DARK ||Universe of Four Gods Series|| Book 4 (Soon to be Published)

🎗Chapter 35🎗

Snow's POV

Palipat-lipat lang ako ng channel dahil sa boring na palabas na napapanood ko. Wala kasing klase ngayon since it is saturday. Nandito ako ngayon sa entertainment room habang ang dalawang magkapatid naman ay nagmall kasi bibili daw sila ng bagong mga gamit. Si Friah naman ay sumama kay Papa dahil tumutulong din ito sa pamamalakad ng negosyo namin.

Papatayin ko na sana ang TV pero naitigil ko na lang dahil sa breaking news.

BREAKING NEWS: The Prince's visitation conduction on Monday.

"It is one of the most awaited phenomenon for the Crown Prince to visit the university. The Prince is known as a very private person and doesn't show in any parties or gathering in most big events. Everybody is waiting to take a glimpse of the Crown Prince and everybody is waiting this coming Monday."

Napakunot naman ang noo ko. Visitation? Kasali ba ang prinsipe sa visitation ngayon monday? Hindi ko alam pero bigla akong kinabahan. Bumabagabag din kasi sa isipan ko ang sinabi ni Ria sa akin na ang Monarch ay ang mga Versailles. Is it some kind of coincidence? Eh kung totoo man yun, ano naman ang gagawin ko? It was all just a dream, a freaking dream and I have no right for claim. Ni hindi ako kilala ni Mikaella at Clad. If Yuan is the Prince, mas lalo na siya siguro na hindi ako kilala nun. So better na wag na lang akong umasa dahil masakit sa totoo lang. Iniisip ko pa lang ngayon ay parang ayoko ng pumasok ngayon Monday.

"Stupid.......... I sounded like I am sure that he is the prince." Naiusal ko na lang. Tama naman, hindi naman sigurado. It could be a different person, siguro ay magkapareho lang sila ng apelyido. Di ba Vel Versailles naman yung apelyido niya sa panaginip ko, so basically pwedeng hindi. Pero bakit ba iniisip ko ito? I should be just thinking about my assignments imbes ang kalituhan ko sa paligid.

Pinatay ko na lang ang TV at pumanhik na lang ako sa study room para gawin yung mga assignments ko. Hindi naman ganoon karami ang assignment ko kaya mabilis ko lang din itong natapos. Napabuntong hininga na lang ako at tumayo. Tiningnan ko ang mga shelves kung saan ang family album namin. Kinuha ko ang mga yun at sinimulan kong tiningnan yun.

Ang unang album ay picture kung saan ay baby pa ako at isang babae na karga karga ako na hindi ko kilala. Kita ko rin na may family picture kami kasama si Papa kaya napagpalagay ko na mama ko ang babaeng nasa picture. Mukhang sinubaybayan nila Papa ang pagiging bata ko. Pati na rin ng maging grade schooler ako ay marami din akong pictures doon pero lahat ay hindi ko marecognized. Iba din ang pananamit ng batang ako. Halatang introvert ang batang ako na hindi naman ako ganun dati. Ni walang nakangiti sa picture at lahat halos nakasimangot pa. Ni isa ay wala akong maalala sa mga pictures na ito. Kahit yung pictures ko sa high school ay wala pa rin akong maalala sa mga pictures. Pakiramdam ko tuloy ay nagkaroon ako ng amnesia dahil wala akong maalala. Pero halatang ako naman yun sa picture dahil ako naman talaga yun, ang problema lang ay hindi ko talaga siya marecognized. Nakakabaliw to, yung tipong kilala mo ang kasama mo pero hindi ka sigurado sa pagkatao mo.

May mga picture din doon na kasama ko ang step family ko na mukhang masaya kami. May nag-a-outing at nasa mall or sa restaurant. Hindi ko talaga inasahan na ganito kami ka close nina Friah. Parang mas nagiging panaginip na ang mga nangyayari kesa katotohanan. Pero hindi kaya ako nananaginip lang talaga? Kasi ang weird talaga eh, di na kaya ng brain cells ko.

"Sis!" Biglang tawag naman sa akin ni Ria mula sa pintuan ng study room. Nakauwi na pala ang mga ito bakit ang aga naman ata?

"Oh, ang aga niyo naman?" Tanong ko pa at tumayo na ako para ibalik ang mga album sa shelf.

"Ang daming tao kasi sa mall tsaka ang hahaba ng pila kaya umuwi na lang kami. Ang hirap naman kasi restday na nga natin stress pa kami." Sagot naman nito. "Pero bumili kami ng pagkain, bumili kami ng paborito mong adobong baboy."