Vampire City: Not Your Ordinary Vampire Story

Chapter 44 - Return to Vampire City

Chapter 44

Ingrid's POV

HINDI ko maintindihan kung bakit ako iniiwasan ni Hariko o Hansel. Magkahiwalay kami ngayon ng upuan sa eroplano kaya hindi ako mabigyan ng chance para makausap siya. Oo, alam ko nang siya si Hansel. Ang hindi ko maintindihan, kung bakit hindi niya ko maalala? Inisip ko na ibang tao siya kaya accepted ko na hindi niya ko kilala. Pero alam ko, siya si Hansel. Patunay ang singsing na 'yon. Sa kanya 'yon. Pero bakit? Bakit hindi niya 'ko nakikilala? Epekto ba 'yon ng pagiging tao niya? Ugh! Hindi na ako makapaghintay na mag landing ang eroplano sa airport!

Nang I-announce ng stewardess na puwede ng tumayo at bumaba. Agad din akong tumayo pero kagaya ko, kasabay ko ang pasahero na nagsisiksikan. Nakita ko si Hansel pero para rin itong naglaho dahil natatakpan na siya ng mga tao at sa height kong 5'5" ay hindi sapat para hanapin siya. Nakalabas na kami sa departure area at malayo pa rin siya sa akin. Mabuti nga hindi sila pansin ng tao dahil busy ang lahat at siguro dahil na rin sa suot nilang hoody at shades kaya hindi sila gaanong nakikilala. Pati si Manager nagtataka kay Hariko o Hansel kung bakit malayo siya sa amin at tila may hinihintay o hinahanap.

Nakahanap ako ng tyempo para lapitan siya kaya dali-dali akong tumakbo palapit sa kanya. Kung hindi niya ako maalala, pwes ipapaalala ko sa kanya. Ilang metro na lang ang layo namin at tatawagin ko na sana siya pero naunahan ako ng isang malambing na boses.

"Hariko..."

Hinanap ko ang pinanggalingan ng boses. Para akong napako sa kinatatayuan ko. Kita ko ang galak sa mukha ni Hansel na makita ang babae. Niyakap nila ang isa't-isa na mas ikigulat ko. Parang may kung anong kirot akong naramdaman sa dibdib ko.

"I miss you so much!" I heard the girl said. May sinabi sila sa isa't-isa na hindi ko na narinig. Puno ng pagmamahal na tiningnan niya ang babae. Hindi ko mapigilang masaktan. Ako dapat 'yon, eh. Sa akin lang dapat siya tumitingin nang ganyan.

Halos nabagsak ko ang dala kong handbag sa sahig. Para akong binuhusan ng malamig na tubig. Nanlalamig katawan ko at pakiramdam ko nahihirapan akong huminga. Gusto kong umiyak pero parang naging bato ang luha ko. Ayaw nitong lumabas. Naramdaman kong lumapit sa akin sina Kio, Sai at si manager. At gaya nila, gulat din sila na makita si Hansel o Hariko na may kasamang babae.

"Hariko! What's the meaning of this?!" galit na hasik ni manager. Kung tutuusin, ako dapat ang magsabi no'n.

"Manager," sabi lang ni Hansel. The girl and Hansel just looked at each other. Nakita kong pinisil ni Hansel ang kamay niya.

"This is Eunice, guys. She's my girlfriend." Casual na sabi ni Hansel.

Para akong binagsakan ng langit at lupa sa narinig. Iba pala iyong nakita mo sa narinig at nakumpirma pa. Masakit. Sobrang masakit!

"We'll talk about this later, young man! You have so much explaining thing to do!" I can feel the cold treatment manager is giving to Hansel.

Hindi ko alam kung ano ang gagawin ko. Kung susunod ba ako sakanila para magkaroon din ako ng chance para malaman ang totoo o babalik na ako sa opisina at magsimula ng magtrabaho.

I decided na umalis. Gusto ko mang kausapin si Hansel, or Hariko, ay hindi ko magawa. Para bang bigla siyang naging malayo sa akin.

Nagpara akong taxi at nagpahatid sa bahay. Ipinaakyat ko ang mga gamit ko sa maids at saka ko kinuha ang susi ng kotse ko. May kailangan akong puntahan. At hindi ako papayag na papanuorin ko lang ang babaeng 'yon tuluyang agawin sa akin si Hansel. Hindi ko alam ang totoong nangyari kaya magbabakasakali akong bumalik sa vampire city para malaman ko ang totoo.