كُونِي بقربِي ان الفُؤاد بقربكِي يستمتِعُ

B : 9

B : 9
- كُنتَ عَابراً ، ماالذْي ابقَاك فِيني ؟

.
.

في بيت عبد العزيز جالس في بداية الطاوله وعلى يمينه عبد المحسن وعلى يساره حنان ومن ثم زوجاته الباقي وفي الجهه الأخرى على يمين عبد المحسن روان وجنبها جوري الي كانت لابسه مريولها قالت : الفطور مو حلو بدون طارق ! متى بيجي طول
روان : حرفياا الوضع هدوء مرههه
عبد المحسن : هاذا وهو لسه ماتزوج تفقدونه كذا كيف لو تزوج وصار عنده مسؤوليات
دلال : هو راضي يتزوج مجنني الله يهديه
عبد المحسن : لاتغصبونه كذا ولا كذا بيعرس
حنان : خوفتني يصير نفسك
عبد المحسن بأستغراب : ليه يمه شفيني
حنان : مايتزوج الا اذا طق الأربعين وهو الي يختار لنفسه بعد
اماني : وانت عارف انو احنا حاجزين له ريما من وهم صغار
عبد العزيز : خلو الولد في حاله ومارده لبنت خالته
تنهدت دلال وقالت : احس قلبي قارصني مو مطمنه منه
اماني : وش بيسوي يعني تعوذي من الشيطان هو عمره ماقال انه مايبي ريما
جوري وهي تناظر الاكل : بس بعد عمره ماقال انو يبيها
الكل صار يناظر جوري وروان قرصت فخذ جوري ونطقت دلال : وش هالخرابيط جويري تعرفين شي عن اخوك ولا قلتي لي
حنان : مره قال لك انو يبي بنت مُعجب في بنت
جوري : لا لا بس انا اقول الصدق مامره قال انه يبيها
عبد العزيز بتفكير : خلاص قفلو الموضوع ويلا قومو وراكم دوامات
رفعت جوري رجل على رجل وقالت : طارق مو موجود يوصلني ماراح اداوم
عقد حجاجه عبد العزيز وقال : روان توصلك بلا عياره
تأففت جوري وقامت تلبس عباتها ونقابها ووقفت روان وقالت : بالعافيه
الكل : الله يعافيك
بدو يشيلون السفره والتفكير شاغل بال دلال دخلت المطبخ ونزلت الصحون وقالت : تتوقعون صدق طارق مايبي ريما
اماني : لاتصدقين خرابيط جوري ماعليك منها
حنان : جوري وطارق قراب من بعض يمكن قال لها شي لايفشلنا في ابتهاج عمر واحنا نقول لها بنتك لولدنا
لفت اماني على دلال : هدو واذا جا سأليه ليه مايبي يتزوج وبعدين سأليه اذا يبي ريما ولا حاط عينه على غيرها

.

في سيارة روان دقت على امجاد تطلع طلعت امجاد من البيت ودخلت السياره حست انو الجو بين روان وجوري متكهرب وهدوء قالت : شسالفه شصاير
روان بتفكير : تتوقعين عمي طارق يبي ريما
عقدت حواجبها امجاد : اكيد اي
روان : اليوم على الفطور فتحو الموضوع وجوري قالت هو مامره قال انه يبيها
لفت امجاد على جوري وقالت : جوري قولي الصدق تعرفين شي ؟
جوري : مرو شادن ووعد ونجوى واقول لكم كلكم مع بعض
روان : يعني في شي هزت راسها جوري بمعنى "اي"
حركت روان السياره وركبو البنات السياره قالت
روان : قولي خلصي
شادن بأستغراب : شسالفه
امجاد بأستعجال : اليوم امي دلال فتحت موضوع ريما وطارق وجوري قالت انه خالي طارق مامره قال يبيها ولما قلنا لها تعرفين شي قالت اي بس مرو على البنات واقول لكم مره وحده اخذت نفس وكملت : واحين يلا قولي وش تعرفين
جوري : يوم الأحد في الليل رجع من البحر وكان يكلم هاشم وحاط سبيكر وتخيلو ي بنات سمعته يقول انه يحبها ويبيها ومستحيل يتزوج ريما قال له هاشم طيب هي تحبك تبيك ولا بس بتخرب حياتك وعلاقتك مع خالتك قال طارق مو مهم تبيني أو لا تحبني اذا تزوجنا مو مشكله وبس
شهقت روان ووقفت السياره على جنب وقالت : كل هاذا وبس
نجوى بتفكير : تتوقعون مين الي يبيها
وعد : يمكن وحده معه في الشغل
امجاد : كيف نعرفها
جوري : شرايكم نصارحه ونشوف وش يقول
روان : لا لا تخربين خل نطبخ الطبخه على نار هاديه
وعد : وش فيك انتِ جايعه
ضحكو البنات وقالت جوري : المهم وصلوني بسرعه عندي اختبار الحصه الاولى
حركت روان ووصلت جوري ونزلو الجامعه