B : 17
- كافيًا كأنه كُل شيء .
.
.
كانت جالسه وتفكر كيف تفاتحه بالموضوع قطع حبل أفكارها وصول محمد لفت وقالت
هيله : محمد
محمد : هم
هيله بتردد : في وحده خطبت دانيا وولدها فاتح له شركه في الأمارات وقريب بيفتح فرع في السعوديه
وما شاء الله يملك اراضي ومحلات في السعود.. قاطعها محمد وقال : قولي لها البنت موافقه واذا يبون يشوفونها بكره يجون
هيله : بس انت ماخذت راي دانيا
محمد : وليه هي لها راي بعد الي سوته
سكت هيله بقلة حيله وقف محمد وقال بصوت جهوري مسموع : تعالو ي بناتي وعيالي حولي عندي لكم خبر تجمعو حوله وهم متنقبات بسبب وجود العيال
ابتسم ياسر : وش هاليوم الحلو حتى انا بغيت اقول لكم ان ليلى حامل اختلفت الردود الا انو كلهم يباركون لياسر وليلى محمد : حبيت اقول لكم بمناسبة الجمعه الحلوه الي احنا فيها ان دانيا انخطبت وانا وامها موافقين وبكره بيجون يشوفونها وبكلم الرجال مايطول الموضوع
صُوعقت دانيا من الكلام الي سمعته ماتوقعت بهالسرعه ابوها بيجيب لها زوج وماتوقعت ردة فعله السريعه
قالت بأنفعال : يعني بترميني عليه
تكلم محمد وهو صاد عنها : خليتك معززه مكرمه عندي بس سواتك الشينه هي الي حدتني
ياسر : شلون بتزوجها رجال مانعرفه ولا سألنا عنه
محمد : يكفي انه رجال
وقفت دانيا وقال محمد : وين جلسي ماخلصت كلامي
مسكت مفاتيح سيارتها وقالت : معليش الي سمعته يكفيني وزود ابتسمت بسخريه وكملت كلامها واحين انا عروسه لازم اتجهز لعريس الغفله وأهله الي بيجون بكره ولازم ابتعد عن كل شي سلبي في حياتي ابي بشرتي تكون قلوي ركبت السياره متجاهلتهم بشكل تام
وقف محمد وقال بصرامه : جمعو الأغراض راجعين ورا هالمهبوله هيله دقي على امه وقولي لها موافقين بس بشرط بدون شوفه شرعيه لاتفضحنا بنتك
.
.
واقفه تتمشى وهي ماسكه الجوال وتناظره وصبرها بدء ينفذ رن الجوال وردت بسرعه وقالت : ايوا بشريني
هيله بحزن : ابوها وافق ويقول اذا ودكم تجون تشوفونها حياكم بكره بعد صلاة العشاء والبنت موافقه بشرط مافي شوفه شرعيه
هدى بفرح : اي ان شاء الله نجي عشان يشوفونها خواته والله يكتب الي فيه الخير واذا هي بس على هالشرط سهالات
هيله : الله يكتب الي فيه الخير في امان الله
سكرت الخط على وصول فيصل صارت تناظر بناتها الي اول ماسمعو صوت الباب فزو وكأنهم اطفال يحترون جيت ابوهم تقدمت رغد وحضنته وجات نور وحضنته من ظهره وبدو يسولفون بلهفه وشوق مع اخوهم ومع السوالف جا طاري الزواج
وقالت رغد : ماتدري امي تقول خطبت لك
لف فيصل بصدمه : كيف !
صدت هدى وقالت : كيف يعني شفت البنت كلمت امها واليوم ردت وقالت حياكم بكره بعد صلاة العشاء تشوفون البنت والبنت موافقه وشرطها مافي نظره شرعيه يعني بتملك وبتشوفها
فيصل : بس انا ماابيها
نور : فيصل عادي مع الوقت تحبها
فيصل بصوت عالي : بس انا ابي غيرها يعني لما لقيت الي ابي تخطبون لي بدون ماتشاوروني
هدى : وش خذت من المشوره كم مره اقول لك ماترد وتضيع الموضوع هالمره انا لقيت لك بنت الحلال وبعدين مين هاذي الي مزعجنا فيها
وقف فيصل متوجه لمكتبه : دام خطبتي البنت مو مهم مين الي ابيها
انصدمت من البرود الي نزل عليه فجأه قالت رغد بأستغراب : وليه صرت بارد فجأه تو كنت تصارخ
فيصل : خلاص دام يرضيكم الموضوع ايلاف تعالي ابيك مكتبي عشان نقفل على موضوع الفرع الي في السعوديه وقفت ايلاف بأستغراب وراحت ورا فيصل وصلو المكتب دخلو وقفل الباب بأحكام مسك يدين ايلاف وقال : ايلاف طلبتك
عقدت حواجبها بأستغراب وقالت : حشى اني اردك
فيصل : ابي رقم البنت الي خطبتها لي امي
شهقت ايلاف وقالت : كيف اجيبه
سحبها للكنب وقال : بكره وانتو رايحين تشوفونها خذي رقمها كأنك انتِ الي تبينه وبس يصير عندك ارسليه لي
ايلاف : طيب ليه تبيه
ترك يدينها وقال : مو مهم ليه ابيه المهم انه يوصل لي بدون علم امي او وحده من البنات
كتفنت يدينها ببعض وقالت : تمام بس وحده بوحده
عقد حجاجه وقال : لك الي تبين
قربت منه وقالت بفضول : مين الي تبيها
ابتسم فيصل : لو اقول لك انها البنت الي شفناها اليوم واهلها ساعدونا تصدقيني
فتحت عيونها بصدمه وقالت : مستحيل كيف بهالسرعه
تنهد فيصل وقال : هي حلوه مستحيل الواحد ينسى جمالها ولو للحظه
رجعت ايلاف ظهرها لورا وقالت : الصدق ماألومك صاروخخ
فيصل : مو اي شي يجيب راس فيصل
وقفت ايلاف وقالت : ي عينيي يلا اجل اخليك دام الموضوع مافيه شريكه ولا شي
.
.
في السوق يمشون جنب بعض بفرح وحماس وشغف
جوري : وعد شوفي امانه ذا الفستان يهبل
وعد : لا لا ماابي توب حق عقد القران كان توب
جوري : اجل بتاخذين اكمام
شادن : اي احس بيكون مره حلو وكلاسيكي
امجاد : ويكون الذيل حق الفستان طويل
نجوى : ويكون فتحه من عند الظهر وخيوط
روان : وعد انتِ وش الموديل الي تبينه عشان نعرف
وعد : افف ماادري وش ابي احس ابي طرحه طويله وابي قصيره وابي فستان اكمام وابي بدون وابي الذيل يكون قصير وفي نفس الوقت ابيه طويل انا قلت لكم تجون معي عشان تساعدوني
جوري : وعد ي قلبي نساعدك مانختار بدالك ركزي
تكتفت وعد وقالت : عادي انا وانتو واحد اختارو بدالي
مسكت امجاد كتف وعد وقالت : دامك وصلتي لهالمرحله لازم نأجل موضوع الفستان ونشوف أغراض الدبش عشان نكون انجزنا شي اليوم
وعد : عادي مايفرق معي لو انزف بخيشه
غمزت نجوى وقالت : حتى بخيشه حلوه ماعليك
صارو يتمشون ودخلو محل ملابس وصارو ينسقون ويختارون اكسسوارات وشنط تناسب
وقفت جوري وقالت : وعدد تعالي شوفي هااذا بيعجبك
جاو البنات وشافو جوري ماسكه روب نوم قصير مراا
شهقت وعد وقالت : مستحيللل البسه
تكتفت جوري وقالت : وش المشكله بالله هاذا ريما تلبس كذا عند طارق عادي هو زوجك ترا
امجاد : وكيف شفتيها
جوري : كنت رايحه لطارق اعطيه شغله من شقته هو ودانيا وشفتها ولا بعد جايه تسلم علي غصب تبين انها فرحانه مع طارق والأمور عندها زينه
روان : وعع الصراحه ريما تغيرت مراا من بعد ماتزوجت عمي طارق صارت مو طبيعيه شوي وتعبده استغفر الله
شادن : هاذا وهو زواج على ورق كيف لو صدق
وعد : يمكن صار شي بينهم ترا ريما مملوحه واحين هي كل شوي تترزز عنده يمكن صار بينهم شي
امجاد : صحيح انها مملوحه بس دانيا أجمل بمراحل
نجوى : الا صدق من فتره ماسمعت صوت دانيا اخر مره في العرس
جوري : ايي نسيت اقول لكم جا طارق وكلمها من جوالي وحتى طارق ماترد عليه ولا تفتح رسايله وحسب فهمي ان ابو دانيا بيزوجها وطارق من عرف وهو مقفل على نفسه شقته الي عندنا وجواله مقفل
روان : يويلي كل هاذا صار ! ليه مااعرف كأني مو معاكم في البيت
جوري : اليوم محاضرتي متأخره وانتِ دوامك الساعه سبع بس طلعتي جا
وعد : تتوقعون كذا بتنتهي قصة حبهم
شادن : احس يارب لا ابيهم يتزوجون
روان : منجد احس كيف تنتهي كذا بس
امجاد : مو كل مره النهايه تكون سعيده
نجوى : وبرضو مو شرط تكون حزينه
.
نجمه وكومنت ودامنا قربنا نختم الروايه اكتبو توقعاتكم لنهاية دانيا وطارق
