B : 19
- أسف لأني احبك بطريقه لاتتضح لك .
.
.
- نهاية الفلاش باك ، تكملة البارت الأول -
فتحت الباب ودخلت وهي بكامل اناقتها رفع عيونه عليها وانصدم فيصل انها نفسها هي البنت الي في البر جلست دانيا بعيد عنه بكنبتين وهي تحط رجل على رجل : لو تحسب اني مغفله وماأدري عن شي تراك غلطان ي فيصل ي زوجي !
وقف فيصل وقال : كيف ! مستحيل ايلاف قالت لي مو انتِ
بعدت شعرها وقالت : اي عادي وين المشكله انا طلبت منها ماتعلمك سبرايز كيف عجبك ولا لا
فيصل : طيب كيف بنعيش انا كنت بمنع نفسي عشانك وطلعتي انتِ زوجتي كيف الطريقه احين
وقفت وقالت بغرور : راجع المحادثه وبتعرف كيف بنعيش
مسكها من معصمها : مستحيل انتِ زوجتي وانا ابيك وبعدين مين الحمار الي كنتي تحبينه وتركك
حاولت تبعد معصمها من قبضته لاكن ماقدرت الحل الوحيد الي كان عندها انها تتظاهر بالقوه : يعني لو مو انا كان عادي على ورق وبعدين مااسمح لك تقول عن طارق حمار ! انت ماتعرف وش صار بينا
ابتسم بسخريه وسحبها مع معصمها وقربها لوجهه وصار يتأملها وقال : طارق اجل وليه مو حمار احد عاقل يتركك وبعدين نفس ماانتِ عارفه بيصير بيني وبينك شي أكبر من الي صار بينك وبينه
بعدت يده وقالت : تخسي تقرب مني خرجت من الغرفه وتركت وراها فيصل الي بدء يفكر كيف بيحل الموضوع
لبسو عباياتهم وتوجهو للقاعه وصلو بعد دقايق وبدت هدى ترحب فيهم : نورتونا ما شاء الله تبارك الرحمن اقري اذكارك وتحصني وانا امك
ابتسمت دانيا وقالت : ان شاء الله راحت جهة انوار وقالت : ماتصدقون الي صار
نجلاء : وانتِ دايم مصايب وغير كذا ليه متأخرين سوالف ايلاف تجيب لي المرض كلها شريكات وسياسه
انوار : لا والله سولفها حلوه بس انتِ ماتعرفين
مسكت يدهم وصارو يمشون لغرفة اهل العروس : مو مهم سوالفها حلوه أو تجيب المرض تخيلو طارق كلمني اليوم قبل نعقد انا وفيصل
ضربت نجلاء صدرها وقالت : حلفييي وش يبي ذا
انوار : دانيا اهم شي انتِ لاتهتمين اسحبي عليه وعيشي حياتك ولو هو لك بيجي
نجلاء : وش شعورك له احين
تنهدت دانيا وقالت : يعني اكيد مستحيل انسى الي بينا للحين احبه والصدق اني مشتاقه بالحيلل لصوته بس لازم عشان يحس شوي ويتصرف
دخلو البنات وقالت خوله : مين الي يتصرف
دانيا : طارق
ليلى وهي تمسح على بطنها : ولا خلصنا منه هاذا
نور : تحبه كيف بتنساه بسرعه يبي لها وقت
دانيا : احس اني تعودت على فراقه وفي نفس الوقت ابيه
انوار : الله يساعدك المهم عزمتي أهله؟
دانيا : اي الصراحه مقدر بدونهم احبهم
نجلاء : اجل بيصير عندنا فعاليه
غمزت دانيا وقالت : اضبطكم
دخلت هيله وقالت : دانيا يمه اذا خلصنا اليوم بتطلعين مع فيصل وهو الي بيجيبك البيت طيب
هزت راسها بمعنى تمام وقالت : مايهم جيت معه ولا معكم بعد الي صار
هيله : تعوذي من الشيطان وارضي بالي كتبه لك ربي
تنهدت وقالت : الحمد لله
.
.
في بيت عبد العزيز متجمعين كل البنات في المطبخ
وعد : يعني لازم كيكه بنتأخر كذا
جوري : انتِ ماعليك دانيا تحبها لازم اجيب لها تهدي اعصابها صُنعت بحببب
شادن : ي عيني على الصديقه الي تخاف على صديقتها
لفت جوري وصارت ترفرف رموشها ببطئ : عفوا انا مو صديقتها انا اخت زوجها
دخلت ريما المطبخ وقالت : ي الله البنت ملكت وانتو للحين متأملين شكلها تخطت وانتو باقي
رفعت جوري المُحرك اليدوي وقربت من ريما
وقالت : وانتِ ورا ماتسكتين تراك ملقوفه
ريما : منجد عاد تخطو البنت تزوجت واخوك متزوج
شادن : مالك دخل الي تزوجت تقدر تطلق والي متزوج يقدر يتزوج على زوجته وش المشكله يعني
ريما : مستحيل طارق حبيبي يتزوج علي
لفو البنات على بعض وضحكو بصوت عالي ضربت جوري يدها بيد امجاد وقالت امجاد
امجاد وهي للحين تضحك : حبيبك ! ومايتزوج عليك !
ريما : ايوا يبيني ويحبني وهاذي الي اسمها دانيا نزوه
روان : يبيك ويحبك وانتو صار لكم شهر متزوجين وانتِ للحين بنت انتِ حتى نزوه ماصرتي
جوري : تخيلو عاد ارمي نفسي على واحد مايبيني مافي احساس مافي كرامه شدعوه
كتفت يدينها ريما وقالت : وليه انتِ في واحد يناظر وجهك
قربت جوري وشدت شعر ريما : احترمي نفسك يتمنون نظره مني بس وبعدين محد يناظرني احسن من اني ارمي نفسي على رجال
ريما بألم : بعدي يدكك شعريي بعديي بزر
شدت جوري اكثر وقالت : اتأكد شعرك ولا اكستنشن
ريما : بعدي عنيي بزرر
تركت جوري شعر ريما وقالت : عشان تعرفين مين البزر
شدت ريما شعر جوري لأجل الأنتقام وقالت : البزر اذا ماتعلم يضربونه
لفت جوري وشدت شعر ريما : تخسين تضربينيي والله لأربيك الظاهر خالتي تعاجزت تربيك
بدو يتهاوشون والبنات يحاولون يفرقون بينهم
دخل عبد العزيز وهو يضرب بعكازه الأرض وقال بصوت عالي : بس ! بزران انتو وش هالحركات
بعدت ريما وهي تعدل شعرها : مو انا ي عمي هي الي بدت
ناظرها وقال : وبعدين انتِ ليه جايه بدون حجاب ماتدرين ان البيت فيه عبد المحسن انا جبتك فوق مو تحت
نزلت راسها بالأرض وقالت : سامحني ي عمي بس طارق مقفل الشقه ومو راضي احد يدخلها
عقد حجاجه وقال : وليه وينه هو
ريما : في الشقه
قالت جوري : في شقته هو ودانيا
عبد العزيز بصوت عالي : جوريي
نزلت راسها جوري وقالت : سم جعلني فدا
عبد العزيز : اعتذري لريما ضحكة ريما بمكر وقالت جوري وهي تأشر على ريما من فوق لتحت بأصبعها السباب : انا اعتذر لهاذي
عبد العزيز : اي وين المشكله
تكت بيدها على الباب وقالت : وليه مو هي الي تعتذر
شادن وهي منزله راسها : جدي ريما هي الي غلطة
روان وهي منزله راسها : صح هي الي دخلت وصارت تصارخ
شهقت ريما وقالت : انا ! كذابين صارت تتصنع البكاء وقالت : ترضها ي عمي ترضها يتبلون علي قدامك
عبد العزيز : ريما روحي لخالتك دلال افضل وخليهم
ريما وهي تحط الحجاب على راسها : تأمرني
طلعت وطلع وراها عبد العزيز بدت جوري تتحلطم من الي صار : الصراحه زين يسوي فيها طارق
وعد : ي عمري عليه من عرف ان دانيا انخطبت رسمي وهو مو على بعضه وحتى محلاته قفلها وتارك شغله
نجوى : بنات احسهم منجد يكسرون خاطري ودي ابكي بدالهم
امجاد : على كل هالبكي وبتبكون معهم
شهقت جوري وقالت : احترقت الكيكههه الله ياخذك ي ريما
شادن : يوووه الكيكه الي صُنعت بحبب
جوري : افف بروح اتجهز احسن تعالو نصعد
امجاد وهي تناظر الساعه : اي صدقق مابقي وقت بسرعه
وعد وهي تناظر الجوال : هشومي دق علي بروح ارد عليه وبجيكم تنحنحت وقالت : هلا حبيبي هشومي كيفك
شادن بصوت خفيف : هاذا وهي كانت تقول مستحيللل اتزوج هاشم لو اخر واحد هاشم ماتزوجته
جوري : ليه في احد يصدق وعد تعالو نصعد بس
صعدو غرفة جوري وبدو يصفون الميك اب والمكرات بشكل منظم دق جوال جوري ردت وهي تثبت الجوال
وقالت : اهلين دندونه وش هالزين هاذا وانتِ مغصوبه كيف لو تبينه
دانيا وهي تصور بالمرايا : كيف بس ماقدرت ماادق فيديو واوريكم وين البنات عنك
امجاد وهي تلف الجوال : موجودين خافي الله على قلوبنا
ابتسمت دانيا وبانت غمازاتها وقالت جوري وهي ماسكه الفير : واااويليي احلا غمازات شفتها بحياتي
دانيا : والله نفس حركات طارق دانيا قالت بتردد : الا شخبار طارق
روان : قافل على نفسه مو راضي يفتح الشقه
شادن : وكل يوم هواش مع ابوي على موضوعه مع ريما
نجوى : وهاذا غير ريما الي جن جنونها لما جابها ابوي وطارق رافض يدخلها الشقه
تنهدت دانيا وقالت : ي عمري هو الصراحه مراا مشتاقه لصوته
نجوى : طيب وش بتسون احين ولا خلاص بتوقفون وكذا تنتهي قصة حبكم
دانيا وهي تلعب بشعرها : يعني انا وش اقدر اسوي
جوري : احس طارق يمكن يسوي شي مستحيل يوقف كذا
دانيا : المهم ي بنات خلصو بسرعه وتعالو
.
.
نجمه وكوكنت توقعاتكم
