بعد ألخذلان

٨

مساء الحب حبايبي
اشكركم واشكر دعمكم الي واسفه ع التأخير اشكر كل الي بارك للحجاج ويارب يوم الالكم
تصدگون لليوم عدنه خطار وهذا البارت كل يوم امتب بي كم سطر وانشغل واتركه اليوم يلله كدرت اكمله براحتي وبدون تعديل
مشتاقه الكم والله واسفه مره ثانيه ❤❤

...........................................

رجعت من الدوام من شفت أبويه ونظراته الحزينه تذكرت سجاد واتصاله
ياربي شگد اشتاقيتلك عبالك هسه فارگتك صح چنت مااشوفك ولااحاجيك بس المهم انت عايش بهالدنيا
الهسه مااريد اصدگ انت مدفون لا اعتراض على حكم الله بس مرتاح ابد يتيم وخلف ايتام هذا حالنه من حرب ايران الهسه احنه نودع اباء أيتمون ابنائهم والأيتام تخلف ايتام
تنهدت وسلمت على ابويه فتت جوه امي وأيام لابسات اسود ايام احسها حيل متأذيه اصلا هيه ربت على ايده الحد المشكله يلله تقاطعنه
سلمت وفتت صحتها

..ايام تعالي اريدچ ..صعدت الغرفتي وهيه صعدت وراي

..ها حبيبي گول

..تعاي خالتي شلون صارت

..مسكينه منهاره هيه والبنات حقهم وزوجته بس خلص السابع اخذت جهالها ورجعت الاهلها
وخالتي اتخبلت هم عليه وعلى جهاله

..الله يكون بعونها هذا حال الدنيا أيام تعرفين شي قبل استشهاده بنص ساعه لح باتصاله ومجاوبت ومتندم وضايج لو بس عارفه شنوو يريد

..نزلت دموعي من عيوني على ايدي اتذكرت من اجاني للدوام اخر يوم اجازته صار سنين مشايفته من اجه للبيت مطلعت اله جنت مقهوره على هاله ويونس بس باقيه محبته بقلبي شالني اكثر من اخواني اشترالي طلعني يشاقيني چان يسميني الفصعونه واني انقهر وهوه يضحك

رجعت باوعت اليونس شافني ابچي اتجمعت الدموع بعينه كتله اني اعرف شراد منك

راحت ذاكرتي لليوم  الأجاني للدوام قبل التحاقه تفاجأت بوجوده ومااعرف منين عرف اني هنا اداوم
اجت ابنيه صديقتي گالت اكو واحد حلوو يسأل عليچ باوعت للمكان الاشرت عليه
شفته سجاد بقيت بمكاني متحركت متفاجأه ومصدومه اتقدم وهوه مبتسم

..السلام عليكم ..تردين السلام لو انتي هم كارهتني

..ابتسمت واني خجلانه واحس نفسي مكرهته ابد زعلت اي بس ماحقدت گتله

وعليكم السلام هوه اني اگدر اكرهك اخويه انت شلونك

..من الله بخير لچ فصعونه كبرانه وصايره عروس وصايره تسلمين من بعيد تخجلين من سجاد الي ياما چتفه شالچ

..شسوي قابل ابقى صغيره ماكو شي يبقى على حاله
تنهد وجر نفس جاوبني

..أيي اييه.. حسيت عيونه بيها هواي كلام كمل كلامه بنبره هادئه وصوت حزين مااعرف شنو اليدور براسه  ..أيام اجيتچ بالبدايه ردت اسلم عليچ وعندي موضوع هم ..