B : 16
- أبعيناكَ سحرٌ ، أم إني من العَاشقين ؟
.
.
" تم دمج البارت الثاني مع البارت الثالث "
في بيت محمد جالس في غرفته ويفكر في موضوع دانيا وطارق ناظر الساعه ومسك العكاز وبدء يمشي في البيت إلى أن وصل لغرفتها تردد انه يفتح الباب استغفر ربه وضرب الباب وجاه الرد فتح الباب بهدوء جلس على طرف السرير عدلت دانيا جلستها وقابلته وهي منزله راسها مسح على شعرها بلُطف وقال : اسف
مازالت منزله راسها وتفرك يدينها ببعض وقالت بصوت ندمان : انا الي اسف
محمد : تجهزتي؟ بعد صلاة الظهر بنحرك
دانيا : جاهزه ان شاء الله
تنهد وصد عنها وقال : تمام ، دانيا لو خطبك رجال زين ومناسب بزوجك
دانيا : يبه انت تعرف اني ابي طارق
وقف وقال : تنسينه مع الوقت واكيد مابزوجك اي واحد ولو طارق مو ولد عبد العزيز كان مارفضت بس ولد عبد العزيز لا ومادمت حي مابتاخذينه
وقفت دانيا قدام وجه محمد وقالت : ماابي ! انا احبه ماابي غيره
محمد بغضب : تزوج مايدري عنك ولا بعد رايحه عرسه خلاص انسيه هو تزوج وانتِ بعد بتتزوجين
لفت دانيا وقالت : مستحيل
محمد : انا جيت ابلغك ولو صار وجا ولد الحلال بعطيه كلمه وانتِ مابترادديني طلع برا الغرفه ورجعت دانيا في أحضان سريرها الي في الفتره الاخيره شهد دموعها وحزنها
.
.
في مكان جديد اول مره نروحه عائله صغيره على قلب واحد ملتمين بكل حُب والجلسه كانت مليئه بالبهجه والسعاده كانت البسمه مرسومه على وجيهم وكان هاليوم مميز بالنسبه لهم
هدى : رغد ي يمه كلمي اخوك متى بيوصل
رغد : جوالي طافي قولي لنور
نور وهي تفرفر بالجوال : دقيت عليهم تو احين هم في الطياره وبس يوصلون السعوديه بيكمل الطريق بسيارته
هدى : الله يجيبهم بالسلامه
لفت الجوال على رغد وقالت : شوفي هالفستان حده حلو باخذه ليوم زواج فيصل
رغد : حده حلو انا الصراحه جهزت لي فستان بعد
تنهدت هدى وقالت : تحسسوني عرس اخوكم بكره
نور : ماعليك منه نخطب له وهو مع الوقت بيحب البنت
هدى : انا لقيت له بنت الحلال
رغد بفضول : ومين هاذي ووين شفتيها
هدى : اسمها دانيا بنت محمد شفتها في عقد قران هاشم وكلمت امها قالت بتشوف راي ابوها وبترد لي خبر
" تعريف لعائلة فيصل "
الأب متوفي ، ورث لعياله ثروته كلها ومن كان فيصل صغير وهو ياخذه معه يتعلم التجاره
.
هدى الأم هي وام هاشم بنات خالات جابت اربع ثلاث بنات وولد تشوف الدنيا فيهم وماتقدر على فراقهم
.
فيصل البكر كان متوظف في الأمارات من قبل وفاة ابوه وفتح له شريكة استثمارات في الأمارات شايل حمل خواته وأمه ويجي كل أسبوعين يتطمن عليهم ويلبي احتياجات خواته ونواقص البيت ويحول لهم مصروف كل شهر تقريبا
