The Red Assassin

Chapter 3

"The path to paradise begins in hell."- Dante Alighieri

Chapter III

"Bryan ako 'to." Rinig ko sa kanan kong tenga. Umaalog ako marahil malubak ang daan. Teka nga, umaandar?Unti unti kong binuka ang mata ko. Nahihilo pa rin ako parang may naamoy ako kanina na sobrang toxic ang amoy. Nag unat pa ko bago ko narealise na madilim na daan ang tinatahak ko. Tinignan ko ang katabi ko.

Si Coco.

At unti unti nang nanumbalik ang mga nangyare kanina. Sya ang nagchop chop sa Uchico na yon! Napakapit ako sa upuan ko habang tinignan nya ko habang gamit ang phone ko. "Oo papunta na ko dyan. Abangan nyo ko."

"San mo ko dadalhin!?" sigaw ko sa kanya.

"Hinahon ka lang Santiago baka putulin ko yang dila mo." Nasa daan pa rin ang tutok nito at di man lang tumingin sa akin. Tumingin tingin ako sa paligid. Binalot na kami ng dilim at 1:24 na ng hating gabi. Napalunok ako. Di ko alam na dito na pala matatapos ang buhay ko. Di ko man lang nakamit ang pangarap ko.

Hindi ko magawang umiyak. Matagal nang ubos yon at hindi na ko mag aaksaya pa na bumuhos ito. Kung ano man mangyare bahala na.

"Alam mo bang pinaka ayokong princess character?" sabi ko habang nakangiti nakatingin sa daan.

"Hindi ko alam at wala akong pake." Sagot naman nya pero di ko sya pinansin.

"Si Snow White. Alam mo kung bakit?"

"Tingin mo ba manghuhula ako para sagutin yang mga tanong mo?"

"Kasi dapat hinayaan na lang nya na makatulog sya habang buhay kasi kapag bukas ang mata mo papatayin ka ng realidad. Makakasalamuha mo mga plastic na tao. Mga taong tinulungan mo ng buong puso pero kahit kabaitan lang ang hinihingi mo pinagdadamot pa. Mga tinuturing mong bestfriend hindi pala mutual ang understanding, option ka lang pala. Minsan ka na nga lang magmamahal puro kasinungalingan lang pala ang sukli." Nakatingin ako sa bintana habang sinasabi iyon. "Masasaktan at masasaktan ka lang pero kailangan mong tangapin kasi yun ang realidad na hindi kagaya ng puso mo ang ibang tao."

"Ang drama mo naman." Napalingon ako sa kanya. Nakatutok pa rin ito sa daan. Bahagya nya ulit sinayod ang buhok nya gamit ang kanang kamay. "Hinalikan sya ng prinsipe di ba? Alam mo kung bakit?"

Tumungo ako habang tinitignan sya. "Kasi kailangan nyang magising ng tunay na pagmamahal."

"Mali." Napakunot ako sa sinabi nya. "hinalikan sya dahil alam kailangan ng letcheng Snow White na 'yan na magparami sila!" sabi nito sabay tawa.

Napasimangot ako sa sinabi nya akala ko naman seryoso ang sasabihin nya. May sabit talaga utak nito. Hindi ko na sya pinansin at tumingin na lang muli sa bintana. Nakita ko ang isang road sign nakalagay ay MB.

Biglang huminto ang sasakyan at lumabas si Coco para buksan ang pinto ko. "Bakit tayo tumigil?"

"Lumabas ka na lang." inip na sabi nito. Lumabas na ako. Dito nya ata ako chop chopin. Ang haggard ko na pala. Nakauniform pa rin ako at gulo gulo na ang buhok ko.

Maya maya pa ay bigla na lang may ilaw ng dal'wang motor ang paparating. Napatikip ako ng mata sa sinag. Nagpark ito sa harapan namin. Tumingin ito sa dayo namin habang si Coco ay nakasandal lang sa saksakyan ko at naka ekis ang balikat. Ang ganda talaga ng biceps nya.

Tumingin ulit ako sa dalwang sakay ng motor tinangal nila yung helmet nila.

Agad kong nakilala ang isang babae. Sya yung nasa mini stop! Which means kasama nya tong kambal nya. Teka anong kinalaman ni Coco sa kanila?