DARK ||Universe of Four Gods Series|| Book 4 (Soon to be Published)

🎗Chapter 11🎗

Snow's POV

Naging marami na ang mga tao sa paligid. Nag-umpisa na rin kami at marami nga ang kumakain. Parang naging grand buffet ang quadrangle dahil sa kainan na nakahilera. Nagbibigay lang ako ng ngiti at nagsisilbe at kumukuha ng order. Kataka-takang maraming kumakain sa amin kesa sa iba kaya naman yung manager ng kabilang resto eh sambakol ang mukha at matalim na nakatingin sa aming pwesto.

"Grabe parang walang katapusan ang buhos ng customers." Komento ko naman kay Mikaella na pareho kaming nakatayo dahil wala kaming ginagawa.

"Naku, mas dadami pa ito kung sisimulan na ang parada." Nakangiting saad nito. "Excited na ako."

"Halata nga." Nakaismid ko naman na saad rito.

"Asus, alam ko matutuwa ka. Malay mo, matagpuan na natin ang hinahanap natin." Makahulugang saad nito sa akin.

"Ang alin?" Tanong ko naman. Nahahalata ko kasi ang mga sinasabi nito pero hindi ko naman alam kung ano ang hinahanap nito. Kayamanan kaya?

Ngumuso naman ito. "Mga kaibigan." Simpleng saad nito.

Napatango naman ako rito. Kung taga dito ito malamang may mga kaibigan ito dito. Eh paano kung taga rito din ako? Eh di may kaibigan din ako rito? Pero napapailing na lang ako dahil sumasakit lang ang ulo ko sa kaiisip.

"Aba, abangan mo mga kaibigan mo. Ipakilala mo ako ah." Nakangiting saad ko rito at iniwan na ito dahil may dumating na naman na bagong mga customer. Nandito ako para kuhanin ang mga order.

Agad naman na naglista ako at ibinigay sa counter ang order. Napapatingin naman ako sa likuran. Nandoon ang portable kitchen area namin at abala din doon ang chef sa kakaluto ng mga order. Sa totoo lang mahirap ang ganito pero ayos lang din, kakayanin naman namin lahat.

Agad naman na nagkagulo sa may kalayuan at nagtitilian. Kaya naman kaming lahat ay napatingin sa kung saan ang tilian. Nakita ko na kang ang mga karwahe na may mga parola na pula na dahan dahang gumagalaw paabante. Malamang ang royal family na ang sakay doon. Ibinaling ko naman ang aking tingin sa mga customer na kapwa napatayo rin dahil nanonood. Hindi ko alam kung ano pa ang sense ng pagtayo eh hindi din naman kita ang mga nakasakay doon dahil sa mga tao.

Agad na pumanhik ulit ako sa counter at kita ko na busy si Gisel sa kakalista ng kung anu-ano. Hindi ko rin alam kung ano ang nililista nito dahil hindi naman ito kasali sa trabaho at natutunan ko.

"Snow, maghanda kayo kasi may nagsabi na pupunta ang Royal family sa quadrangle para tingnan ang mga booth." Saad naman ni Gisel sa akin na nakayuko pa rin na akala mo eh nakapako na ang ulo dun.

"Ah talaga?" Maang na saad ko rito. Wala naman akong maramdaman. I don't feel inferior at all, siguro dahil sa complex ko na hanggang sa ngayon ay iniisip ko na isa pa rin aking diyos. Nakakalimutan ko na tao na ako.

"Grabe ka. Ganyan lang ba ang reaksyon mo? Nakuuu, baka kung makita mo ang prinsipe, baka panawan ka ng ulirat. Ang gwapo pa naman nun. Hindi lang gwapo, nuknukan pa." Nakatingin na turan sa akin.

Di naman nagbago ang ekspresyon sa aking mukha. "Great." Maikling saad ko. Gwapo? Si Clad lang ang alam ko na nuknukan ng gwapo, may mas gwapo pa ba dun?

Ngumiwi naman ito sa akin. "Grabe, ang wierd mo talaga." Talagang sinabihan pa ako nito.

Ako naman ang muntikan na napangiwi. Ako pa talaga ang wierd ngayon. Siya nga itong adik sa word na grabe hindi nawawala sa sentence niya yan. Parang karugtong na ng atay at balunbalunan niya. Tapos ipinagmamalaki nito ang isang tao na gwapo daw. Siya ba dapat magmalaki nun? Di ba dapat yung tao? Hahaha, tapos ako oa ang wierd? Come on!