Best for Us (GU #3)

twenty-three

Twenty-Three: Vanessa Gerleen

HINDI ko pa ganoon nanamnam iyong huling sinabi ni Tyler ay agad nang sumingit 'yung host.

"Ito na po 'yung maswerteng nakakuha ng flowers at garter," sabi nung host sa mga nanonood saka ito lumapit sa amin ni Tyler. "Interviewhin muna po natin sila saglit."

"Pangalan po nilang dalawa?" tanong nito at sa akin unang tinapat iyong microphone.

"Vanessa," mahina kong sagot.

"Anak-anakan ko iyan!" Narinig kong medyo malakas na sigaw mula doon sa gilid.

Agad na napunta ang tingin ko doon at nakita si Lola Leona na ang laki ng ngiti sa akin. Naroon din yung ilang mga matandang nakakahalubilo ko kapag dumadalaw dito. Kimi naman akong kumaway sa kanila.

"Naku, Vanessa. Ang dami mo palang taga-suporta dito ha," komento nung host kasunod ng mahinang tawa.

Nahihiya lang akong napangiti. Sunod na itong pumunta kay Tyler at doon nagtanong. "Kayo po, Sir?"

"Tyler," mabilis niyang sagot at hindi nakaligtas sa akin iyong mahinang hiyawan doon sa gilid. Mula doon sa ibang kababaihan na kasama kong nag-abang nung bulaklak kanina.

Kanina ko pa naman sila napapansin habang nasa pila'y panay ang tingin doon sa grupo ng mga kalalakihan. Kung kanina'y wala akong ideya kung bakit nila iyon ginagawa. Ngayo'y alam na alam ko na.

Napahagikhik din iyong host. "Naku, maraming kinikilig d'un sa gilid, Sir Tyler," sabi pa nito.

Mayroong tumawa mula doon sa mga matatanda.

Lumayo na sa amin 'yung host pero mayroon pang pinahabol doon sa mga babae sa gilid. "Sorry girls pero si Ma'am Vanessa ang maswerte ngayong gabi."

Nagsitawanan na naman iyong mga nanonood pero ako naman ay nagsisimula ng madagdagan ang kabang nadarama. Gaano ba kami katagal tatayo dito?

"Alam kong hindi pa kayo pareho married," umpisang muli nung host. "Pero, pareho bang single, as in not in a relationship?"

Umiling ako doon sa host. Hindi ko alam kung anong ginawa ni Tyler pero nagulat na lang ako ng biglang nanunukso na iyong mga nanonood.

"Yun, parehong not in a relationship!" dagdag nung host at mas lumakas pa iyong ingay sa audience.

"Naku, mukhang shiniship na kayong dalawa ng mga nanay at tatay natin dito sa Golden Lives," sabi nung host. At pakiramdam ko'y ang pula pula na ng tenga ko. Hindi ko alam kung maging iyong pisngi pero nakakaloka. Kailan ba matatapos ito?

At tila narinig nung host iyong tahimik kong tanong na iyon. Nagpatuloy na ito. "Hindi ko alam kung pamilyar kayong dalawa sa tradisyon pero kung sinuman ang nakakuha noong garter ay kailangan niya itong isuot doon sa nakakuha ng bulaklak. At dahil nga ikaw Sir Tyler yung nakakuha noong garter at ikaw naman Ma'am Vanessa sa bulaklak, kayong dalawa 'yung gagawa nitong tradisyon."

Natigilan ako. I was not aware of this. When my parents got married...well I was not here in the world yet so I didn't witness it. Tapos doon sa kasal naman nung isa naming kamag-anak walang naging ganitong ceremony.

Well I knew about the flowers. Na kung sinong makakasalo noon ay siyang ikakasal na susunod. But with the garter stuff? I was clueless.

At hindi pa ako nakakaget over sa sinabi nito kanina'y nagsalita na naman iyong host. "Sige po, Ma'am Vanessa, pwede na kayong umupo doon sa may silya sa gitna habang si Sir Tyler ay maghanda na rin para isuot iyong garter."

Kahit sa kabadong estado ay umupo ako roon sa silya. It was not like it's me doing things. Parang may kung ano na lang yung nagpapakilos sa akin. The host again told us na sa legs ko raw ilalagay iyong garter.