لم يؤلمني السقوط
ولا حتى حدة الأرتطام
ألمني أن أليد ألتي أثق فيها هي من دفعتني______________
صباح يوم الجمعه ولأن عطله عندي اگعد متأخر
رفعت راسي واني عيني على خشاب غرفتي الي اختاريناها كأن اول مره اشوفهن من خمس سنين واني ممستوعب البرود العندي والصبر الي يخليني مااغير كلشي واتقبل وضعي بهدوء الهدوء الي خله اهلي ايام وليالي خايفين مني وعليه
ويمكن همه الهسه ممستوعبين اني ليش ساكت
بس اني شأرد اسوي
يگولون الي يحب يحارب
مستعد احارب الدنيا لعيونها بس الحرب وياها خاسره لأن حربي وياها هيه مو وي غيرها هيه الي فرطت بيه ومتستاهل مني اكثر من الي سويته
نهضت واني اطرد ذاكرتي المتتركني
ابتسمت واني اتذكر اليوم جمعه اخوتي يمنه وجهالهم حبايب عمهم اروح اشوفهم احسن من هالأفكار الي توديني وتجيبنياخذت ملابسي ورحت للحمام غسلت وطلعت
خليت الخاولي على متني واني ارفع شعري بدون ترتيب اعدل بي باصابعي نزلت مبتسم..صباح الخير امي
..هلا ماما صباح الخيرات
..امي اخوتي وين شو بس هوسة الجهال اهاليتهم وين لا الولد ولا زوجاتهم
..يم ابوك بالأستقبال مجتمعين واني جاي اطلع للبنات المواد حته يبلشون يطبخون
..خير ان شاء الله اروح اشوفهم شفت امي ارتبكت
..أء يوو ..يونس
..گولي امي محتاجه شي شكوو شوو تأتتين هههههه تردين اصالحچ وي الحجي خو مو زعلان
..ها لا بس بيت عمك هنا
..هلا بيهم اي عم منهم
..عمك ابو سجاد يعني خالتك وسجاد والبنات
..لحظات صفنت وعقلي يرفض الي سمعته ردت تأكيد
..يا خالتي ياسجاد شنوو جيتهم مقلب هذا لو شنوو
..اشششش امي عفيه ليسمعوك لتعلي صوتك.والله قبل اسبوع سجاد وسط جماعه على ابوك يصالحوه وابوك البارحه انطاهم خبر الجمعه يجون ومهما يكون احنه اهل والفات مات كل واحد منكم شاف طريقه وحياته مهما يكون ولد اخوو رباهم ولتنسه خالتك اختي لحمي ودمي خو منبقى متقاطعين للأبد
..أنتوو كل عقلكم تحچون ؟
يامات وين الفات مات؟
نايم بيه الفات وميموت الا اموت اني واخلص
امي ياطريق الشفته ؟
دليني بي يمكن مجاي اشوفه
بعد الصار كله جاي تگوليلي منريد قطيعه
اكو اكثر من الصار يستاهل قطيعه..يونس ماكو شي بالدنيا يستاهل قطع الرحم
..ماكوو شي ؟
الي صارلي والي صار بهاله مو بعينكم
كل هذا ميستاهل
لعد شنوو اليستاهلبس گوليلي شلون قلبچ نطاچ تحاچينها الأختچ نسيتي كسرتي نسيتي ذيچ ايامي نسيتي يا أمي نسيتي بنتچ نسيتي هاله
ESTÁS LEYENDO
بعد ألخذلان
Chick-Litأتعلم ما الذي يحزنني ؟ أنهم جادلوني بك مرارا أخبرتهم انك مختلف فخذلتني .