مايضحك وجع !
طارق وهو يضحك : قومي نلملم مواعين امي ورانا شوط ثاني
فزت جوري : اي اي صح نسيت يلا يلا تعال
هاشم : وين على الله
جوري وهي تشمق : مالك دخل اسرار اخون ولاحد يدخل البنات فيه
لف هاشم لسعود : قايل لكم من زمان انها بزر محد يصدقني
سعود : بس شكلها كان تحفه
هاشم وهو يرجع يضحك : يعني طالع منها

.

في غرفة جوري دخلو مع بعض فتحو الستاير وطفو المكيف ووقفوا على السرير وصارو ينقزون وطارق يغني وجوري ترد والبنات نايمات على الأرض :
لا إله إلا الله .. لا إله إلا الله
طارق : اسمع اليباب ي جوريي :
جوري وهي تطبل : كللللووولش
ولا إله إلا الله .. لا إله إلا الله
وألف الصلاة على الرسول .. لا إله إلا الله
ويا مصلي الخمسين .. لا إله إلا الله
عمى بعينك يا حسود .. لا إله إلا الله
صلو على المصطفى العدنان والهاشمي جده اشرافي جوري وهي تضخم صوتها : يباب ي طارق يباب
طارق : كللللووولش
اخذت شادن البطانيه وغطت وجهه وهي منزعجه منهم
اخذت روان علبة السبريه ولاحتها على جوري تألمت جوري وكملت : فرجونا على حنات يديها وطارق يردد وراها
قامت روان وهي تتخصر وتقول : اذلفو ولا بتهاوش معاكم
جوري وطارق كملو وكأنهم مايسمعون شي تنرفزت روان وصارت تركض وراهم نطقت جوري : طاااارق انسحاب انسحااااب اركض بسرعههه
طارق : انتِ بطيئه اركضيي
روان : والله مااخليكم ي البزران تعااالو
كانت العاب حنان منثوره في الصاله وطاحو فيها وصارو يضحكون وروان تفشلت لما شافت ابوها وجدها جالسين وهي كشتها منفوشه وطايره
قالت جوري وهي ميته ضحك : اهداء مني لروان
لا لا خلو هبايب نجد تنثر شعرها وكملت ضحك هي وطارق
روان وهي تتجاهلهم وتقدمت تسلم على ابوها وجدها وقالت : صبحهم بالخير
عبد العزيز " الجد " : صبحك الله بنور ي بنتي
جلست جنب ابوها وهي مبوزه
عبد المحسن وهو يمسح على شعر روان : منو مزعل حبيبة ابوها
روان وهي تأشر على جوري وطارق : اخوانك
جوري : وش دخلنا
طارق : بس كنا نصحيها هي زعوله
عبد المحسن : اعقلو عن بنتي ولا بيصير شي ماهو طيب
طلعت لسانها روان طارق : طلعتي ابزر من جوري
لفت جوري وقالت : نعم !!
طارق : نمزح نمزح
عبد العزيز : صحيتو هاشم ؟
ضحك طارق وهو يتذكر شكل جوري وسعود لما تصادمو
جوري : اي اي صحيناه
لف عبد العزيز وهو ناقد على طارق