Falling Like A Fool

3

CHAPTER THREE

After we had dinner, I learned from Shayla na ang matandang lalalaking kasama ni Matteo ay si Ambassador Pontes. Nakakahiya! Nakita pa tuloy ng kaibigan ni Uncle Gerry na ama ni Gerard ang pagwawala ko kanina! Buwiset talaga yang Matteo na yan! Pahamak! Makakaganti rin ako sa kanya!

"Huy, Tanya! Tama na ang pagtitig kay Matteo na parang gusto mo siyang lapain at patayin!" Si Jackie.

Naputol ang pag-iisip ko at napakurap, saka napatingin ulit kay Matteo na ngayon naman ay nakatingin sa'ken, at kinindatan pa ako! Sira ulo yung makapal na mukhang lalaking iyon! Kinindatan pa ako? Feeling guwapo! Grrrr!

Napalingon ako kay Jackie na nakangiti sa'ken.

"Kinindatan ka, Tanya! Type ka ata ni pogi!" Tukso ni Jackie.

"Tumigil ka nga diyan, Jackie! Kinikilabutan ako! Hitsura pa lang nung lalaking yon, mukhang wala ng matinong gagawin sa buhay." Komento ko na napatirik pa ng mata sa imbyerna.

"Uy, Tanya, wag ka! Nabalitaan ko na si Matteo pala ang CEO ng car manufacturing company sa Brazil. Dapat kaibiganin mo yon para sa'ken, dahil partnership opportunity rin yun para sa business namin. Please?" malambing na pakiusap ng kaibigan ko na si Rainbow.

Napanganga ako kay Rainbow. "Ako pa talaga ang hihilingin mo na makipag-kaibigan sa ogag na yon? Nakita niyo naman kung gaano ka-presko iyon diba? Ayoko ng mayabang na lalake na feeling guwapo and thinks he can get away with everything! Sheyt siya!" Asar kong sabi.

"Ang init naman ng ulo, Tanya! Ako nga gusto na magpakain sa lupa dito eh." Komento ni Pinkie.

"Huh? Baket?" takang tanong ni Rainbow.

"Kasi yun' Marcus, yun' kambal ni Matteo, siya yung sinabi ko sa inyo na nagdala sa'ken sa hotel when I got so drunk and drugged, and he didn't do anything to me." Pinkie explained.

"What?" gulat kong tanong.

"OMG! As in baka meant to be talaga na magkita kayo!" Kinikilig na sabi ni Jackie.

"Tingnan mo 'tong babaeng to! Ano bang nakain mo at ikaw ang kinikilig kilig diyan? Diba dapat dalagang Filipina ang peg natin?" paalala ko kay Jackie at sa mga kaibigan ko.

"Alam mo, para mawala na lang yang pagka-imbyerna mo, uminom na lang tayo." Aya ni Rainbow at naglakad na kami papunta sa mini-bar ng mansion.

Iniwan namin sina Rori at Percival sa dining hall habang nakikipagkuwentuhan sila sa mga Pontes boys. Si Ambassador Pontes naman ay umakyat na sa silid nito para magpahinga.

Nag-inuman na lang kami ng mga kaibigan ko habang naglalaro ng bilyar, nang dumating sina Rori at Percival, pero kasama na naman ang mga Pontes boys. Kumuha ng mga sticks ang mga ito at mukhang maglalaro rin. Si Pinkie ang tumitira nung time na iyon at napatigil ito sa pagtira at bumalik sa puwesto namin. Si Rori naman ay lumapit sa'min.

"Anung ginagawa ng mga yan dito?" tanong ko kay Rori habang umiinom ng beer.

"Eh... ladies, sorry ha? Inaya kasi ni Percival na maglaro ng billiards yung Pontes boys with us. Bonding moment daw..." Rori apologetically said.

"Si Oppa naman eh..." I grumbled.

Ang mga lalake naman ay tinuloy ang paglalaro ng billiards. Kami namang mga babae, walang nagawa kungdi tumahimik sa isang tabi at uminom. Admittedly, naka-apat at kalahating bote na ako ng beer. Ganuon katagal na naglaro ang mga lalake! Si Rainbow naman ay naiinip na dahil gusto rin nitong maglaro, pero hinihintay pa rin namin matapos ang mga lalake.