Vampire City: Not Your Ordinary Vampire Story

Chapter 25 - Proclaiming her Defeat

Chapter 25

Hansel's POV

MEDYO malakas pa ang ulan pero binaybay na namin ni Ingrid ang daan pabalik sa penthouse. Tulog pa nga siya kaya kinarga ko na lang siya papasok sa kotse. Kanina ko pa kasi siya ginigising pero hindi niya ako pinapansin kaya hinayaan ko na lang.

Napapangiti na lang ako kapag sumusulyap ako sa maamo niyang mukha. She's so peaceful when sleeping. Bakit ba ang ganda niya kahit tulog?

Hindi siya nakakasawang tingnan. Mas lalo ko siyang mamimiss kapag bumalik na siya sakanila. Nasanay na rin kasi akong lagi siyang nandiyan. Sanay na akong kapag uuwi ako galing school naghihintay siya sa penthouse.

Nasa parking lot na kami nang gumalaw siya. Hinaplos ko pisngei niya at napakunot ang noo ako.

She's burning hot! Literally mainit ang balat niya. Sinalat ko ang leeg niya at naramdaman kong mainit din ito. Ano bang nangyayari sa kanya?!

Medyo nagpapanic akong binuhat siya palabas ng kotse. Hindi ko na nga pinansin ang mga bumati sa akin sa hallway. Hindi na ako makatiis at sa lobby pa lang ay nagteleport na ako para agad makapunta sa penthouse.

Inihiga ko siya sa kama niya at kita kong namamawis ang noo niya.

"Ingrid what is happening to you?!" Pinipilit ko siyang gisingin pero umuungol lang siya. Naisipan ko namang tawagan si Erina gamit ang isip niya pero nagtataka ako kung bakit ito nakasarado.

Ayaw ko namang istorbuhin sila Mommy at Daddy dahil nga sa maraming bisita sa palasyo.

Agad akong tumakbo papuntang kuwarto ko kung saan may telepono at tinawagan si Cris. But to no avail walang sumasagot. Si Tom naman wala raw sa bahay nila.

"Shit!" Napamura na lang ako kasi pakiramdam ko wala akong magagawa.

I feel so helpless nang biglang pumasok sa isipan ko ang pangalan ni Maxhene. Should I call her? Pero magagalit si Ingrid at magseselos na naman. Pero para naman 'to sa kanya. Nagtatalo na ang utak ko at hindi ko na lang namalayan ay dinial ko na ang number ni Maxhene sa guest house.

"Who's this?"Mataray na sabi sa kabilang linya.

"Maxhene, it's me."

"Oh, Hi Hansel. I'm glad napatawag ka, alam mo bang—"

"I need your help." Putol ko sa kanya.

"Ohh. Sige ano 'yon?"

"Hindi ko alam ang nangyayari kay Ingrid. Puwede ka bang pumunta rito? Nag-aalala ako sa kanya, eh." Matagal bago siya sumagot.

"S-sige. I'll be there." Then she cut the line. Napahinga ako ng maluwang. Bumalik ako sa kuwarto ni Ingrid at nakita kong nahihirapan siyang humangos. Napatakbo ako sa kanya.

"Ingrid, wake up!" Napamulat siya ng kaunti pero nahihirapan siyang huminga.

"Han...Hansel. H-hindi...ako m-maka..hinga." nahihirapan niyang sambit. Halos mapapikit ako sa nakikita ko. Hindi ko alam ang nangyayari sa kanya.

Ilang minuto lang ay dumating si Maxhene at kasama niya si Denver. Pinapasok ko silang dalawa papunta sa kuwarto ni Ingrid.

"Hindi ko alam ang nangyayari sa kanya," sabi ko. Nakita kong gulat din si Maxhene sa nakikita. Sinalat niya ang noo nito.

"H-Hansel? Bakit..." Naguguluhan 'yong mukha ni Maxhene. Alam kong nagtataka siya kung bakit mainit si Ingrid.

"Mamaya ko na ipapaliwanag," Sabi ko sa kanya.