Vampire City: Not Your Ordinary Vampire Story

Chapter 17 - His strength is his weakness

Chapter 17

Third Person POV

"PAPUNTA na ang inutusan ko, Master, para magpadala ng mensahe sa prinsipe," sabi ng kanang kamay ni Devant.

"Mabuti. Siguraduhin mo lang na makakarating 'yon sa Prinsipe kundi ikaw ang malilintikan sa akin." Pananakot ni Devant pero 'di naman natinag ang isa dahil marahil sa sanay na ito sa huli.

"Nakakasiguro po akong makakarating 'yon kay Prinsipe Hansel." paninigurado ng isa.

"Puwede ka ng umalis." agad namang umalis ang isa.

Naupo si Devant sa kanyang cathedra at ngumisi. Tiyak niyang ang kahinaan ng Prinsipe ay ang mortal kaya gagamitin niya ito para mawala sa landas niya ito. Naisip niya na kapag wala na ang Prinsipe, magkakagulo sa kanilang palasyo at doon na niya matatalo si Vladimir.

"Magkikita rin tayo sa wakas, Veruca, mahal ko. Mababawi na kita kay Vladimir." Puno ng hinagpis na sambit ni Devant.

Si Veruca na Reyna ng Vampire City ay dating matalik na kaibigan ni Devant sa Italy. Nang mamasyal sila sa Pilipinas, nakilala nito si Vladimir na kasalukuyang isang Prinsipe pa lamang noon. Nahulog ang loob ng dalagang bampira na siyang ikinaselos ni Devant.

Nang magtapat si Devant sa pagmamahal niya kay Veruca, sinabi ng huli na kaibigan lang ang tingin niya rito at mahal niya si Vladimir. Doon nagsimula ang hinanakit at galit ni Devant. Nakipagsanib puwersa siya sa dating pinuno ng Sanguinarians at hindi naglaon ay ipinasa sa kanya ang pagiging pinuno ng Sanguinarians.

Sa kasagsagan ng kanyang pamumuno, nakilala niya ang isang babae, ang Ina ni Drake. Wala itong gusto sa kanya pero pinilit niya ito dahil sa kagustuhang magkaroon ng anak. Nang mamatay ito dahil sa panganganak, bumalik ang nararamdaman niya sa Reyna.

Hanggang ngayon ay may pagtingin pa rin siya sa dating matalik na kaibigan. Iyon din ang dahilan kung bakit labis-labis ang pagkamuhi niya sa pamilya Kang.

* * *

Sa palasyo...

NAKUMOS ni Hansel ang papel nang mabasa niya ang sulat na natanggap.

'Pumunta ka sa South Barn kung gusto mo pang makita ang mortal. Huwag kang mag-sasama nang kahit na sino.'

His eyes shifted from brown to red and he can feel his anger bursting inside him. He wanted to kill the Drians. At hindi niya mapapatawad ang mga Sanguinarian kung may mangyayaring masama kay Ingrid.

Inagaw naman ni Erina ang papel na kumos ni Hansel at binasa niya 'to. Agad na napakunot-noo ang prinsesa nang mabasa niya ang sulat.

"Hindi ka pupuntang mag-isa, Kuya! Hindi mo alam kung ano ang pina-plano ng mga Sanguinarians. Mas mabuti siguro kung humingi na tayo ng tulong kina Daddy," nag-aalalang sambit ng kanyang kapatid na babae.

"Minsan ko nang natalo si Devant. Bakit hindi ko siya magagawa uli? I will save Ingrid without the help of Daddy!"

"Pero Kuya—"

"I can handle it, Erina!" he snapped at her kaya natahimik lamang ito.

"Fine. Hindi kami sasama sa'yo." Nasabi na lamang nito kahit labag ito sa kagustuhan niya.

* * *

Ingrid's POV

NANDITO ako sa kuwarto at naghihintay na may pumasok. Naalala ko iyong kagabi. Masaya akong nakipag-kuwentuhan kay Drake animo'y wala siyang atraso sa akin. Pero agad ko rin naman itong pinagsisihan kaya habang nag-uusap kami ay bigla ko siyang tinulak at tumakbo pabalik sa kuwarto.