Last Rose

Chapter forty four

Hindi ko na hinintay pang sumagot siya at nag tuloy ng maglakad pababa ng hagdan. Napatunhay ako mula sa pag kakatingin ko sa sahig ng maramdaman ko ang lamig ng simoy ng hangin at marinig ang buhos ng ulan. Muli akong natigilan sa paglakad at sandaling napatingin sa madilim na kalangitan.

Bakit pakiramdam ko nakikisabay ang panahon sa nararamdaman ko? Kahit na hindi ko naman 'to dapat nararamdaman..

"Anong tinitingin tingin mo diyan" Nabalik ang tingin ko sa harapan ko ng makita ko si Dace na papaakyat ng hagdan habang nakapamulsa ang dalawa nitong kamay.

Umiling iling nalang ako at nagpatuloy na sa paglakad. "Siya nga pala, hinahanap ka ng kaibigan mo." Napalingon naman ako sakanya.

"Sinong kaibigan?"

Nagkibit balikat naman ito. "Hindi ko alam pangalan niya, eh." Nice.

"Ano nalang itsura?" Tanong ko.

Napatingin ito sa itaas na para bang nag iisip. "Kulay greyish blonde ang buhok niya." Sagot nito. Greyish blonde? Parang wala naman akong kaibigan na ganun ang buhok? Lumingon ito sa likod at may tinuro sa 'di kalayuan. "Nasa pangalawang kubo siya kung nasaan yung iba mo pang kaibigan." Turo niya.

Dahil sa pagka-curious, agad na akong nag punta sa pangalawang kubo na tinuro ni Dace saakin kung nasaan sila Valie at yung 'greyish blonde' na sinasabi niya. Pagkarating ko doon, nakita ko sila Valie, Polo, Jaydy, Les at Yiko na mga nag yoyosi at nag kwe kwentuhan. Pansin ko rin na may pinalilibutan ang mga 'to. Pumasok na ako sa loob ng kubo at nanlaki nalang ang mga mata ko ng makita ko ang isang pamilyar na mukha.

"Adlee!" Natutuwa kong banggit sa pangalan niya kaya naman napatingin silang lahat saakin.

"Oh, see! Sabi sainyo kilala ko si Mikee, eh." Sabi niya at tumayo na sa kinauupuan niya at nag punta saakin sabay salubong ng yakap.

Kaagad din kaming kumalas sa pagkakayakap namin sa isa't isa. "Ano nga palang ginagawa mo dito?"

Inaya ko siya papasok ng kubo dahil sa lakas ng ulan sa laban at medyo umaanggi anggi pa 'to.

"Hindi ko ba nasabi sa'yo na dito ako mag iis-stay ng mahigit isang linggo?" Napailing naman ako.

Alam ko lang na same lang kami ng pupuntahang lugar pero sa dami ba naman ng Resort dito hindi ko alam na parehas lang pala kami ng pupuntahan. Syaka ever since lumanding ang eroplano hindi ko alam kung saan ang destinasyon namin. Parang buhay ko, hindi ko alam kung saan papunta.

"Isang linggo kang mag-iis-stay dito? Sino naman ang kasama mo?" Sunod sunod kong tanong sakanya.

"Wala akong kasama. I really enjoy travelling alone. Syaka maraming nag sasabi na maganda ang lugar na 'to for you to have peace of mind. Kaya nag punta ako dito ng mag isa." Sagot naman niya.

Tumango tango ako at nakita kong nakatingin lang saamin sila Valie na may pagtataka sa mga mukha nila. "Oh, by the way. These are my friends. Va—" Bigla nalang akong nahinto sa pag papakilala sakanila ng magsalita si Adlee.

"Yas, girl I know them!" Matinis na tonong sabi niya at unang tinuro si Valie na katabi niya. "She's Valie, then Yiko, Polo, Jaydy and Les." Sunod sunod niyang sabi.

"Ayos ah. Nag memory plus ka ba?" Si Les.

"Nope. Mabilis lang talaga akong makatanda." Sabay ngiti nito.

Napatingin naman ako kay Valie na siyang nag salita pero pabulong lang. "Sino ba siya?" Sabay tingin nito kay Adlee.

Sumagot din ako ng pabulong. "Mamaya ko kwento." Nawala ang pag uusap namin ni Adlee ng humarap ito saakin.