အပိုင်း (၂)
ဒေါ်မြိုင်ပြန်သွားပြီးတာနှင့် မင်းဗညားပြန်အိပ်ဖို့ ကွပ်ပျစ်ပေါ်ကထပြီး အိမ်ထဲပြန်ဝင်မယ်အလုပ် ...
"ဟေ့ကောင် အဲ့တာ ဘယ်သွားမလို့လဲ "
အနောက်က ဒေါသသံစွတ်နေတဲ့ သူ့အဖေအသံကြောင့် ခြေထောက်တွေတုံ့ခနဲ ရပ်သွားကာ ...
"ပြန်အိပ်မလို့လေဗျာ အဖေကလဲ ကျုပ်မှ အိပ်ရေးမဝသေးတာဗျ "
"ဘာကွ ... ငါ ဒီကောင်ကတော့ ငါလုပ်ရင်သေတော့မယ် "
ဘေးကတုတ် လှမ်းဆွဲကာ ပြောတော့ ..."ဪ ... တော်ကလဲတော် ကလေးကို ကောင်းကောင်းပြောပါ "
"ခုပဲ ဒီမှာဒီလောက်လျော်လိုက်ရတာကို ဒင်းက ပြန်အိပ်ဖို့လုပ်နေသေးတယ် "
"အဖေကလဲဗျာ ... ခုေလျာ်လိုက်ရတာက မဲလုံးကိုက်လို့လေဗျာ ကျုပ်ကိုက်လို့မှ မဟုတ်တာ "
"ဘာကွ မင်းက ကိုက်ချင်သေးတာလား "
"မဟုတ်ဘူးလေဗျာ ကျုပ်နဲ့မဆိုင်တာပြောပြတာ "
"မင်းေမွးထားတဲ့ မင်းခွေးက ကိုက်လိုက်တာလေ ... သူ့လုပ်စာသာမစားရသေးတာ ပြဿနာတွေကတော့ သယ်လာလိုက်တာကို ... သူကြီးသာလုပ်နေရတာ ရွာထဲက ကိစ္စထက် မင်းပြဿနာပဲလိုက်ရှင်းနေတယ် မင်းသတိသာထား ... အလုပ်ကျမလုပ်ပဲ တစ်နေ့တစ်နေ့ ပြဿနာတွေပဲ အိမ်သယ်လာတယ် "
ဒါကတော့ မင်းဗညားနေ့တိုင်းကြားနေရတဲ့ ဦးသက်ထူးရဲ့ ကျိန်းမောင်းသံတွေပေါ့ ...
နေ့တိုင်းကြားရဆို သူကလဲ နေ့တိုင်းပြဿနာရှာတာကို ...
ထန်းရည်ဆိုင်မှာရန်ဖြစ်ရင်ဖြစ်တယ် မဖြစ်ရင် ရွာထဲမှာဖြစ်တယ် ... တစ်ခါတလေ လူတွေက ရန်မဖြစ်ချင်လို့ သူနဲ့ရှောင်ကြရင် ရွာထဲက ခွေးတွေနဲ့ ရန်ဖြစ်တော့တာပဲ ...သူကြီးသားဆိုတဲ့အရှိန်နဲ့ ရုပ်ခံလေးရှိလို့သာပေါ့ ... မဟုတ်လို့ကတော့ ...
"အဖေကလဲ ဒါပဲပြောနေတော့တာပဲဗျာ ခု ကျုပ်က မအိပ်ရင်ဘာလုပ်ရမှာလဲ "
အိပ်ယာထစ အနည်းငယ်ပွနေတဲ့ ဆံပင်တွေကို ထပ်မံထိုးဖွကာ မျက်ခုံးပင့်ပြီးမေး လိုက်တော့ ...
YOU ARE READING
🌻ကျွန်မယောက်ျား သူကြီးသား 🌻
Romance🌻ကျွန်မယောက်ျား သူကြီးသား 🌻 🚨🔞🚨 မင်းဗညား 🔥 မင်းကသာ ကိုယ့်ဘဝပါ ... တခြားမိန်းမတွေက ဖွဲနဲ့ဆန်ကွဲပဲ ... အရင်က ကိုယ်ပွေတယ်ရှုပ်တယ်ဆိုတာ မင်းနဲ့မတွေ့ခင်အထိပဲ... မင်းနဲ့တွေ့တဲ့အချိန်ကစပြီး လရောင်မှူးဆိုတဲ့ မင်းတစ်ယောက်တည်းကိုပဲ ကြည့်လာခဲ့တာ ... ဒါတေ...