VAMPIRO HIGH (COMPLETED)

Chapter 5

Nanatili lang akong tahimik sa byahe. Ewan ko ba, gusto kong magtanong ng magtanong pero sinarado ko agad ang isipan ko. Hindi ko rin alam sa sarili ko kung bakit pinoprotektahan ko ang isip ko. Siguro dahil nababasa ng lalaking kasama ko ang nasa isip ko? Nawiwirduhan na ako sakaniya... Sobrang daming tanong ang bumabalot sa isip ko pero di ko malaman kung bakit mismong sarili kong bibig ay ayaw bumuka at magsalita.

Naging swabe lang ang byahe... Limang oras kaming nasa eroplano. At ngayon, bababa na kami.

"We're already here," malamig na giit ng lalaking nagngangalang Helldrion. May kaunting ngisi sa labi niya na kakaiba. Kakaiba...

"I see," tanging naisagot ko at nanatiling walang emosyon.

Huminga ako ng malalim at nagsimulang maglakad pababa ng eroplano. Tuloy-tuloy na sana ako sa paglabas nang makita ko ang pinagbabaan namin.

Isang kagubatan. Isang kagubatan ito! P-Paanong? B-Bakit?

"Hindi ito ang lugar kung saan nagte-take-off ang mga eroplanong dumarating. This is actually a secret area..." mahinang sambit ni Helldrion, sapat na para marinig ko.

"Kung sikretong lugar ito, bakit dito ako pinababa?" Nalilitong natanong ko siya. Kasi kung sikretong lugar ito bakit sila magbababa ng baguhan dito?

Hindi siya sumagot. Tinitigan ko siya at hinuhulaan ang nasa isip niya. Nabigla ako nang mabasa ko ang sinabi niya.

"B-Because you're a Sangre..." ang mga salitang nasa isip niya ngayon.

"A-Anong Sangre?" napatanong ako.

Nanlalaki ang mga matang tinitigan niya ako at saka umiling. "A-Ah! Wala.. Let's go," balewala niyang sagot sa tinanong ko.

Nanliit ang mga mata ko. Imbes na magtanong ay sumunod nalang ako sa pupuntahan niya. Napatingin ako sa paligid. Isa itong napakalaking kagubatan. Pero sa lugar na pinaglagyan ng eroplano ay walang mga puno na para bang sinadya iyon upang may maliit na airport ang secret area na sinasabi ni Helldrion.

Mga ilang minuto bago namin makita ang gate. Katamtaman ang laki nun at kulay itim ang gate, kulay pula naman ang naka-calligraphy nitong sulat na ang nakalagay ay Vampiro High at nakalagay sa ilalim nito ay...

Vampiro High
'La escuela de la Familia de Sangre'

(It means...

Vampire High
Blood Family's school)

Napangiwi na naman ako sa nabasa. Tulad noong sulat na pinadala, hindi ko rin alam kung anong kahulugan ng mga salitang nabasa ko. Spanish ata ito..

"A-Anong ibigsabihin nito?" tanong ko kay Helldrion habang nakaturo sa salitang nasa gate. Abala naman siya sa pagtitingin ng lock nito.

Hindi na naman siya sumagot at binuksan ang gate. Pumasok siya rito at sumesensyas na pumasok na rin ako kahit pa tinatanong ko na kung anong ibigsabihin nun.

Gusto ko pa sanang magprotesta nang bigla siyang nawala sa paningin ko at biglang napatingin ako sa tabi ko at nagulat ako nang hawak niya ako sa bewang, at saka hinila papasok ng gate! Hindi ko man lang naramdaman ang masakit niyang paghila dahil sa sobrang bilis niyang galaw! Napamaang naman ako at nanlalaking matang tumingin sakaniya!