B : 3
- وأي جمَال بعدِ عَيْنَاكَ يُذكر ؟
.
.
دخلو القاعه سلمو وجلسو مع أهلهم وكانو متقسمين على طاولتين وامجاد كانت تسولف مع روان ولمحت دانيا : روان شوفيهاا
روان : اشوف منو
امجاد : انا بأشر وانتِ لفي بدون ماتلفين
جوري : شسالفه
امجاد : انا بأشر وانتو شوفو بسرعه قبل تحس
البنات : طيب طيب اخلصي
أشرت على دانيا وقالت : هاذا هي دانيا
جوري : اووف تهبلل
روان : كل ماكبرت احلوت
امجاد : شافتكم شافتكم خلاص لاتناظرون
جوري : كله منك روان فشلتينا
روان : شدخلنيي !
امجاد : اف خلاص خلاص شافتكم وخلصنا انا بروح لها فشيله اشوفها وماأسلم تجون معي
جوري : انا مااعرفها بجلس مكاني وبسولف مع شادن ونجوى وباقي البنات
روان : لاتناظريني اخر مره شفتها في متوسط مابجي
امجاد : تمام تمام
.
في طاولة اهل دانيا
خوله : منو هذول مو صاحين انوار عليك الله شوفي
انوار : احس اعرفهم
نجلاء : هاذي الي تمشي مع دانيا دندون شوفي
لفت دانيا وقالت : ايي اعرفها يمه شوفي هاذي الي قلت لك عنها وبروح بيتها الخميس الجاي
هيله : ما شاء الله كل وحده تقول الزود عندي
نور : عمتي مركزه على أهدافها
ضحكو وقالت ليلى : البنت جايه جهتنا
خوله : سوو نفسكم مو مهتمين
امجاد : السلام عليكم
دانيا: وعليكم السلام تصافحو وصارو يسألون عن أحوال بعض وقالت دانيا : اعرفك هاذي امي هيله
وهاذي خالتي زهره ام انوار ونجلاء واشرت عليهم
وهذول الحلوين زوجات اخواني أشرت على ليلى هاذي زوجة ياسر أشرت على نور هاذي زوجة حمد أشرت على خوله وهاذي زوجة فهد
امجاد : ما شاء الله الله يحفظكم لبعض كأنكم خوات
دانيا : امين
حست امجاد انو وضعها غلط بينهم وانسحبت ورجعت طاولتهم
.
طاولة اهل طارق
رجعت امجاد واستلمتها شادن : تكفين علميني منو هالمزز الي معاهم
امجاد : بقول بدون تأشير عشان ماتفضحونا
جوري : اهم شي تقولين
.
عند الرجال دخل طارق وسلم والكل يرحب فيه وهو له هيبته ومكانته جلس مع عيال إخوانه واخذتهم السوالف وجا فارس " اخو العريس وصديق طارق " سلم عليه وقال : تعال معي ندخل صواني الرز لقاعة الحريم
طارق : افا عليك تم واشر لهاشم والعيال يجون يساعدونهم
.
نور : ي ربي دانيا تكفين قومي جيبي خالد تعبت وانا رايحه جايه
دانيا : كان خليتيه عند ابوه حاله حال إخوانه
نور : مو راضي عنيد تعبت وانا أقنعه وتخيلو نام في السياره وانا وإخوانه مابقي اغنيه ماشغلناها له ونرقص كأن احنا مهرجين لعيونه مع ذالك نام
ليلى : ي حلو البنات بس
خوله : مستوى انا ماعندي بزران مره وحده
نور : ي ليل بدينا ترا هم زينة الحياه
زهره : وانتِ متى ماتبين خليتيهم زينة الحياه ومتى ماتبين خليتيهم نقمه
انوار : اي والله امي صادقه حتى حمد تقلب عليه بعض الأحيان
نور : ي ربي سالفتكم طويله دانيا يلا عاد عشاني قومي شوفي وين راح
دانيا وهي حاطه رجل على رجل وتلعب بأظافرها
: كم تدفعين ؟
نور : نصااابهه
دانيا : خلاص خلاص لاتصيحين بقوم
قامت دانيا وبدت تدور خالد في كل مكان في العاب الأطفال في المغاسل وفي دورات المياه " يكرم القارئ " بدت تخاف انو طلع برا مسكت وحده من الأطفال وقالت لها : شفتي ولد صغير لابس ثوب ابيض وجزمه سوداء وشعره كيرلي
حنان : ايي راح جهة قاعة الاكل
دانيا : شكرااا وطيرت بوسه على الهوا لحنان
حنان مسكت البوسه وسوت بيدينها باي
دانيا ابتسمت لها وراحت قاعة الاكل وصارت تدوره بين الطاولات والكراسي انفتح الباب الي يفصل بين قاعة الرجال والحريم ودخل شخص طويل حاط الشماغ على كتفه والعقال على راسه ومشمر بكمومه ورفع راسه وشاف دانيا سرح فيها في جمالها تفاصيل جسدها ملامحها وجها الحاده دانيا توترت وماتدري وش تسوي كان هاشم بيدخل بس استوقفه طارق وهو يقول : اصبر اصبر لاتدخل روان هنا
هاشم : وش تسوي هنا استعجلها الصنيه حاره
طارق : اي اي صبر لف مره ثانيه على دانيا : ادخلي بسرعه دانيا وهي متوتره وخايفه على خالد في نفس الوقت : صبر صبر انت صد
طارق استغرب وصد لفت دانيا على الطاولات الباقي من القاعه الى ان لقت خالد ومسكته وهي تحاول تقنعه يجي معاها
خالد : عمه دانيا تكفين ماابي ماما
هاشم : يلا عاد مادخلت الصينيه بتفلت من يديني
طارق : اصبر اصبر مضيعه حلقها
هاشم : وانا بنتظر لين تلاقيه تجيب لها واحد ثاني أسهل
طارق لف وماشاف دانيا قال : يلا يلا تعال خل نخلص
.
دانيا رجعت وهي ماسكه خالد حطته في حضن نور وقالت : أعوذ بالله جني مو ولد
نور : بسم الله على ولدي
نجلاء : بالله وش صار طولتي
دانيا وهي تتذكر الموقف الي صار لها وقالت : تخيلو دورته في كل مكان في الألعاب في دورة المياه " يكرم القارئ " حتى العاملات دخلت عليهم المطبخ اقول لهم شافوه او لا في النهايه لقيته في قاعة الاكل ولا بعد كان متلبد بين الطاولات ولما طلعنا من قاعة الاكل صار يركض كأنه جني يبي يطلع الشارع وانا اراكض معاه كأني بقره
انوار وهي تضحك : يالله مااتخيل شكلك وانتِ تركضين كل هالكشخه ولا بعد لابسه كعب طوله مترين
ليلى وهي تضحك : ي ربي تخيلت شكلها
خوله : يووووه حسافه فاتني
دانيا: انتِ بذات الحمد لله ماشفتيني ولا كان صورتيني قلك ذكريات مالت على ذكرياتك
نور وهي تضحك معهم : شوفو وجهه ماكأنه مسوي شي
نجلاء : ينقط براءه هههههههه
دانيا : تعبني مدري كيف برقص
انوار : خلاص ولا يهمك نجي بيتكم ونرقص معك
دانيا : ايي من زمان عن هالفقره الحلوه وانتو قولو حق رجالكم اني حاجزتكم
خوله : انا من احين مااقدر تعر قاطعتها نجلاء وهي تقول : تعرفون بعد توني عروس وحبيبي فهد مايقدر على فراقي ضحكو البنات على تقليدها وقالت دانيا : تعالي بس اليوم صدق ماعندك سالفه
انوار : بجي بشرط تعشوني على حسابكم
دانيا: تم
.
.
بعد رجعو البيت بدلو البنات وكانو جالسين في غرفة دانيا
دانيا : اي مطعم تبون
خوله : صبري خل تجي نور
دانيا : لا ريضه على ماتنيم الجني الي عندها
ضحكت نجلاء بشكل هستري ولفو عليها البنات بصدمه
ليلى : الحمد لله والشكر شجاها فجأه
نجلاء وهي تتكلم كلام غير مفهوم بسبب الضحك انوار اخذت أقرب مخده ولاحتها على نجلاء زاد ضحك نجلاء
انوار : في النهايه شي تافه
ليلى : هي كذا دايم ماعندها سالفه
قالت خوله : وربي مو صاحيه
نجلاء : ي ربي تخيلت شكل دانيا وهي تركض ورا خالد
وضحكت من جديد
ليلى : قلت لكم ماعندها سالفه
فتحت الباب نور : شفيكم شعليه هالضحك قالت لها نجلاء السالفه ورجعت تضحك من جديد
بعد ماطلبو وكلو
قالت دانيا وهي ماسكه السماعه : الي ماترقص ي ويلها شغلت السماعه وبدو يرقصون وقفت دانيا على الطاوله وبدت تتمايل مع الاغنيه والبنات يعززون لها بصوت عالي
.
" نجمه وكومنت "
