Mary Grace

Special Chapter

Special Chapter

"Oh, wow!" bulalas ni Danielle nang makapasok na ang Wrangler sa dirt path at nakita ang mansiyon sa di kalayuan. "Dito pala kayo nakatira?"

I glanced at her and grinned. Si Jeremy at Mariah ay tahimik lamang sa backseat. Pasulyap-sulyap naman si Harry sa akin. Nang makarating kami sa malawak na bakuran ay marami nang tao. Panay ang lingon nila habang bumababa kami ng sasakyan.

"Be careful..." dali-daling lumabas si Harry at inalalayan ako sa paglalakad. Hinimas-himas pa niya ang malaki at bilugan kong tiyan. I smiled at him. Kabuwanan ko na ngayon. Two years after we got married, we were finally blessed with a child. At ang maganda pa nito ay babae ang magiging unang anak namin.

Sinalubong kaagad ako ni mommy at daddy. Bumati sina Danielle at Mariah sa kanila. "Ito na ba ang mga kaibigan mo? Wala ka na bang iba pang hinihintay?"

I tapped my chin para mag-isip. Nandito na si Nilo, Grand Ida, Jason, at maging si AJ. "Ah! Si Olly nga po pala. Tinawagan niya ako kanina noong nasa Governor Generoso pa lamang ako na magpupunta daw siya dito..." I smiled cheekily.

"Is Oliver coming too?" seryosong tanong ni Dad sa akin.

I shook my head slightly. "Hindi po eh. He told me he tried to convince his father but he really wouldn't come. Siguro'y sa susunod na lamang na pagkakataon. Hindi pa handa si Oliver ngayon."

My father nodded his head. Si mommy naman ay inanyayahan ang mga kaibigan ko para maupo sa isa sa mga rounded tables na niyakap ng puti at pink na mga tela. I said hi to some of my friends. Hindi ako iniiwanan ni Harry kahit na tinatawag siya ng ilan sa mga katrabaho niya. His sister, Ate Pinky waved at me. She dyed her hair pink again. Malaki na ang kaniyang anak na si Clarrise. I tried to invite Dr. Siang ngunit busy siya sa kaniyang trabaho at saktong ngayong araw ang graduation ng kaniyang anak na babae kaya hindi siya nakasama.

Nang makaupo na ako ay hinalikan ako ni Harry sa pisngi at nagpaalam na ii-entertain lamang niya ang ilan sa kaniyang mga bisita. Tumango ako at kinawayan siya. Mr. Sullivan is talking with Nilo. Si Grand Ida naman ay abala sa paglalagay ng iba't-ibang putahe sa mahabang buffet table sa tulong ni Jason.

"Hey..."

Nagulat ako sa biglang pag-upo ni Jeremy sa aking tapat. I smiled politely at him. Tutol si Harry nag magpunta siya dito but I begged him for his approval. Jeremy had been part of my life, no matter what he had done to me before. Ibinaon ko na ang lahat ng iyon sa limot kasabay ng pagpatawad ko sa kaniya nang imulat niya muli ang mga mata niya after being in come for almost 8 months. Unang humingi ng patawad sa akin si Mariah, with Danielle's constant bugging. Things are still awkward between the two of us pero masaya akong nagkabati na din kami.

"Hi."

He cleared his throat. Sobrang laki na ng pinagbago sa hitsura ni Jeremy. There are no traces of being once a popular jock in his appearance. His thin beard made him look mature and older. Iniwas niya ang tingin sa akin.

"I want to apologize..." wika niya sa mahinang boses. Lumiwanag kaagad ang mukha ko. "F-For everything I've done before..."

"It's okay, Jeremy." I answered, smiling widely now. "Maayos na ang lahat."

Bumagsak ang kaniyang tingin sa aking malaking tiyan. Then he sighed. "I was just consumed by anger and jealousy before. Wala na nga dapat akong mukhang maihaharap sa inyong dalawa ni Harry, eh."

"That's all in the past, Jeremy, please. Masaya ako na masaya kayong dalawa ni Mariah ngaoyn."

He nodded his head. "Thanks." He murmured and got up. Nang makita kaming dalawa ni Harry ay kaagad siyang tumayo mula sa kaniyang kinauupuan at mabilis na lumapit sa akin. Sinundan niya ng tingin si Jeremy.